استشارة من أصحاب الأفيو

[eng_amrnabil]

الأخوة أعضاء المنتدى الكرام وأصحاب السيارات الشيفرولية الأفيو ،،،

رجاء استشارة من سيادتكم ،

معروض على سيارة أفيو موديل 2009 والعداد 25000 كم وحالتها جيدة ،

ما رايكم فيها ورايكم فى السيارة الأفيو بصفة عامة

والله محتار أشتريها ولا بلاش واشترى لانوس او فيرنا مستعمل وخلاص حيث المبلغ المتوفر معي يكفى احد هذين الموديلين.



شكرا

[أشرف العدوي]

انصحك بلاش الأفيو علشان ليها تجارب سيئة جداً جداً معايا
و ممكن تشوف اللينكات في توقيعي هتفيدك

[joe_techno]

بص يا استاذ عمر انا عربيتي بقالها سنتين و 4 شهور عامله 34000 الف بالضبط و الحمد لله العربية زي الفل معايا و عمري ما اشتكيت منها في حاجة و عمري ما ندمت اني اشريتها بل بالعكس ان متأكد انها الافضل في الفئة السعرية دي و بالتوفيق في الاختيار الصحيح

[aymanmaly]

حضرتك الى معروضة عليك كورى ولا تقفيل مصرى ؟

[saadeng2001]

الافيو طبعا احسن

انا معايا الافيو من شهر 3 2008 والحمد لله مفيهاش مشاكل وطبعا بالمقارنة بالانواع اللي زكرتها يبقي هي افضل بدون تفكير...

[lemar]

والله العظيم لسه مشتري الأفيو 2008 وزي الفل وكوري بالتقفيل محترمة جدا وشيك جدا وعربية عائلية وسعرها روعة من الجمال شيفرولية أفيو طبعاااااااااً

[basm]

افضل من غيرها

والله انا معايا 2009 مصرى وعامل بيها 68000 كيلو .. يعنى كتير والعربية زى الفل والحمد لله.. فيما عدا مرة واحدة الكنترول شكرا.. واعتقد ده ممكن يحصل فى اى عربية.

[aveo9090]

افيو 2010

انا معايا الافيو 2010 جبتها من 6 شهور بس و الله العربية معايا زى الفل و انا مبقولش عليها كدة علشنها معايا لا ان بقول كلمة حق و الله على ما اقول شهيد و شكرااااااااااا

[mohamed1979]

بلاش الأفيو ليا تجارب سيئه معاها وكانت كورى مش مصري

[Dr/ P.K.Sh]

it is agood car i have aveo 2008 automatic

[eng_sherif_00]

انا كمان معايا 2009 كورى السيارة ممتازة وعامل بيها 55 الف كيلو

[hanyeng]

انا مهندس مدني بعمل في الجبل
( مواقع الشغل ) الافيوا عربيه عمليه جداا وتناسب الطرق المصريه انا بخش بيها الجبل كل يوم تقريبا زي الفل عفشتها جمده عن الديوا واعلي

[xxxfares]

انا معايا من شهر 9 2010 و الحمد لله زى الفل توكل على الله

[Morieno]

انا بقى جالى جنان يا جدعان

كنت بفكر فى الافيوة وقعدت اقرى عنها كتير

كان فى تقرير كبير قريته عن عيوب الافيو وما شفتش ولا واحد من الرجاله اللى بتشكر فى الافيو هنا دخل فى التقرير وقال اى حاجه تفيد انها عربيه كويسه - لدرجة انى اقتنعت انها بسكلته بحاجه وسبعين الف - وقررت اصرف نظر

دخلت الموضوع دا بقيت كل الناس بتقول دى زى الفل دى جباره دى جامده - لدرجة انى رجعت افكر فيها تانى

اعمل ايه انا بقى دلوقتى فى الليله دى اصدق مين الله يعمر بيوتكم والبيوت اللى جنب بيوتكم

للعلم انا ناذل من نوبيرا غووول بس الظروف بقى - الحمد لله

[أشرف العدوي]

انا بقى جالى جنان يا جدعان

كنت بفكر فى الافيوة وقعدت اقرى عنها كتير

كان فى تقرير كبير قريته عن عيوب الافيو وما شفتش ولا واحد من الرجاله اللى بتشكر فى الافيو هنا دخل فى التقرير وقال اى حاجه تفيد انها عربيه كويسه - لدرجة انى اقتنعت انها بسكلته بحاجه وسبعين الف - وقررت اصرف نظر

دخلت الموضوع دا بقيت كل الناس بتقول دى زى الفل دى جباره دى جامده - لدرجة انى رجعت افكر فيها تانى

اعمل ايه انا بقى دلوقتى فى الليله دى اصدق مين الله يعمر بيوتكم والبيوت اللى جنب بيوتكم

للعلم انا ناذل من نوبيرا غووول بس الظروف بقى - الحمد لله

http://www.nilemotors.net/Nile/154755-a.html

http://www.nilemotors.net/Nile/176139-a.html