تجربة الشد مع السيراتو

[kamalsalem]

أخيراً المقدر حصل... وزوزو جاتلها فرصة تجري مع اختها السيراتو على الصحراوي

بما انه الاسكندرانية قرروا يهاجموا القاهرة اليومين دول... قررت استعمل عنصر المفاجأة واعمل هجوم مضاد على اسكندرية وقد كان... الهجوم كان يوم الجمعة الصبح ولسه راجع... وحابب اقول لاسكندرية متشكرين على تبويظ الغسلة... العربية معفنة من الطين على الطريق لدرحة بفكر اصورها للذكرى... الفوجات خلاص منورين زي مطفيين من كتر الطين اللي عليهم.

التجربة الجميلة بقى... وانا طالع من اسكندرية كنت ماشي زي الناس المؤدبة 110... وبعدين زوووووو سيراتو بتنجاني ركباها واحدة شكلها مولودة وف ايدها طارة... معرفتش انها بنت غير لما وقفنا عند أول تحويلة.

عدينا التحويلة ولقيت البنت رجلها تقيلة اوي... قلت اجرب... 110... 120.......... 160......... تحويلة.. انتظار وهوووووب لبسنا المطبات مع بعض.... بعد المطب قلت مش هجري تاني (عشان اشوف هتجري ولا هتستناني) المهم البنت استنتني فعلاً بعد التحويلة

الطلعة من 60 كده مثبتين مع بعض (على الاوتو مش الستب)... على ال100 كده السيراتو طلعت بقت بوزها قدام لحد الرفرف كده وانا مثيت جنبها... على ال 150 كده.... تحويلة ودشششش المطبات (منها لله)

بعد التحويلة دي انا طلعت الاول وهي ورايا بس راكبة على ضهري... انا طلعت لحد ال120 كده... بعدها هي طلعت تاني نفس الفرق اللي فات وجات جنبي... وقرص السنين بقى... بس انا عندت ومش مهم صوت العربية.... خدت الخامس لحد 185 في الرد زون والعربية خدت السادس ونطت نطة كده وبوزي طلع.... من 185 ل 200.... 205 واحنا مثبتين... بعدين دخلنا على تحويلة تانية... هى فرملت بعدي عشان الabs ف طلعت قدامي ودخلت التحويلة قدامي...

انا كان قلبي خلاص هيقف بس قلت اجرب كمان مرة... سبتها تطلع جامد عشان كان في واحد معاه فيكترا سي بيجري معانا من التحويلة... على ال 180 كده جبتهم هما الاتنين وعديتهم على خوانة على ال205 برضه وبعدين تحويلة كمان انا كنت خلاص حرقت ربع تانك ف 100 كيلو جري

بعد التحويلة جريت لحد 160 ملقتش حد معايا ف فضلت ثابت... بعدين فجأة زينون وزووووووو الفيكترا عداني والسيراتو جنبي... سقطت غيار والمرة دي عديت السيراتو مريح بس الفيكترا طلع كان بيلعب معانا.... لحد 185... 200... 205 وهو قدامي.. عربيتي مش بتجيب وهو لسه بيبعد...بصراحة تعبت وهديت وعديت المزة

الغرييييب في الموضوع... ازاي الفيكترا كده... يا جماعة بجد انا كنت برفص على الدواسة وهو طالع برضه... السيراتو حكمي عليها انه الجري معاها ملوش عازة.. العربيتين ادائهم تقريبا متساوي.... والغريب اني سبتها طارت من جنبي وانا كملت الطريق 160 كده... وانا داخل بوابات القاهرة... كانت داخلة قدامي!!!!! مفهمتش انا اللقطة دي... شكلها وقفت في الطريق... مش عارف... جوه القاهرة حاولت اسخنها تاني مرضيتش ف سبتها وجريت لحد البيت.

تحياتي للعربيتين وبجد الفيكترا جريتها قبر.... السيراتو جميلة ماشاء الله عليها اسد على الطريق وماسكة نفسها وتحسها بتزحف كده على الاسفلت بتاكله تحتها

زوزو حبيبتي... انا كنت وعدتها اني مش هجيب ال200 دي تاني... بس كان لازم اجربها مع سيراتو.... الحمد لله الحمد لله العربيتين اسود

اغسلها فين بقى عشان فيه بقعة من تورتة على الكنبة ومراتي اديتها شوكولاتة على الكرسي اللي جنبي... عايز غسيل صالون نضيف

[Dr_Essam]

أيه السرعات اللى انا بقراها دى 185 200 205
نصيحة من اخوك : بلاش الثقة الزائدة بالنفس اللى بتخليك تجرى على الطريق بالسرعات دى ... أنت مش ضامن ظروف الطريق ..(مطب مفاجىء أو حفرة) و أخطاء الغير التى لا يمكن التحكم فيها ...
ربنا يستر طريقك

[yoko]

عاوز اجري معااااااااااك وأعودك مش هتشفني

[ecybrarian]

ربنا يستر طريقنا جميعا..معلش رفقا بالعربيات..شوارعنا ما تستهلش

[ahmedhossam86]

يا بختك شوفت واحدة بتجري.. انا اخري اشوف واحدة جايبة اخرها علي الــ 120 و بحس انها حاتعيط... بس هدي السرعات شوية و بلاش جري... انت رب اسرة يا راجل :)

[ahmedsamir5edr]

تجربه جميله
شكرا علي النقل
بس ال rpm كان علي كام و انتا ماشي 200 ؟ ( علي أساس ان الفتيس 6 سرعات )

[ldsaklf]

انا بكره المطبات بتاعت التحويلات الي ع الصحراوي دي بتحس ان العربيه بتقك من بعضها لما بتلبسها حاجه تقطع القلب

[kamalsalem]

أيه السرعات اللى انا بقراها دى 185 200 205 :o_stupid[1]:
نصيحة من اخوك : بلاش الثقة الزائدة بالنفس اللى بتخليك تجرى على الطريق بالسرعات دى ... أنت مش ضامن ظروف الطريق ..(مطب مفاجىء أو حفرة) و أخطاء الغير التى لا يمكن التحكم فيها ...
ربنا يستر طريقك

مش ثقة زايدة والله... انا نازل من بولونيز يا راجل.. يعني انا عمري ما كنت على السرعة دي ف عربية انا اللي دافع تمنها... عادة بيبقى بضحي بواحد صاحبي... قلبي كان هيقف وانا ماشي 205 دي

عاوز اجري معااااااااااك وأعودك مش هتشفني

ايه ده.. لينيا تربو... انا موافق... بس مفيش شرط بيقول انها لازم تكون الكروز ههههههه

يا بختك شوفت واحدة بتجري.. انا اخري اشوف واحدة جايبة اخرها علي الــ 120 و بحس انها حاتعيط... بس هدي السرعات شوية و بلاش جري... انت رب اسرة يا راجل :)

ماهو الاسرة كانت بتصرخ ف ودني كفاية جري... وبعدين اخرها 120 ازاي... يا باشا انا بصمت بالعشرة للسيراتو بعد ما شفت اللي شفته... ربنا يحميها لاصحابها

تجربه جميله
شكرا علي النقل
بس ال rpm كان علي كام و انتا ماشي 200 ؟ ( علي أساس ان الفتيس 6 سرعات )

بص يا باشا انا مش هكدب عليك... 205 دي انا كان بيبقى كل تركيزي مع الطريق والمرايات وعداد السرعة... بس اقدر اقولك انا كنت بفصل الخامس على 185 والاربي ام في الرد زون... يروح نازل فجأة ل4 مع السادس... على 205 كان تقريييباً الاربي ام 5 او 5 ونص وعشان كده مظنش اني كان ينفع اجيب اكتر من كده بدليل الفيلم الاباحي اللي الفيكترا عملته معانا احنا الجوز

انا بكره المطبات بتاعت التحويلات الي ع الصحراوي دي بتحس ان العربيه بتقك من بعضها لما بتلبسها حاجه تقطع القلب

انا كنت كل تحويلة بفكر اسيبها تطلع عشان مش عايز انط المطبات دي.. يا راجل ده السيراتو بالجنط ال17 كنت بسمع فقرات ضهر البنية المسكينة اللي سايقة وهي بتطرقع

[kar!m]

هو الكلام ده بال بولونيز ولا الكروز؟

[yoko]

ايه ده.. لينيا تربو... انا موافق... بس مفيش شرط بيقول انها لازم تكون الكروز ههههههه

ﻷ شرط طبعا
أما موضوع البنات ﻷ فيه قلبهم جامد قوي
أنا واحد صاحبي كان راكب اللينيا التربو وزميلته في الكليه علمت عليه بالفيستا تخيل

[kamalsalem]

هو الكلام ده بال بولونيز ولا الكروز؟

بالبولونيز طبعاً كروز ايه يا راجل

بس هو عندي مشكلة صغيرة انه بعد ال 160 بسمع صوت تكسير وساعات نص العربية الوراني بيقع مني وبضطر استناه يحصلني

وعلى ال205 مش قادر احكيلك على ثبات البولونيز.. عارف تيتانك غرقت ازاي؟ هو نفس الاحساس بالظبط.. عومان في البطن... قلبان في الدماغ... شريط حياتك يلعب قدامك... نور ابيض.. وطييير انت

[engaass]

بالبولونيز طبعاً كروز ايه يا راجل

بس هو عندي مشكلة صغيرة انه بعد ال 160 بسمع صوت تكسير وساعات نص العربية الوراني بيقع مني وبضطر استناه يحصلني

وعلى ال205 مش قادر احكيلك على ثبات البولونيز.. عارف تيتانك غرقت ازاي؟ هو نفس الاحساس بالظبط.. عومان في البطن... قلبان في الدماغ... شريط حياتك يلعب قدامك... نور ابيض.. وطييير انت

نسيت كمان ان التابلوه بيجى على حجرك

[Rsarabia]

الكروز بالموتور الجديد هو هو نفس موتور السيراتو بالتالى لازم الاداء يبقى زى بعضه عارف لو بتشد بالموتور القديم اللى هو بتاع الاوبترا ؟ مكنتش هتلحق تعمل كل دا

بلاش جرى على السرعات دى انت مش ضامن الطريق

[yoko]

الكروز بالموتور الجديد هو هو نفس موتور السيراتو بالتالى لازم الاداء يبقى زى بعضه عارف لو بتشد بالموتور القديم اللى هو بتاع الاوبترا ؟ مكنتش هتلحق تعمل كل دا

بلاش جرى على السرعات دى انت مش ضامن الطريق

هو معاه موتور الاوبترا

[Hmatchy]

بالبولونيز طبعاً كروز ايه يا راجل

بس هو عندي مشكلة صغيرة انه بعد ال 160 بسمع صوت تكسير وساعات نص العربية الوراني بيقع مني وبضطر استناه يحصلني

وعلى ال205 مش قادر احكيلك على ثبات البولونيز.. عارف تيتانك غرقت ازاي؟ هو نفس الاحساس بالظبط.. عومان في البطن... قلبان في الدماغ... شريط حياتك يلعب قدامك... نور ابيض.. وطييير انت

ههههههههههههههههههههههههههههههههههههههههههههه
بجد من اشد التعليقات اللى قريتها فى نيل موتورز
بس على فكرة لو كنت سافرت الجمعة اللى قبليها جايز كنا نتقابل على الطريق ونشد سوا
انا كنت ماشى 210 تقريبا بس ايه كان rpm على اول الاحمر وسامع صوت الماتور ولا كأنى قاعد جواه وكان بيشد معايا هوندا جيب بس كان اخرو 180 بس بجد احساسى بالاستابيلتى بتاع العربية ونطافة الطريق هو اللى خلانى اجرى كدة