عايز حماس :-) انا عطلان:-(

[hpxp]

مش انت بس كل الطلبه دلوقتى عندهم نفس الاحساس بس انت استعين باتلله زى ماقالك اهل المنتدى وحاول تحدد لنفسك وقت فى كلب ماده عشان تقدر تنجز فيه الجزء اللى انت عايز تزاكره
حاول تغير نظام الحجره بتاعت المزاكره بتاعتك يعنى هتحس بتغيير شويهع يفتح نفسك على المزاكره
وربنا يوفقك

عندك حق هبقي ادي نفسي وقت لكلب ماده :-)
والله بالنسبه لنظام الحجرة بقي خلطبيته من كتر ما بغيرة اخرتها من يومين روحت زاكرت عند واحد صحبي

[hpxp]

جزاك الله خير .... أ/أحمد وربنا يجعله في ميزان حسناتك
انت بس انوي ان كل المذاكرة وكل اللي بتعمله خالص لوجه الله و خليه دايما انك عايز تنجح علشان تفيد بيه الناس ويبقي خالص لله تعالي
انصحني واياك بشده انك تصلي كل فرض بفرضه وفي المسجد ... مش في البيت.
وخليلك ورد من القرءان ... حتي لو صفحة واحده في اليوم
واذكار الصباح والمساء ... واكيد اكيد الصلاة علي النبي عليه الصلاة والسلام
واسيبك تتأمل حديث النبي عليه الصلاة والسلام ده

عن أبي بن كعب رضي الله عنه قال : { كان رسول الله صلى الله عليه وسلم إذا ذهب ربع الليل قام فقال : يا أيها الناس اذكروا الله اذكروا الله ، جاءت الراجفة تتبعها الرادفة ، جاء الموت بما فيه جاء الموت بما فيه . قال أبي بن كعب فقلت : يا رسول الله إني أكثر الصلاة فكم أجعل لك من صلاتي ؟ قال : ما شئت . قلت : الربع ؟ قال : ما شئت وإن زدت فهو خير لك . قلت : النصف ؟ قال : ما شئت وإن زدت فهو خير لك . قلت : أجعل لك صلاتي كلها ؟ قال : إذن تكفى همك ويغفر ذنبك } رواه الإمام أحمد والترمذي والحاكم وصححه . وقال الترمذي : حديث حسن صحيح .

وفي رواية للإمام أحمد بإسناد جيد عنه قال { قال رجل يا رسول الله أرأيت إن جعلت صلاتي كلها عليك ؟ قال : إذن يكفيك الله تبارك وتعالى همك من دنياك وآخرتك } . قال الحافظ المنذري : قوله يعني أبي بن كعب : أكثر الصلاة فكم أجعل لك من صلاتي ، معناه أكثر الدعاء فكم أجعل لك من دعائي .

قال في جلاء الأفهام : وسئل شيخنا أبو العباس عن تفسير هذا الحديث فقال : { كان لأبي بن كعب دعاء يدعو به لنفسه ، فسأل النبي صلى الله عليه وسلم هل يجعل له منه ربعه صلاة عليه صلى الله عليه وسلم فقال إن زدت فهو خير لك ، فقال له النصف فقال إن زدت فهو خير لك إلى أن قال أجعل لك صلاتي كلها أي أجعل دعائي كله صلاة عليك ، قال إذن تكفى همك ويغفر لك ذنبك } ، لأن من صلى على النبي صلى الله عليه وسلم صلاة صلى الله عليه بها عشرا ، ومن صلى الله عليه كفاه همه وغفر له ذنبه . انتهى كلامه رضي الله عنه .

ربنا يوفقك لما يحبه ويرضاه ويتملك النجاح والتوفيق وكل الطلاب
تقبل مروي
وأقعد بالعافية :)))

بااااااااااااااااااااااااااااااااااااااااااااارك الله فيك وهحاول اصلي في الجامع لكن ربنا يستر وعم شوشو ميلعبش في دمغنا تاني

[hpxp]

بص يا جميل
فى راى الحل الوحيد للحالة دى المذاكرة .... أيوة المذاكرة
اكتر حاجة تجيبلك اكتئاب وتخليك مش عايز تذاكر انك مش مذاكر
ايوه اسمع منى بس حاجة كدة عاملة زى الدايرة وانت عمال تلف فيها
مش عايز تذاكر عشان مش مذاكر :b4_556:
طيب مش مركز وحاسس انك مش عارف تحفظ
ولا يهمك
اقرا الكلام اكنه جرنان ياعم :f_eyeb1[1]:
خد فكره فقط بلاش تضغط على نفسك فى الحفظ
حاول تخلص الكمية المطلوبة منك مجرد قراية بشوية تركيز
هتلاقى نفسيتك هديت وخدت ثقة فى نفسك
وتقدر تبدا تذاكر بقى بجد من جديد

حاول تهتم بالمواد اللى صعب تتلم زى الكيميا كده
انما مثلا العربى والانجليزى ممكن يتلمو فى وقت قصير باذن الله
وحاول تطمن نفسك انه لسه بدرى وتقدر تظبط الدنيا
وحدد لنفسك يوم فى الاسبوع تريح فيه وليكن الخميس مثلا بس تكون مذاكر قبلها
وخليك عارف ان السنة دى بتاعتك محدش هينفعك صدقنى حاول تهدا جدا وربنا معاك
وبالنسبة للصيدلة طبعا ربنا يكرمك ان شاء الله وتدخلها هتدلع الدلع الى فى الدنيا كله بما انى لسه مخلصها كليه ممتعة بجد

وبالنسبة للكيميا ماينفعش تسيب فيها كلمة اصلا عشان تعرف تخش صيدلة ههههههههههههه انت لازم ترمى على full marks
وانت اصلا كده او كده اول ماتخلص الثانوية هتنسى كل حاجة وتبدا الحياة من جديد
وفى الكلمتين الى كانو بيتقالولى وانا فى ثانوية وبيخنقو بيهم البشر
يابنى خلص ودول يومين ويعدو
وانا ابقى عايز اموت الى بيقولهم وكنت بقول ياظلمة الى ايده فى الميه
وكان عندى احساس ان السنة دى مش بتخلص
لأ احب اطمنك واقولك انى خلصت ودخلت الكلية وخلصتها كمان ولسه مش مصدق
ففعلا بلاش تخاف وكل شىء له نهاية
كفية كده عشان معطلكش ولو عايز اى حاجة ابعتلى على الخاص وربنا معاك

انتا فسرت الي جوايا بالظبط !!!!! مش عايز اذاكر لاني مش مذاكر صح صح صح صح
انا في لاول كنت حاسس ان السنه مش هتمشي بجد ودلوقتي قاعد جمب الحيطه وبقول يارتني شديت من الاول مكنتش اتزحلق الزحلقه السسسسوده دي
طيب بالنسبه للفرنساوي دا ممكن يتلم دلوقتي ولا صعب وراحت عليا

[hpxp]

بص يابومبو والله مرييييييييييييييييينا بالمرحلة دي كتييييييييييير ومكناش بنفتح كتااااااااااب بس ااقولك على حاجة انا لو يرجعع بيا الزمن لورا وفرصة تالت ثانوي كنت اكلت الكتب ااكل لان دي المرحلة اللي بتحدد فيها مستقبلك وعايز ااقولك على حاجة لكل مجتهد نصييييييييب وعمر ربنا ماهضيعلك تعبك ابدا
غير كدة انزل ياسيدي في الزقازييييييييق عند الجامعة بالييييييييييل كدة على النييييييييييل واقعد زاكرلللك كلمتييييييييين ورفة عن نفسك شوية وخش سينما يوم في عرابي يوم في الاسرة وهكذا وانت هتدعيلي وبالتوفيييق ياحبي

حبيبي والله يا استاذ شع شع طلما فيها سينما هههههه:)
والله هجرب حواور المذاكرة علي النيل دا

[hpxp]

اية الاخبار يا احمد لسة المشكلة ؟

مشكله ايه يا استاذ ايمن؟؟؟؟؟؟؟؟؟؟؟؟؟؟؟؟؟

[aymanmaly]

مشكلة المذاكرة
عندك غيرها :-)

[hpxp]

اة والله لسه ماسكه فيا باديها وسننها

[aymanmaly]

خذ اجازة يومان حاول فيهم تتفسح و تقابل اصحابك و اعمل كل حاجة انت عايزها و اوعى تتكلم او تفكر فى المذاكرة
و فى نهاية اخر يوم نام 12 ساعة متواصلة
و بعد كدة اقعد ذاكر و ابقى طمنى

[mhmdalsaadany]

ربنا معاك يا بوحميد بس خلي بالك دي سنه تحديد المصير والمستقبل كله متوقف عليها ربنا معاك ويوفقك ان شاء الله