تم بفضل الله صيانة ال5000 للاوبترا في منصور التجمع

[ahmedaglan]

اليكم التفاصيل
تم الاتصال بالخط الساخن بمنصور شيفورلية 16424يوم السبت 26/2 وتم حجز الصيانة يوم الاتنين 28/2في منصور التجمع الخامس وتم ارسال رسالة لتاكيد الحجز ثم تم ارسال رسالة اخري لتذكيري بمعاد الحجز
وبالفعل تم الذهاب الي هناك ثم مقابلة ا/محمود فرج وهو راجل محترم جدا (وقولتلة انى من طرف ا/ايمن علي عمدتنا الكبير)ورحب بية الراجل جدا وانا كان معاد الصيانة الساعة 10.3 والحمد الله وصلت ف المعاد بظبط واخد منى العربية وسلمها للفنى واسمة مصطفي وهو شاب محترم جدا وفاهم شغلة وتم عمل الصيانة كالاتى
اولا تنظيف فلتر البنزين
ثانيا تنظيف فلتر الهواء
ثالثا تربيط العفشة
رابعا تم تغير الزيت الموتور بموبيل وان( وانا اشتريت الزيت من برة لان معندهومش غير زيت شيل ) وسعر جركن موبيل وان 250جنية 10000ك
خامسا تم تغير فلتر الزيت ودة تمنة 19 جنية وانا دفعت 20 جنية ومخدش الباقي هههههههههههه
سادسا تم تنظيف الطنابير بالهواء
سابعا تم تنظيف الموتور بالهواء
وبكدا تكون تمت الصيانة بحمد الله:b4_388:

[Bassem Raafat]

ألف مبروك يا معلم ، وعقبال صيانة المليون .

وها طلع كلامنا مظبوط بخصوص المركز ولا إيه ....!؟؟ شكلك كده مبسوط الحمد لله : ))

[sh3sh3]

الف الف مبرووووووووووووك وعقبال صانة ال1000000000000 انشاء اللة بس بالنسبة 388 دة تمن الزيت 250+ 138فلوس صيانة

[ahmedaglan]

ألف مبروك يا معلم ، وعقبال صيانة المليون .

وها طلع كلامنا مظبوط بخصوص المركز ولا إيه ....!؟؟ شكلك كده مبسوط الحمد لله : ))

الله يبارك فيك يابسوم
وهما ناس محترمة وكويسين ومكنهم كويس ومفيش زحمة وانا دخلت علي الفنى بمجرد وصولي ومخدش وقت

[ahmedaglan]

الف الف مبرووووووووووووك وعقبال صانة ال1000000000000 انشاء الله بس بالنسبة 388 دة تمن الزيت 250+ 138فلوس صيانة

الله يبارك فيك ياباشا
وبالنسبة للتكلفة كانت
زيت موبيل وان 250جنية
فلتر زيت 19جنية
يعنى التكلفة العامة 269جنية فقط

[aymanmaly]

الف مليون مبروك على الصيانة
و ربنا يديك خير العربية و يكفيك شرها
يارب تكون مبسوط و عملوا كل الى انت عايزة

[ahmedaglan]

الف مليون مبروك على الصيانة
و ربنا يديك خير العربية و يكفيك شرها
يارب تكون مبسوط و عملوا كل الى انت عايزة

الله يبارك ف حضرتك ياباشا
ويارب يسترها معانا جميعا
وعن التوكيل هما ناس محترمة جدا والحمد الله علي اي حال

[ahmedaglan]

انا عن نفسي علي اد ماعجبنى المكان الموجود فية التوكيل علي اد منا كان نفسي يبقي توكيل ضخم زى الي في الهرم ويكون فية كل المعدات اللزمة ويكون كدا بيخدم القاهرة من ناحية وبيخد الجيزة من ناحية تانية
علي الاقل ان التجمع مكان ضخم ويقدر يستوعب ناس كتير وف نفس الوقت طريقو سهل ومفيش زحمة زى طريق الهرم
وارجو من باقي الاعضاء يشركونى الراي

[aymanmaly]

هم فعلا فى الطريق يعملوا فرع جديد كبير فى التجمع الخامس

[ahmedaglan]

هم فعلا فى الطريق يعملوا فرع جديد كبير فى التجمع الخامس

انا اتمنى ياعمدتنا وبجد هتكون فكرة ناجحة اوى
علشان التوكيل الي فية محمود فرج يبقي للصيانة الخفيفة
والفرع الجديد يكون لو لاقدر الله في حاجة كبيرة ف العربية وبكدا ميكونش في زحمة في اي فرع لان الناس هتبقي عارفة اية الي عيزينو بالظبط

[ahmedaglan]

فين التفاعل ياجماعة

[Shuaib]

بص يامعلم إنته أول مره هتنبسط زيى محصلنا كلنا بس تانى مره هتنصدم قلى ليه ... لأنه فى تانى مره مش هيعملك حاجه غير تغيير زيت وفلتر ونفخ هوا زى أول مره بس المره التانيه إنته همد إيده فى جيبك وينشل 250 جنيه تحت بند مصنعيات على الفاضى ... وهتتطلع تقول إن منصور ده أكبر ....

[ahmedaglan]

بص يامعلم إنته أول مره هتنبسط زيى محصلنا كلنا بس تانى مره هتنصدم قلى ليه ... لأنه فى تانى مره مش هيعملك حاجه غير تغيير زيت وفلتر ونفخ هوا زى أول مره بس المره التانيه إنته همد إيده فى جيبك وينشل 250 جنيه تحت بند مصنعيات على الفاضى ... وهتتطلع تقول إن منصور ده أكبر ....

بس انا عايز اعرف 250 جنية علشان يغيرلي فلتر وانا كمان الي شاري الزيت ويقولي مصنعيات
ودة بقي علشان خاطر اية ان احنا سرقين الفلوس علشان نديهلو
ولازم بردو ياباشا نشوف باقي الاعضاء الي حصلهم كدا واهمهم عمدتنا الكبير

[aymanmaly]

بص يامعلم إنته أول مره هتنبسط زيى محصلنا كلنا بس تانى مره هتنصدم قلى ليه ... لأنه فى تانى مره مش هيعملك حاجه غير تغيير زيت وفلتر ونفخ هوا زى أول مره بس المره التانيه إنته همد إيده فى جيبك وينشل 250 جنيه تحت بند مصنعيات على الفاضى ... وهتتطلع تقول إن منصور ده أكبر ....

تم الرد على حضرتك فى الموضوع دة الى حضرتك مكرر فية نفس المشاركة بالضبط

http://www.nilemotors.net/Nile/206414-a.html#post3873352749

[aymanmaly]

بس انا عايز اعرف 250 جنية علشان يغيرلي فلتر وانا كمان الي شاري الزيت ويقولي مصنعيات
ودة بقي علشان خاطر اية ان احنا سرقين الفلوس علشان نديهلو
ولازم بردو ياباشا نشوف باقي الاعضاء الي حصلهم كدا واهمهم عمدتنا الكبير:u_thin1[1]:

ياا احمد باشا حضرتك عملت الصيانة مضبوط ؟
الى اتعمل فى الصيانة دى هو هو الى بيتعمل فى كل صيانة يعنى مش مجرد تغير زيت و فلتر
اما عن عدم عمل الصيانة فى توقيتها معناها ان الضمان هايتلغى
و طبعا القرار بتاع صاحب السيارة عايز ضمان ولا لأ
و على فكرة التكلفة تقريبا واحدة فى اغلب وكلاء السيارات بمختلف الماركات زى هيونداي او كيا يعنى فروق بسيطة
و يجعلة عامر