ياريت مساعده من اللي معاهم كروز أو اللي بيفهموا ميكانيكا كويس

[sody]

السلام عليكم ورحمة الله وبركاته
دلوقتي يا جماعه أنا بكتب الموضوع ده هنا في المنتدي للمره التالته تقريبا، وهي مشكلتي مع استهلاك البنزين في الكروز

أنا معايا كروز موديل 2010 وكنت شاريها كسر زيرو، المهم لاحظت استهلاك عالي أوي للبنزين، الصفيحه (20 لتر) بتعمل 200 كيلو في الطريق السريع و 140 في وسط البلد

المهم، الجديد بقي إني رحت التوكيل اللي في رابعه، فقالولي الكمبيوتر بتاع العربيه اللي بيكشف الأعطال عطلان حاليا، والمهندس قالي "علي فكره استهلاك البنزين ده كده العادي بتاع العربيه دي"، بس أنا سألت ناس معاهم كروز قالولي إن استهلاك البنزين معاهم أقل من كده بكتير يعني في الطرق السريعه الصفيحه بتعمل 300 كيلو وفي وسط البلد بتعمل 200 كيلو

طلعت علي التوكيل اللي في جسر السويس بتاع حمدي لادا، وقعدت مع المهندس هناك، فقالي فعلا الإستهلاك كده عالي، سيبتها ورجعت لاقيته بيقولي مافيش حاجه العربيه كويسه جدا، واستهلاك البنزين ده طبيعي جدا، وكل اللي عملوه إنهم نضفوا فلتر الهوا وبوابة البنزين

بجد الموضوع ده بقي مقرف جدا لأني بحس إني لازم أشيل معايا في العربيه تانك بنزين تاني، ده غير المصاريف الغريبه اللي بصرفها علي البنزين لوحده، بس بصراحه العربيه مريحه وآمنه جدا بس موضوع البنزين ده هو اللي تعبني

يا ريت لو حد عنده فكره عن الموضوع ده يقولي ضروري أعمل إيه؟؟؟؟

[aymanmaly]

ممكن نعرف العربية عاملة كام كيلو
و اية الصيانات الى عملتها للعربية
فى انتظار الرد

[mhmdalsaadany]

يا فندم انا في الاول كنت زي حضرتك كدا وعملت كذا موضوع عن استهلاك البنزين وفي الاخر اكتشفت ان المشكله مني انا
بجد لان دواسه الكروز حساسه جداااااااااااااا بدرجه بشعه حضرتك لو جبت الاستهلاك اللحظي للبنزين هتلاقي مثلا 10.5 ولو شلت رجلك سنه بسيطه اوي هتلاقي السرعه هي هي والاستهلاك اصبح 6.5 بجد بتحصل معايا كتير جدا حاول تخلي رجلك حساسه اوي هتلاقي الموضوع اتغير تماما وهي على فكره ما بتكملش ال200 كم في الصفيحه جوا البلد دا طبيعي يعني ممكن تعمل 170-190 حسب السواقه وربنا معاك وعلى فكره انا عملت بالعربيه تقريبا 900كم بالتفويله سفر ولف يومين ورجعت تاني مصر يعني ب 60 لتر بس بدون حرق خالص كله كان بالراحه يعني تحترم العربيه تحترمك تحاول تقرص ادفع هي دي الشيفروليه كله كدا

[montela]

باشا العربية الكروز الاستهلاك الطبيعي بتاعها حوالي 20 لتر لكا 200 كيلو تقريبا ممكن ازيد حاجة بيسطة او اقل حاجة بسيطة بس في شوية حاجات ممكن تعملها للتوفير سنة
(1)اتاكد ان ضغط الكاوتش مظبوط علطول الاربع فرد زي بعض
(2)حاول لما تمشي يكون زجاج العربية مش مفتوح قوي(
في زيادة حوالي 15% في استهلاكالبنزين لو مشيت بسرعة والزجاج مفتوح)
(3)تنضيف فلتر الهواء والتاكد من سلامة البوجيها
اخيرا حاول تكون سرعتك علي الطوالي من 90 -105 كيلو في الساعة لان دي السرعة المثالية اللي بيحصل عندها اقل استهلاك بنزين

[sody]

ممكن نعرف العربية عاملة كام كيلو
و اية الصيانات الى عملتها للعربية
فى انتظار الرد

أنا اشترتها عامله 17000 كيلو، وعملتلها صيانة ال 20000، وفيها ورق صيانة كل 5000 كيلو

يا فندم انا في الاول كنت زي حضرتك كدا وعملت كذا موضوع عن استهلاك البنزين وفي الاخر اكتشفت ان المشكله مني انا
بجد لان دواسه الكروز حساسه جداااااااااااااا بدرجه بشعه حضرتك لو جبت الاستهلاك اللحظي للبنزين هتلاقي مثلا 10.5 ولو شلت رجلك سنه بسيطه اوي هتلاقي السرعه هي هي والاستهلاك اصبح 6.5 بجد بتحصل معايا كتير جدا حاول تخلي رجلك حساسه اوي هتلاقي الموضوع اتغير تماما وهي على فكره ما بتكملش ال200 كم في الصفيحه جوا البلد دا طبيعي يعني ممكن تعمل 170-190 حسب السواقه وربنا معاك وعلى فكره انا عملت بالعربيه تقريبا 900كم بالتفويله سفر ولف يومين ورجعت تاني مصر يعني ب 60 لتر بس بدون حرق خالص كله كان بالراحه يعني تحترم العربيه تحترمك تحاول تقرص ادفع هي دي الشيفروليه كله كدا

هي الدواسه حساسه أوي كده؟؟؟، بس المشكله ان لما بتدوس علي الدواسه براحه العربيه بتطلع براحه أوي، يا ريت لو تقولي العربيه بتاعتك الصفيحه بتعمل فيها كام بره البلد ووسط البلد

باشا العربية الكروز الاستهلاك الطبيعي بتاعها حوالي 20 لتر لكا 200 كيلو تقريبا ممكن ازيد حاجة بيسطة او اقل حاجة بسيطة بس في شوية حاجات ممكن تعملها للتوفير سنة
(1)اتاكد ان ضغط الكاوتش مظبوط علطول الاربع فرد زي بعض
(2)حاول لما تمشي يكون زجاج العربية مش مفتوح قوي(
في زيادة حوالي 15% في استهلاكالبنزين لو مشيت بسرعة والزجاج مفتوح)
(3)تنضيف فلتر الهواء والتاكد من سلامة البوجيها
اخيرا حاول تكون سرعتك علي الطوالي من 90 -105 كيلو في الساعة لان دي السرعة المثالية اللي بيحصل عندها اقل استهلاك بنزين

شكرا علي النصائح الجميله دي، أنا فعلا نضفت فلتر الهوا، وبفكر أغير البوجيهات ببوجيهات تلاته شمعه عشان تعيش أكتر

[montela]

باشا يارات تحافظ علي نوع البوجيهات اللي المصنع السياره موصي بيها يعني مثلا مينفعش العربيه مثلا بيركبلها بوجيهات شمعه اروح انا اركبلها اتنين بحجه ان كده هتحرق احسن ده غلط علي فكره في عربيات زي الكورسا لو ركبتلها بوجيهات مش اصليه او مختلفه في عدد الشمعات العربيه مادروش لو عملت قرد غير انها احتمال ضعيف ممكن تحرق الكونترول

[mhmdalsaadany]

يا باشا انا عربيتي كل تفويله وليها ظروفها زي ما انا عايز يعني ممكن اعمل مثلا 190 وساعات 220 وساعات 150 حسب نوع سواقتي