ترشيح بسيط فى موتور الأوبترا

[Bassem Raafat]

حبايبى وأخواتى الأوبتراويه ...

يمكن ده أول موضوع أسأل فيه عن حاجه قلقتنى شويه .

النهارده كان واحد صاحبى بيتفرج على العربيه عندى علشان بيفكر يشترى أوبترا هو كمان .

وإحنا بنتفرج على العربيه مع بعض ، فتحتله الكبوت علشان يتفرج على الموتور ، ولاحظت التالى :

1 . شوية تعريق زيت خفيف تحت وش الموتور وآدى صورته :



2 . شوية تعريق زيت خفيف فوق أولسى خرطوم فلتر الهواء ، ومكان السهم لما مسحته بصباعى علشان أتأكد إنه زيت ، وده صورته :



فيا ترى ده طبيعى ولا ممكن يكون فى حاجه مقلقه ، ولا ممكن يكون مكان أى شحومات ؟!!

وللعلم : العربيه عامله حوالى 4400 كم بس ، وعندى صيانه إن شاء الله أول فبراير ( الـ 8 شهور ) .

ومبدئياً ، ألف شكر للعمده ، علشان أنا عارف إنه أول واحد حيرد عليا

[أبو عمار]

الموضوع سهل جدا
خلى الميكانيكى يربط غطاء التاكيهات أكتر (غطاء التكيهات تحت غطاء الموتور الأسود)

[aymanmaly]

صباح الفل يا بسوم
لموضوع ان شاء اللة بسيط جدا
دة تعريق زيت بسيط حاجة من اثنين ان شاء الله ما يخرجوش عنهم
دة اما تعريق عادى بسبب حرارة الماتور و البرودة فى الجو
اما غطاء التاكيهات عايز تربيط
و دة بيكون تحت العمة السوداء الكبيرة
و علشان نطمن اكثر شوف فاضى امتى نروح مع بعض التجمع نبص بصة سريعة بدون ميعاد و اهو بالمرة اسلم على المهندس محمود لانى من يوم ما اتقابلنا فى المقابلة ما كلمتهوش و شكلى وحش اوى
بسيطة يا حريف

[aymanmaly]

معلش يا باسم اخزلتك طلعت الثانى
و انا باكتب جالى تليفون على ما خلصت كنت الثانى
مش قادر اسامح نفسي
ارجوك ما تزعلش
:-)
شوفت الكلام الحلو دة متهيئلى استحق تعزمنى على فنجان قهوة على تأنيب الضمير دة كلة

[Bassem Raafat]

الموضوع سهل جدا
خلى الميكانيكى يربط غطاء التاكيهات أكتر (غطاء التكيهات تحت غطاء الموتور الأسود)

الله ينور عليك يا باشا ، وشكراً لإهتمامك .

صباح الفل يا بسوم
لموضوع ان شاء الله بسيط جدا
دة تعريق زيت بسيط حاجة من اثنين ان شاء الله ما يخرجوش عنهم
دة اما تعريق عادى بسبب حرارة الماتور و البرودة فى الجو
اما غطاء التاكيهات عايز تربيط
و دة بيكون تحت العمة السوداء الكبيرة
و علشان نطمن اكثر شوف فاضى امتى نروح مع بعض التجمع نبص بصة سريعة بدون ميعاد و اهو بالمرة اسلم على المهندس محمود لانى من يوم ما اتقابلنا فى المقابلة ما كلمتهوش و شكلى وحش اوى
بسيطة يا حريف

100 100 يا عمده ، وإن شاء الله ناوى أروح أول فبراير علشان تانى صيانه ( ممكن أحجز على يوم3/2/2011 ) .

طيب والتعريق إللى على أولسى الخرطوم إللى واصل على فلتر الهواء ، يبقى برضه من نفس السبب ؟!!

معلش يا باسم اخزلتك طلعت الثانى
و انا باكتب جالى تليفون على ما خلصت كنت الثانى
مش قادر اسامح نفسي
ارجوك ما تزعلش
:-)
شوفت الكلام الحلو دة متهيئلى استحق تعزمنى على فنجان قهوة على تأنيب الضمير دة كلة

لا يا عمده إنت المفروض إللى تجيبلى قهوه علشان إتأخرت على حبيبك : (

بس برضه عيونى وليك عندى عزومة سحلب : )) أنا عارف إنك بتحبه أوى .

[mhmdalsaadany]

لا انت ولا هو انا هاشرب القهوه دي عشان محدش يزعل
ان شاء الله بسيطه يا حريف وربنا يطمنك دي حاجه سهله وبسيطه خالص ان شاء الله

[Bassem Raafat]

لا انت ولا هو انا هاشرب القهوه دي عشان محدش يزعل
ان شاء الله بسيطه يا حريف وربنا يطمنك دي حاجه سهله وبسيطه خالص ان شاء الله

لا يا حبيبى ده إنت إللى تعزمنا إحنا الإتنين على القهوة : )) وإن شاء الله يا برنس تطلع حاجه بسيطه ، إدعيلها : )))

[aymanmaly]

لا يا باسم ما تستناش لفبراير
روح باسرع وقت علشان الموضوع مايدخلش فى اولسية لانة ممكن ينشف و مشاكل تانية زي نقص زيت
و تعالى نروح من غير حجز انا هاجى معاك
شوف بس انت فاضى امتى

[Bassem Raafat]

لا يا باسم ما تستناش لفبراير
روح باسرع وقت علشان الموضوع مايدخلش فى اولسية لانة ممكن ينشف و مشاكل تانية زي نقص زيت
و تعالى نروح من غير حجز انا هاجى معاك
شوف بس انت فاضى امتى

ما تقلقش يا عمده ، أنا من هنا لغاية أول فبراير مش حكون عملت أزيد من 100 كيلو ، إنت عارف إنى مبتحركش بيها كتير ، وعلى العموم وزيادة إطمئنان أنا حبص على مقياس الزيت لو لاقيته ناقص حاروح على طول وحأكلمك قبلها يا عمدة العمد : )))

[aymanmaly]

ربنا يبارك فيك يا باسم
و بالتويق

[Bassem Raafat]

بس يا عمده لو طلع الزيت ناقص شويه لا قدر الله ، ح أخاف أروح بيها التجمع فممكن ساعتها نروح بعربيتك إنت علشان نشوف الحكايه إيه

[aymanmaly]

سهلة دى
على فكرة انا كان عندى من كام يوم نفس الموضوع بالضط
هاهاها شكل عربيتك بتقلد عربيتى

[Bassem Raafat]

بصيت على مقياس الزيت النهارده الصبح يا عمده ، ولاقيته تمام الحمد لله .

ها أعمل إيه علشان الزيت ينقص .... أنزل أفك طبة الزيت من تحت ؟!! : )))

[engaass]

عادى جدا انا برضة كان عندى تعريق برضة وفى الصيانة قالولى ان مسامير غطا التاكيهات عايز تربيط وده عموما ما يقلقش وانتظرو التفاصيل فى التقرير

اوعى ايديك والريموت كنترول

[aymanmaly]

فك يا باسم الطبة خليك جدع عللشان اشوفك هاهاهاهاه