.. تقرير صيانة الـ ( 8 شهور ) للأوبترا الأوتوماتيك .. منصور التجمع الخامس ..

[Bassem Raafat]

الحمد لله تم عمل صيانة الـ ( 8 شهور ) فى فرع التجمع الخامس .... والعربيه عامله 4700 كم بس ، وزى ما فى ناس كتير عارفه إن الصيانه 5000 كم أو 4 شهور أيهما أقرب .

وفادنى كثيراً موضوع أستاذ / أيمن ( العمده ) وقريته قبل ما أروح :

http://www.nilemotors.net/Nile/185698-a.html

- وكان برنامج الصيانه كالتالى :

- حجزت بالتليفون ، وتم إستلام رساله من التوكيل لتأكيد الحجز ، ورساله أخرى قبل ميعاد الصيانه بيومين لتذكيرى بميعاد الصيانه ، وكان ميعادى يوم 3/2/2011 وتم تأجيله ليوم 10/2/2011 نظراً لظروف البلد الراهنه .
- روحت المركز الساعه 10:30 ص وقابلت المهندس / محمود فراج والحمد لله كان فاكرنى .

- كانت ملاحظاتى على العربيه كالتالى :

تعريق زيت بسيط تحت وش الموتور ، وكنت عملت موضوع عنه قبل كده :

http://www.nilemotors.net/Nile/196538-a.html

والحمد لله طلع زى ما الشباب قالولى ساعتها ، تربيط غطاء التكيهات .

- أشياء أخرى تم عملها :

1 . تنظيف فلتر الهواء .
2 . تنظيف فلتر البنزين .
3 . تنظيف الموتور بالهواء .
4 . فحص جميع السوائل بالعربيه ( زيوت ومياه ) .
5 . تنظيف الطنابير وتيل الفرامل بالهواء .
6 . تربيط العفشه .
7 . فحص جميع الأنوار فى السياره .

- وكانت تكلفة الصيانه كالتالى :

190 جنيه .......... أيوه المصنعيات زادت من أول السنه من 160 لـ 190 جنيه ، وبصراحه دى حاجه تضايق .

وشكر خاص برضه لأيمن ( الفنى ) إللى إتعاملت معاه المره إللى فاتت وحبيت أتعامل معاه برضه المره دى .

وبوجه عام أنا الحمد لله راضى بما تم فى صيانة الـ 8 شهور .

وإنتهت عملية الصيانه الساعه 11:00 ص .

والله الموفق والمستعان .

[Usama Nagi]

يا بسوم قولي و ماتخبيش انت اخدت معاك الزيت و فلتر الزيت ولا هما اللي جابوه

اصلي قربت علي 10 الاف و عايز استعد

و هل زيت موبيل احسن و انعم من شل اصلي المرة اللي فاتت حطيت شل و حاسس ان صوت الموتور علي شوية

شكل الثورة دي هتيجي علي دماغنا من منصور و هيلم اللي كان مفروض يكسبه ايام الثورة

[Bassem Raafat]

لا يا حبى أنا مغيرتش الزيت ، علشان كنت مغيره المره اللى فاتت ، وكنت واخد معايا زيت موبيل 1 ..... طبقاً لنصايح العمده : ))

[ecybrarian]

مبروك الصيانة..انا النهاردا رحت فرع التجمع برضة اول صيانة

[Bassem Raafat]

الله يبارك فيك يا دكتور ، ومبروك على الصيانه .... ومستنى التقرير المتميز كالعاده : ))

[aymanmaly]

مبروك يا حريف
عقبال صيانة ال300000 كم ويبقى كدة كفاية على العربية و تغيرها و تجيب اوبترا تانى :-)
مبروك يا باسم
و مبروك الصيانة و العودة للقسم
و يجعلة عامر

[ecybrarian]

الله يبارك فيك يا دكتور ، ومبروك على الصيانه .... ومستنى التقرير المتميز كالعاده : ))

الحقيقة...ما عملتش تقرير..لقيت الموضوع ما يستهلش..هم غيروا زيت وفلتر فقط..وجدعنة من نادر (الفني) نضف لي فلتر البنزين والكبود بالهوا..بس خلاص!!! بس انتظروا تقرير بسيط غدا عن...

[aymanmaly]

والله يا دكتور اعمل تقرير عن الصيانة و ماحدث بها مهما كان بسيط علشان الناس لما تحب تراجع الصيانة تلاقى موضوع بيتكلم فيها
و يجعلة عامر

[Bassem Raafat]

مبروك يا حريف
عقبال صيانة ال300000 كم ويبقى كدة كفاية على العربية و تغيرها و تجيب اوبترا تانى :-)
مبروك يا باسم
و مبروك الصيانة و العودة للقسم
و يجعلة عامر

الله يبارك فيك يا عمده ، وإنت عارفنى عقبال ما أعمل الـ 300000 كم دول حيكون بقى عندى 80 سنه : ))))

والله يا دكتور اعمل تقرير عن الصيانة و ماحدث بها مهما كان بسيط علشان الناس لما تحب تراجع الصيانة تلاقى موضوع بيتكلم فيها
و يجعلة عامر

أيوه يا دكتور كلام أستاذ أيمن مظبوط ، وعلشان الإستفاده العامه كمان من فرسان السبارك .

[ahmedaglan]

مبروك ياباسم باشا علي الصيانة وانا انشاء الله قربت علي صيانة 5000 بس مش عارف اعملها فين في منصور ولا عند ياسين لانة قريب جدا من الشغل عندى اخر سور المطار مع العلم انى مشتري العربية من عندهم وناس كتير شكرتلي فية بس مش عارف ارجو الافادة من الاعضاء الموقريين

[Bassem Raafat]

مبروك ياباسم باشا علي الصيانة

الله يبارك فيك يا أحمد بك .

وانا ان شاء الله قربت علي صيانة 5000

ألف مبروك مقدماً .

بس مش عارف اعملها فين في منصور ولا عند ياسين لانة قريب جدا من الشغل عندى اخر سور المطار مع العلم انى مشتري العربية من عندهم وناس كتير شكرتلي فية بس مش عارف ارجو الافادة من الاعضاء الموقريين

بص يا سيدى :
- اول صيانه عند منصور " مجانيه " وعند ياسين أعتقد إنها " بمقابل "
- لو عملت 4 صيانات متتاليه عند منصور بتبقى الخامسه مجانيه ، ومعتقدش إن الاوبشن ده عند ياسين .
- إعتقد إن الصيانه العاديه من تغيير زيت وفلتر وتربيط عفشه ... إلخ الإتنين زى بعض .
- لا قدر الله لو حصل حاجه فى العربيه ، حتروح لمنصور أفضل ، لأنها لسه فى الضمان ، ومش حيغلبوك معاهم زى أى مركز صيانه معتمد منهم .

وعلى فكره أنا ساكن فى مصر الجديده ، يعنى برضه كان أقربلى ياسين ومنصور " الطيران " عن منصور " التجمع " بس من كلام الأستاذ / أيمن والناس كلها على منصور التجمع خلانى أروح هناك والحمد لله ما ندمتش ، ده غير إن فرع التجمع مش زحمه نهائى .

والقرار الأول والأخير ليك إنت وبالتوفيق .

[engaass]

ألف مبروك وعقبال صيانة 1000000

[Bassem Raafat]

ألف مبروك وعقبال صيانة 1000000

الله يبارك فيك يا باشا : ))

[ahmedaglan]

مبروك ياباسم باشا علي الصيانة

الله يبارك فيك يا أحمد بك .

وانا ان شاء الله قربت علي صيانة 5000

ألف مبروك مقدماً .

بس مش عارف اعملها فين في منصور ولا عند ياسين لانة قريب جدا من الشغل عندى اخر سور المطار مع العلم انى مشتري العربية من عندهم وناس كتير شكرتلي فية بس مش عارف ارجو الافادة من الاعضاء الموقريين

بص يا سيدى :
- اول صيانه عند منصور " مجانيه " وعند ياسين أعتقد إنها " بمقابل "
- لو عملت 4 صيانات متتاليه عند منصور بتبقى الخامسه مجانيه ، ومعتقدش إن الاوبشن ده عند ياسين .
- إعتقد إن الصيانه العاديه من تغيير زيت وفلتر وتربيط عفشه ... إلخ الإتنين زى بعض .
- لا قدر الله لو حصل حاجه فى العربيه ، حتروح لمنصور أفضل ، لأنها لسه فى الضمان ، ومش حيغلبوك معاهم زى أى مركز صيانه معتمد منهم .

وعلى فكره أنا ساكن فى مصر الجديده ، يعنى برضه كان أقربلى ياسين ومنصور " الطيران " عن منصور " التجمع " بس من كلام الأستاذ / أيمن والناس كلها على منصور التجمع خلانى أروح هناك والحمد لله ما ندمتش ، ده غير إن فرع التجمع مش زحمه نهائى .

والقرار الأول والأخير ليك إنت وبالتوفيق .

يامعالي الباشا انا متشكر جدا لاهتمامك وانا انشاء الله هشوف الصالح فين وانشاء الله ربنا يقدم الي فية الخير

[ecybrarian]

غطاء سباركي بشعار الفرسان (بالصور) - شكرا هاني محمد chato-eg

opps
sorry مكرر