الاخوة الفرسان

[aymanmaly]

انا اخوكم ايمن يا ترى فكرنى ؟
و اعانى بشدة من حالة اكتأب شديد جدا جدا و متأكد ان الجميع بنفس حالتى
و محتاج فعلا نكون حوالين بعضينا
عايز احس ان اخواتى حولى لان الاستمرار فى الاكتأب هاتكون النتأج بتاعتة سيئة
ياريت يا جماعة نكون حوالين بعض للخروج على الاقل نفسيا


ارجو الدخول الى القسم للاحساس بدفء الاصدقاء

[M.Yahia]

مش فاكرينك ازاى بس يا عمدتنا دا حضرتك كبيرنا و لا يمكن ننساك ابدا و موضوع الاكتئاب دا عند مصر كلها دلوقتى بس اهم حاجة الصبر و الايمان ان بكرة احسن ان شاء الله و احنا كلنا هنا مع بعض يمكن اليومين اللى فاتوا الظروف كانت و حشة بس انا واثق ان القسم حيرجع احسن من الاول و طبعا البركة فيك يا عمدتنا و فى كل الاعضاء انا مش عايز انسى حد بس الكل لازم يبقى ليه دور فى الايام الجاية

[hpxp]

انابعد الجيش اما ثبتني بالرشاش مبنزلش من البيت تقدر تقول ركبي سابت ونسيت يعني ايه اكتئاااب من الخضة وهتلاقوا التفاصيل علي دة

http://www.nilemotors.net/Nile/199141-a.html

المشاركه 3
لكن مبدائيا بحاول انسي الاكتائاب لانه هيبقي هم زياده علي هم الثانويه العامه
يلا كل واحد يرجع لموضع تهيس شفروليه وهينسي
لكن مايحدث الان فعلا يدعو الي الاكتئاب ونصيحه بقي من واحد خبرة في الاحزان فكر في اي حاجة حلوة حصلتلك مثلا لحظه استلام عربيتك او ميلاد ابنك او الخ وهكذا وادعوليييييي

[Usama Nagi]

بعد الشر عليك يا عمدة من الأكتئاب

انا حاسس ان شاء الله الدنيا هتبقي احسن

يا ريت حضرتك تجرب تمشي في الشارع بعد حظر التجوال هتلاقي الدنيا فاضية و هتلاقي احساس جميل بالأمان

[aymanmaly]

ماهو يا اسامة لو مشيت بعد حظر التجوال فى مدينة نصر يبقى اكيد مش هارجع البيت من الحرامية
ياراجل دول نزلوا واحد من كام يوم من عربيتة هو و بنتة كان موديها مستشفى و اخذوا فلوسة و العربية
و الكثرة تغلب الشجاعة

[thekingkhalid_86]

والله يا ايمن كلنا كدة بس بصراحة وسط الاكتئاب دة فى حاجات تفرح بجد انزل التحرير وشوف الناس وقفين ازاى ويتكلموا ازاى وعارفين يعنى بلد بجد

وان شاء الله ازمة وهنخرج منها منتصرين وانا بهدليلك كلمه قالها غاندى عن الظروف اللى شبه ظروفنا دلوقتى

في البداية سيتجاهلونك ثم
يحاربونك ثم
يحاولون قتلك ثم
يفاوضونك ثم
يتراجعون
............وفي النهاية ستنتصر

[aymanmaly]

بص يا خالد انا معاك جدا جدا
فى كل كلمة قلتها
بس الفكرة امتى ترخى الحبل و امتى تشدة علشان ما يتقطعش
انا باعمل كاستشارى تجارى لبعض الشركات على فكرة انا عندى 43 سنة ولا انتمى لاى احزاب وليس عندى بطاقة انتخابية لاقتناعى ان مش الصوت المؤثر بل التزوير ولانى ماكنتش لاقى حد جيد لانتخابة ( دى سلبية وضعها النظام فينا انا معترف ) لكن الموقف مختلف الان سياسيا لازم الكل يعترف ان طريقة الشارع ( الشعب ) سوف تختلف فى الفترة الحالية و الايجابية هاتكون قوية
من الناحية السياسية طبعا فية خطاء بيحدث من ان لازم يسقط النظام بالكامل
انا شايف ان دلوقتى فية اسباب بس الخوف مستقبلا كل ما حكومة تعمل حاجة مش عاجبة شريحة و مجموعة ينزل الناس الشارع و يقول يسقط النظام
المرة دى لازم تكون سلمية و دستورية علشان تستمر كدة دستورية و قانونية
خلى بالك زى ما فية شباب ناضج زى اغلب شباب التحرير فية من الشباب و الفئات العمرية الاخرى غير ناضج و غير واعى
و علشان تتأكد هاتلاقى فى التحرير ناس لا تفهم الغرض من الثورة ولن عندهم مشاكل فى العمل او مطالب على المستوى الحياتى
و الامور الى شايفها و شايف البوادر بتاعتها تخوف من الناحية الاقتصادية
و لو عايز نتكلم بالتفصيل ما عنديش اي مشكلة
و الناحية الامنية طبعا فيها مشكلة و الاستمرار بسبب كم السلاح المسروق يقلق جدا على المد ى الطويل
ما قام بة الشباب كان حلم نحلم بية ولم نفكر انة ممكن يحدث
بس بفضل شباب واعى جدا حدث
و انا اظن ان يجب الحد من المظاهرات و الاضراب فى التحرير و انتظار ما سيحدث فى الفترة القادمة بجدول زمنى و اذا حدث اي شىء من جانب الحكومة الحالية من اعتقالات او عدم تنفيذ الجدول الزمنى صدقنى مش هاتلاقى مليون او اثنين او ثلاثة فى الميدان هاتلاقى على الاقل 30 مليون فى الشارع و اولهم انا
بس الموضوع النهاردة اولويات انا خايف من قطع الحبل
مش عارف وجة نظرى فى التعامل مع الموضوع تعجب الناس ولا لأ
انا كاتب باختصار لان الموضوع كبير
منتظر تقول رأيك انت و باقى الاعضاء
لكن مستعد للنقاش مع اي حد طالما النقاش موضوعى ولا يتعدى حدود الاحترام الى تعودنا علية فى القسم ( فالقسم بة اخلاق الفرسان )

[abou-yahia]

اذيك يا عمده
والله انا حاسس ان انا في كابوس ونفسي يخلص
يرب يزيح الغمه ديه علي خير

[joe_techno]

يا استاذ ايمن انا معاك قلبا و قالبا بس للاسف فيه ناس مش مقتنعة بالكلام دة و شايفين اني احنا كدة بنهد اللي الشباب عملوة و انا شخصيا لما حاولت اقول كدة منغير ما انزل المظاهرة حسسوني اني مش من حقي اني اقولالكلام دة و اني الشباب اللي عملوا كدة هما بس اللي من حقهم يقولوا كفاية كدة او يقولوا هنكمل

[zeznia]

حبيب قلبي العمده
الف لاباس عليك من الاكتئاب
المرحله اللي البلد بتمر بيها ده شيئ لابد منه وكان لازم يحصل من زمان
الفكره اللي تهمني هي فكرة التغير
يعني ايه واحد يحكم بلد لاكتر من تلاتين سنه
ان كان كويس او حتي حاكم عادل اكيد فيه اللي احسن منه واذا جه واحد وحش المفروض ان الشعب يقدر يغيره بانتخابات نزيه
مش حتي عضو مجلس الشعب بينجح غصب عنك
لالالالالالالالالالا والف لالالا
البلد دي بلدنا ياجدعان مش بلدهم
لو خايف عالبلد بصحيح لازم ينزل لارادة الشعب
ولو انه بايع القضيه عشان خاطر الكرسي
اظن كفايه لحد كده

[HeMa_LanCeR]

بجد انا مش لاقي كلام اقوله
بس انا فعلا من كتر الأكتئاب اللي انا فيه بقيت اشغل نفسي بأي حاجه
انا كنت في التحرير من يوم 25 لحد خطاب حسني التاني بعدها منزلتش تاني
لأن اللي احنا نازلين علشانو اتحقق بس للأسف بقي في جوه الميدان سيطره وطمع أكتر من اللازم
كل اللي في دمغهم انه يمشي دلوقتي من غير ما يفهموا العواقب اللي هتحصل بسبب ده
عموما اشغل نفسك بأي حاجه وياريت متتفرجش علي التلفزيون كمان :)
وادعي ربنا يعدي الأزمه دي علي خير

[aymanmaly]

اذيك يا عمده
والله انا حاسس ان انا في كابوس ونفسي يخلص
يرب يزيح الغمه ديه علي خير

و الله انا كمان
بقول كل شوية انا بحلم و دلوقتى هاصحى

[aymanmaly]

يا استاذ ايمن انا معاك قلبا و قالبا بس للاسف فيه ناس مش مقتنعة بالكلام دة و شايفين اني احنا كدة بنهد اللي الشباب عملوة و انا شخصيا لما حاولت اقول كدة منغير ما انزل المظاهرة حسسوني اني مش من حقي اني اقولالكلام دة و اني الشباب اللي عملوا كدة هما بس اللي من حقهم يقولوا كفاية كدة او يقولوا هنكمل

بص احنا بنشكر جميع من شارك و شايلين الجميل الى ابعد مدى
بس فية رأي و رأي اخر ولازم نتقبل كلام العقل و المنطق مش التشبس بالرئى
ولازم نوازن ما بين المطالب و الخسائر

[aymanmaly]

حبيب قلبي العمده
الف لاباس عليك من الاكتئاب
المرحله اللي البلد بتمر بيها ده شيئ لابد منه وكان لازم يحصل من زمان
الفكره اللي تهمني هي فكرة التغير
يعني ايه واحد يحكم بلد لاكتر من تلاتين سنه
ان كان كويس او حتي حاكم عادل اكيد فيه اللي احسن منه واذا جه واحد وحش المفروض ان الشعب يقدر يغيره بانتخابات نزيه
مش حتي عضو مجلس الشعب بينجح غصب عنك
لالالالالالالالالالا والف لالالا
البلد دي بلدنا ياجدعان مش بلدهم
لو خايف عالبلد بصحيح لازم ينزل لارادة الشعب
ولو انه بايع القضيه عشان خاطر الكرسي
اظن كفايه لحد كده

ربنا يبارك فيك
انا بس عايز نمسك العصاية من النص و نطلع بكل المكاسب مع اقل الخسائر الممكنة
لكن بالطريقة دى هاتكون الخسائر عالية جدا ( طبعا انا باتكلم اقتصاديا )

[aymanmaly]

بجد انا مش لاقي كلام اقوله
بس انا فعلا من كتر الأكتئاب اللي انا فيه بقيت اشغل نفسي بأي حاجه
انا كنت في التحرير من يوم 25 لحد خطاب حسني التاني بعدها منزلتش تاني
لأن اللي احنا نازلين علشانو اتحقق بس للأسف بقي في جوه الميدان سيطره وطمع أكتر من اللازم
كل اللي في دمغهم انه يمشي دلوقتي من غير ما يفهموا العواقب اللي هتحصل بسبب ده
عموما اشغل نفسك بأي حاجه وياريت متتفرجش علي التلفزيون كمان :)
وادعي ربنا يعدي الأزمه دي علي خير

يا رب تعدي يا هيما
يا ريت الناس الى فى التحرير تتفهم الوضع
قل لن يصيبنا الا ما كتب الله لنا
و صعب ما تشوفش الى بيحصل و تتابع
امال هاحرق دمى ازاي