اجيب منين طنابير افيو نوع ريمسا

[teamahmed]

اجيب منين طنابير افيو نوع ريمسا وتيل ريمسا للافيو
؟وسعرهم فى حدود كام
وياريت العنوان لانى مش من القاهره


ولو حبيت اغير مساعدين اماميه اجيب احسن نوع ايه؟( المنرو , الكونى,1800,kyb,)
وايه الفرق مابينهم
ارجو الافاده وجزاكم الله كل خير

[sammor_28]

في محل في الحرفيين اسمه الأصدقاء بس مش عارف اوصفه بالظبط

وفي محل اسمه الغنيمي في مدينه نصر وعنوانه:13 شارع عبد الرازق السنهوري متفرع من شارع عباس العقاد

ودول اللي اعرف ان عندهم تيل وطنابير ريمسا

واخر سعر كنت اعرفه من 3 شهور الطنابير سعرها 300 جنيه والتيل ثمنه 135 جنيه

وهما فعلا الختيار الأمثل للقضاء على مشكله طنابير الأفيو وربنا معاك

وبالنسبه للمساعدين انا ماعرفش حاجه بصراحه عنهم

[shock]

انا مركب مساعدين امامين kyb مع صداتين دبل
وهما لحد الان شغالين حلو عفشجي خبرة هو اللي قالي عليهم بعد ما كنت جبت اتنين اصلي رجعتهم
وايه نوع الطنابير اللي انتا بتقول عليها دي
حلوة ولا ايه نظامها

[teamahmed]

الف شكر يارجاله على الردود ومستنى باقى الردود من بقيه الاعضاء

بالفعل كذا واحد شكرلى فيهم وقالى هما احسن طنابير حتى الان للعربيه الافيو

[Usama Nagi]

في محل في الحرفيين اسمه الأصدقاء بس مش عارف اوصفه بالظبط

وفي محل اسمه الغنيمي في مدينه نصر وعنوانه:13 شارع عبد الرازق السنهوري متفرع من شارع عباس العقاد

ودول اللي اعرف ان عندهم تيل وطنابير ريمسا

واخر سعر كنت اعرفه من 3 شهور الطنابير سعرها 300 جنيه والتيل ثمنه 135 جنيه

وهما فعلا الختيار الأمثل للقضاء على مشكله طنابير الأفيو وربنا معاك

وبالنسبه للمساعدين انا ماعرفش حاجه بصراحه عنهم

و بكام التيل ده لو للأوبترا

[aymanmaly]

بص يا سيدى فية واحد بتعامل معاة فى شارع بيروت مصر الجديدة القاهرة
ممكن ابعتلك رقم تليفونة و عنوانة على الخاص

[aymanmaly]

و بكام التيل ده لو للأوبترا

تيل اوبترا ريمسا بحوالى 170ج انا لسة شارى واحد

[dj_bex]

استاذ ايمن هوه طنابير الاوبترا بتتغير بعد اد ايييه ؟؟

[amado318]

بعد اما تمشى فى ميه المطر والطنابير سخنه هتغيرها زى ما عملت على طول ولو مكنتش مشيت فى المطر يبقه لما تلاقى رعشه مع الضغط على الفرامل فى الدركسيون او تلاقى عالى وواطى فى الطنابير او الفرامل اصبحت سيئه وملهاش وقت محدد حسب الاستخدام

[aymanmaly]

استاذ ايمن هوه طنابير الاوبترا بتتغير بعد اد ايييه ؟؟

العمر الافتراضى المتوسط ليها فى الاوبترا اتوماتيك 60000 كم
و فى المانيول 80000 كم
ولازم تكشف عليها كل صيانة 5000 كم للتاكد انها سليمة هى و التيل
و فية عوامل كثيرة تخليها تنتهى زى المشى بتيل خلصان او تيل مضروب بياكل الطنابير و هو ما يتكلش
ودة بيقضى على الطنابير بسرعة
و طبعا وهى سخنة يجى عليها مياة يعرضها للتلف
فية ناس فى نصف الفترة المذكورة عالية بتدى مسحة للطنابير عند الخراط ( و دة اول ما تبد يبقى فية شفة ظاهرة فى الطنابير )
و فية ناس بتقعد اكثر من كدة حسب استعمالة للفرامل
معلش توضيح فى عجالة بس المضوع يطول
و يجعلة عامر

[dj_bex]

الله ينور عليييك يا عمده و يجعله عامر