إستفسار من خبراء الكروز

[M.Elgergawy]

معروض عليا سيارة كروز 2010 فابريكة بالكامل وعاملة 13 الف كم هي كاملة اوتو بدون ايرباج واي بي اس
وإستفساري عن الآتي
السحب بتاع العربية كويس
السحب مع تشغيل التكييف
سمعت ان التكييف لو مشغلوا فترة كبيرة مثلا مسافر مسافة كبيرة مبيسقعش كويس
ياريت لو حد عنده اجابة أكون شاكر
وشكرا جزيلا

[Bassem Raafat]

بالنسبه لسحب العربيه ممكن الموضوع ده يفيد حضرتك :

http://www.nilemotors.net/Nile/195066-a.html

وبالنسبه للتكييف ولو هو نفس تكييف الأوبترا ، يبقى إن شاء الله الموضوع ده حيفيدك برضه وخصوصاً المشاركه رقم " 7 " :

http://www.nilemotors.net/Nile/188202-a.html

[hpxp]

الكروز عربية جميلة جدا ولاو اني مركبتهاش لكن مش لاقي منها شكاوي زي السيراتو

[Haitham10]

انا ركبتها بس مليش تعليق عليها لانه مكنش وقت طويل وهي مرة واحدة

عموما انا دايما بسمع انها سفاحه بنزين ودة من غير ملاكها يعني اي حد جربها فبيقولي توبة دة كل ما اتحرك عايزة صفيحة

وانا لا اعرف دي ولا دي بصراحة وبعدين الكروز سمعت انها نازلة بالموتور الجديد 2011 ودة اكيد افضل من موتور الاوبترا لانه صغير علي العربيه دي

استني وشوفها يابو زياد

[hpxp]

لا يباشا هو هوا نفسة الموتور بدون اي اختلافات

[M.Elgergawy]

ياريت حد يكون راكب الكرووز يقولي على التفاصيل وشكرا

[Bassem Raafat]

ياريت حد يكون راكب الكرووز يقولي على التفاصيل وشكرا

طيب أنا عندى فكره ، ممكن حضرتك تشرفنا فى مقابلتنا الجايه ، وإن شاء الله تستفاد ، وكمان عندنا البرنس الكبير / محمد السعدنى ، إن شاء الله يكون حاضر معانا وتشوفها كمان على الطبيعه .

وده لينك المقابله :

http://www.nilemotors.net/Nile/197213-a.html

[M.Elgergawy]

يا باشا دا أنا أتشرف بيكوا

[mhmdalsaadany]

يا باشا اتكل على الله وان شاء الله مش هتندم ابدااااااااااااا
سيبك من اللى بيحكم على العلربيه من غير تجربه كافيه ولو حضرتك شرفتنا في المقابله عربيتي تحت امرك

[M.Elgergawy]

يا باشا اتكل على الله وان شاء الله مش هتندم ابدااااااااااااا
سيبك من اللى بيحكم على العلربيه من غير تجربه كافيه ولو حضرتك شرفتنا في المقابله عربيتي تحت امرك

شكرا لذوقك وعلى ردك أصل العربية بتاعة ابن عمي وكان بيشتكي من الحاجات اللي ذكرتها كان في الصيف بيسافر بيها المنصورة بيقوللي عند ميت غمر لازم افصل التكييف شوية كدا 5 دقائق عشان يرجع يسقع تاني وسحبها مش حلو مع التكييف فقرر انه يبيعها والعربية صراحة عجباني وطبعا بحالة الزيرو وانا لما جربتها محستش بأي حاجة خالص من الي قال عليها بس احنا دلوقتي الجو شتاء فمش حينفع احكم على موضوع التكييف دا والسحب مع التكييف

[yoko]

هي عربيه إنطباعي العام عنها كويسه بس مركبش عربيه من غير abs ولا إيرباج
العمر مش بعزقة ولا ايه رأيك

[mhmdalsaadany]

والله يا يوكو ساعات الظروف بتحكم ما الواحد طول عمره كان راكب نوبيرا ولانوس وفيرنا ووووووو كتير مش هاقولك زي زمان بقى بولونيز و128 وكدا ولكن لما هوفر 10000 جنيه وكمان مع ظروف القسط ممكن يوصلوا 20000 جنيه ولا حاجه افتكر صعب وممكن اكون بتكلم عن نفسي طبعا لكن لو الظروف ميسره ممكن ادفع الفرق لكن في الاخر انا كان ممكن اجيب السيراتو هاي لاين بسعر اول فئه للكروز لكن بجد العربيه دي حكايه ولو تفتكر انا كنت سألتك عن اللينا الاوتو لكن منزلتش ومنزلش منها كمان 2010 عشان كدا انا مجبتهاش بس بصراحه الكروز كروز لو من غير فرامل خالص :-)

[yoko]

والله يا يوكو ساعات الظروف بتحكم ما الواحد طول عمره كان راكب نوبيرا ولانوس وفيرنا ووووووو كتير مش هاقولك زي زمان بقى بولونيز و128 وكدا ولكن لما هوفر 10000 جنيه وكمان مع ظروف القسط ممكن يوصلوا 20000 جنيه ولا حاجه افتكر صعب وممكن اكون بتكلم عن نفسي طبعا لكن لو الظروف ميسره ممكن ادفع الفرق لكن في الاخر انا كان ممكن اجيب السيراتو هاي لاين بسعر اول فئه للكروز لكن بجد العربيه دي حكايه ولو تفتكر انا كنت سألتك عن اللينا الاوتو لكن منزلتش ومنزلش منها كمان 2010 عشان كدا انا مجبتهاش بس بصراحه الكروز كروز لو من غير فرامل خالص :-)

تمام يا باشا بس انا عشت في السعوديه كتير وشوفت حوادث أكتر وعملت حادثة قبل كده (وش في وش)
فعشان كده تلاقيني مهتم بالحاجات دي قوي والواحد لازم ياخد بالأسباب

[mhmdalsaadany]

ما انا عارف يا باشا والله ومقتنع بكلامك مليون الميه وانا كمان عشت في السعوديه وعملت حادثه برضه على الهاي واي بين الخبر والدمام والحمد الله اني كنت لسه ما اخدتش سرعتي وتخيل السبب كان ال a b s كانت العربيه لسه معملتش 800 كم فقط وقام الجنب اليمين قفش فرامل لوحده وانا ماشي تخيل والحمد لله جات سليمه وقدرت الم العربيه بعد ما عملت 3 4 دورات ولبست في الاسمنت بجنب العربيه الامامي ورحت عملت مشكله جامده في التوكيل واخدت عربيه تانيه بدلها
بس للاسف العربيات هنا سعرها 3 اضعاف والواحد ساعات بيتنازل عن حاجات وبتكون اساسيه بس الواحد بيقول سنتين نخلص الاقساط ونجيب بقى حاجه تستاهل ومتكنش ناقصه حاجه ان شاء الله واوعدك ان اللينا لو نزلت اتوماتيك تربو ان شاء الله هتكون عربيتي القادمه

[yoko]

ما انا عارف يا باشا والله ومقتنع بكلامك مليون الميه وانا كمان عشت في السعوديه وعملت حادثه برضه على الهاي واي بين الخبر والدمام والحمد الله اني كنت لسه ما اخدتش سرعتي وتخيل السبب كان ال a b s كانت العربيه لسه معملتش 800 كم فقط وقام الجنب اليمين قفش فرامل لوحده وانا ماشي تخيل والحمد لله جات سليمه وقدرت الم العربيه بعد ما عملت 3 4 دورات ولبست في الاسمنت بجنب العربيه الامامي ورحت عملت مشكله جامده في التوكيل واخدت عربيه تانيه بدلها
بس للاسف العربيات هنا سعرها 3 اضعاف والواحد ساعات بيتنازل عن حاجات وبتكون اساسيه بس الواحد بيقول سنتين نخلص الاقساط ونجيب بقى حاجه تستاهل ومتكنش ناقصه حاجه ان شاء الله واوعدك ان اللينا لو نزلت اتوماتيك تربو ان شاء الله هتكون عربيتي القادمه

تمام وعلى فكرة انا كنت عايش في الخبر
وانا الحادثه الي عملتها كنت على 60 والي قدامي على 80 ودخل عكس والرمله الي على الأسفلت عملت الواجب بالذات إن العربيتين من غير abs ومن ساعتها الabs من أولوياتي
بس أنا شايف إني اركب عربيه فئة اصغر وفيها أمان أحسن من ما اركب عربيه كبيرة مفيهاش
واللينيا التربو الأوتو شكلهم مش ناويين ينزلوها