إعـــــــلان

Collapse

.

,
See more
See less

تقرير صيانة ال 5000

Collapse
X
 
  • Filter
  • الوقت
  • Show
Clear All
new posts

  • تقرير صيانة ال 5000

    تقرير صيانة ال 5000 كم
    فى الاول لازم اشكر الاستاذ أيمن على (عمدتنا الكبير) والاستاذ باسم رأفت (الحريف) على المساعدة الصادقة منهما
    اولا مواصفات السيارة:
    شيفرولية لانوس 2010
    تاريخ الشراء 27/7/2010
    عداد الكيلومتر 2627
    طبعا انا لسه مكملتش ال 5000 بس عديت ال 4 شهور
    الغرض من الصيانة
    1- تغيير الزيت والفلتر
    2- كان فى ترشيح بسيط جدا من خزنة زيت الباور وترشيح على غطاء التاكيهات
    3- صوت خبط ماسورة الشكمان فى بطن العربية مع النقر فى بعض الاحيان
    4- تغيير خرطوم مياه المساحات لان به قطع بيخلى المياه تخرج من جانب الرفرف عند استخدام المساحات
    ثانيا اجراءات حجز الصيانة
    1- الحجز تم يوم الاثنين 3/1/2011
    2- ميعاد الصيانة الاربعاء 5/1/2011 الساعة 11 صباحا رقم 4
    3- مكان الصيانة فرع التجمع الخامس
    4- تم تأكيد الحجز برسالتين على الموبايل ببيانات الحجز
    ثالثا الذهاب الى الصيانة
    انا كان معادى الساعة 11 بس انا كان عندى شغل جانبهم فقلت اشوف اذا كان ينفع وانا رايح اعدى عليهم الاول وفعلا انا كنت هناك الساعة 10 بالضبط لاقيت فى عربية خارجة من عندهم ومفيش حد تانى(بالرغم ان موظف الحجز فى التليفون قالى ان مواعيد الصيانة بتبتدى من 10 الى 3.5 ) المهم دخلت وقابلنى م / محمود فراج بصراحة شاب محترم ومهذب جدا وقولتله انى حاجز صيانة ورقمى 4 وخد العربية بعد اما قولتله انا عايز اعمل فيها اية وهو طلب طبعا دفتر الضمان ورخصة العربية وبطاقتى الشخصية عشان يسجل البيانات وانا كنت شارى زيت موبيل 5000 من برة لانهم فى بنزينة شل وبعدين العربية دخلت مكان الصيانة مع صنيعى اسمه محمد راجل كويس برضه وتم ابلاغه بالمطلوب
    ما تم عمله
    1- تغيير الزيت والفلتر
    2- اضافة كولية لخرطوم خزنة زيت الباور (الشركة بتوفر فى اى حاجة وخلاص)
    3- اعادة التربيط على مسامير غطاء وش التاكيهات
    4- التربيط على العفشة (من غير ما أطلب)
    5- نفخ الماتور والعفشة (من غير ما أطلب)
    6- تربيط فرامل اليد (من غير ما أطلب)
    7- المراجعة على كل الزيوت (من غير ما أطلب)
    8- تزويد مياه المساحات بمياه عادية (من غير ما أطلب)
    9- تزويد المياه الخضرا ونصيحة منى ان اللى يروح هناك يا اما يكون مزودها اصلا او يشترى ازازة وهو رايح لان النوع اللى فى المحطة ردىء جدا وده انا مكتشفتهوش الابعد اما مشيت لانى اضطريت انقل باقى اللازازة فى ازازة تانية لان الغطا كان بيسرب فلاقيت ان المية فيها شوائب مترسبة فى قاع الازازة
    10- سبب خبط الشكمان ان فى وصلة عليزة تلف شوية ودى محتاجه فرع الهرم
    11- م/ محمود سألى على خرطوم المساحات وكان هايغيروه بس ملاقاش الخرطوم وبعدين لما لاقانى كده كده رايح الهرم قالى قولهم عليه هناك وهما هيغيروه
    وانتهت الصيانة الساعة 10.30(نصف ساعة فقط)
    مميزات المركز
    1- محترمين جدا فى التعامل
    2- بتبقى شايف كل حاجة فى العربية وهى بتتعمل
    عيوب المركز
    1- يصلح للصيانات السريعة والدورية فقط
    تكاليف الصيانة
    1- زيت موبيل 5000 ب 110
    2- فلتر زيت (كورى وعلى العلبة علامة جنرال موتورز) ب 17.27
    3- كوليه خرطوم ب 0.65
    4- ازازة مياه خضراء 1 لتر ب 10
    الاجمالى 140 جنية
    ملاحظة مهمة جدا
    متهيئلى ان اداء العربية اتحسن عن الاول ومش عارف دى تهيئوات ولا فعلا
    والى اللقاء فى تقرير زيارة فرع الهرم
    م/ أحمد أمين
    [CENTER][SIZE=3]إن الله لا يغير ما بقوم حتى يغيروا ما بأنفسهم[/SIZE][/CENTER]

    [RIGHT]رحمك الله يا ابي[/RIGHT]

  • #2
    ربنا يبارك فيك و يخليك
    الف مبروك الصيانة
    و الحمد للة انك مبسوط من الفرع
    و شكرا على التقرير المميز
    بس عايز ازود معلومة صغيرة ان صيانة ال 5000 مجانية كمصنعية
    بس من صيانة ال 10000 هايبقى فية مصناعيات
    و اداء العربية فرق دة طبيعى مش بيتهيئلك و علشان كدة دايما بنقول عن اهمية الصيانة الدورية للحفاظ على الاداء و العمر الافتراضى للسيارة
    فى انتظار تقرير فرع الهرم
    و ياريت تحط مقارنة بين الفرعين من اسلوب تعامل و سرعة و نظافة و ............
    و يجعلة عامر
    [SIGPIC][/SIGPIC]

    [B][SIZE=5][FONT=Comic Sans MS][COLOR=#000080]Chevrolet Club Member No.[/COLOR][COLOR=black]17[/COLOR][/FONT][/SIZE][/B]

    Comment


    • #3
      الف مبروك يا باشا الصيانة و عقبال المليون

      Comment


      • #4
        يا باشا لا شكر على واجب ، ومليون مبروك على الصيانه وربنا يباركلك فى العربيه .
        [CENTER][aldl]http://gickr.com/results4/anim_0675d9fb-c34e-5d84-7196-792232bbcc75.gif[/aldl][/CENTER]

        Comment

        Working...
        X