اشتري افيو ولا لأ ؟؟

[start_wow]

ازيكم شباب عاملين ايه..يارب تكونوا بخير وعام جديد سعيد للكل ان شاء الله
بفكر اشتري افيو مستعملة فياتري ايه رايكم في الافيو وكمان لو فيه كده اسعار لقطع الغيار اكون شاكر جدا ليكم

[yoko]

خليك في الموديلات قبل 2009 عن تحربة مريرة مع موديل 2009 المصري معرفش 2010 فيه مشاكل ولا لأ

[fawzyyyy]

2010 محدش اشتكي منها
العربية كويسة و هي الافضل في فئتها
و ربنا يوفقك ان شاء الله

[ahmedbasto]

الكورى منها كويسة مع واحد صاحبى جميلة جدا بس المصرى معرفش

[joe_techno]

انا معايا 2009 مصري و مشتكتش منها خالص و في رايي انها احسن عربية في الفئة السعرية

[أشرف العدوي]

انا ما انصحكش بيها و ممكن تشوف اللينكات في توقيعي

[start_wow]

شكرا لنصحائكم يا شباب بس واضح انه الاجماع علي الموديلات اللي قبل 2009 فعلا...طيب تفتكروا هيا ولا نيو اكسنت مثلا بما انكم شايفين ان الافيو مش مريحة اوي

[aymanmaly]

بص طالما انك ناوى تجيب مستعمل
يبقى الاثنين بالنسبالى واحد
المهم الحالة و النظافة
يعنى بص اكثر على الى هاتلاقية انظف
بالنسبة للافيوا ظهر فيها بعض العيوب فى التقفيل المصرى
وتم حلها جميعا يعنى مافيش مشكلة بدون حل
و بالتوفيق فى القرار السليم

[yyy]

2010 محدش اشتكي منها

+1111

[أشرف العدوي]

بص طالما انك ناوى تجيب مستعمل
يبقى الاثنين بالنسبالى واحد
المهم الحالة و النظافة
يعنى بص اكثر على الى هاتلاقية انظف
بالنسبة للافيوا ظهر فيها بعض العيوب فى التقفيل المصرى
وتم حلها جميعا يعنى مافيش مشكلة بدون حل
و بالتوفيق فى القرار السليم

ازيك يا استاذ ايمن يارب تكون بخير
هو انا عايز اوضح نقطة
ان معظم المشاكل لم يتم حلها و لم يظهر لها حلول حتى الان
1- حدفة يمين او شمال لم يتم حلها حتى الان
2- تزييق في الجانب الأيمن من العفشة
3- الطانبير بتريج حتى معه استعمال التيل الاصلي
4- الرفرف اليمين بيعض في الباب اليمين بسبب عدم وجود دعامة أسفل الرفرف
دي المشاكل الي في دماغي حتى الان و هي موجودة بالنسب الموجودة في الاستطلاع
بالنسبة لمشكلة الـ rpm عضو واحد تم حلها و تعتبر تحت التجربة و هو العيب الأشهر في الافيو

[rompo10]

الافيو جميله بس اوعي الجري بيها لانها ورقه بمعني الكلمه

[zidaneelwaly]

اقيمهالك بما اني احد ملاكها 6 من 10