الحمد لله تم تركيب ............... للاوبترا الاتوماتيك 2011

[mshehata500]

الف مبروك يا باشا على الكماليات الجامده دي والاسعار ممتازه ما شاء الله

الله يبارك فى حضرتك وتحت امرك لو احتجت حاجه بالاسعار دية انا تحت امرك اتفضل وانا اروح معاك واجبلك اللى انت محتاجه لوجه الله وشكرا

[mshehata500]

طيب سؤال بقي علشان انا ناوي اركب جهاز انذار بدل اللي فيها ده
ينفع بقي الغي الأصلي

السلام عليكم يا هيما باشا طبعا هو انا خايف من حاجه واحده ان انت اللى تعملهم بنفسك ربنا يستر ههههههههههههه لان انا عارف انك بتحب المغامرات دية بص ياباشا اولا اوعى تلغى الانذار الاصلى بتعها
لان الانذار الاصلى دوة فيه اوبشن رائع جدا وكتير من الناس ميعرفهوش وهو ان لو السياره مغلقه بيه ومتفتحتش عن طريق الريموت الاصلى بتعها فيه خاصية ان الماتور ميدورش لان جهاز الانذار بيدى امر للانجكشن بعدم ضخ الوقود للماتور واناجربتها وموجوده بالكتالوج والامن ان تركب عليه واحد تانى ولو احتجت انك تيجى تعملهم هنا انا تحت امرك واسف على الاطاله .

[HeMa_LanCeR]

السلام عليكم يا هيما باشا طبعا هو انا خايف من حاجه واحده ان انت اللى تعملهم بنفسك ربنا يستر ههههههههههههه لان انا عارف انك بتحب المغامرات دية بص ياباشا اولا اوعى تلغى الانذار الاصلى بتعها
لان الانذار الاصلى دوة فيه اوبشن رائع جدا وكتير من الناس ميعرفهوش وهو ان لو السياره مغلقه بيه ومتفتحتش عن طريق الريموت الاصلى بتعها فيه خاصية ان الماتور ميدورش لان جهاز الانذار بيدى امر للانجكشن بعدم ضخ الوقود للماتور واناجربتها وموجوده بالكتالوج والامن ان تركب عليه واحد تانى ولو احتجت انك تيجى تعملهم هنا انا تحت امرك واسف على الاطاله .

ازاي
انا علي طول بقفل بالريموت واخويا بيدور العربيه بالمفتاح التاني عادي جداااا
وده اللي مخليني عايز اغيره
حاسس انه عباره عن سنتر بريموت

[mshehata500]

الف مبروك

الله يبارك فيك ياباشا والف شكر

[mshehata500]

ازاي
انا علي طول بقفل بالريموت واخويا بيدور العربيه بالمفتاح التاني عادي جداااا
وده اللي مخليني عايز اغيره
حاسس انه عباره عن سنتر بريموت

بص ياباشا فيه مشكله واحده لازم تاخد بالك منها وهى
انك لو قفلت بالريموت وجيت فتحت الشنطه بيلغى الانذار فلازم حضرتك بعد ماتقفل الشنطه تفتح الانذار وتقفله تانى وتطمن ان لمبة الانذار شغاله وهى الوميض الاحمر بباب السائق وممكن عشان اخو حضرتك وده الاكيد بيستعمل المفتاح الاصلى الثانى اللى هو من غير ريموت ولان المفتاحين بتوعها مشفرين ففى حالة فتح السياره يدوى عن طريق احد المفتاحين بيلغى الانذار وده اكيد اما فى حالة دوارة السياره بطريقه اخرى او بمفتاح غير مشفر فتاكد بانها لن تدور
غير كدا انت هيكون فيه مشكله وافضل انك فى الصيانه تقول عليها للمهندس ويحلهالك انشاء الله

[mshehata500]

الف مبروك......ما شاء الله ربنا يحميهالك و يكفيك شرها

الله يبارك لحضرتك يادكتور وعقبال ماتعمل احسن منها انشاء الله وربنا يكفينا جميعا شر الطريق ويكفينا شر اخطانا واخطاء الاخرين اللهم أمين

[mshehata500]

الف مبروك على الكماليات
وشكرا على الشرح المفصل الوافى
دى اخلاق الفرسان فعلا
و ربنا يديك خيرهم و يكفيك شرها
و يجعلة عامر

الله يبارك فى حضرتك وشكر لذوق حضرتك فنحن بعون الله فرسان ولاكن يد واحده لنصبح اقوياء

[mshehata500]

ربنا يباركلك في العربية يا باشا
ويارب يديك خيرها ويبعد عنك شرها ويستر طريقك

الله يبارك فيك وجميعا انشاء الله

[mshehata500]

انت بدعت في العربية ربنا يباركلك فيها

عايز اسألك عن وحدات الرفع انت قطعت في الضفيرة و انت جربت الريموت بعد التركيب ولا اثناء التركيب

انا بفكر اعملها بس عايزها تبقي مدارية عشان الضمان

يا سلام لو تصورلنا الحاجات الحلوة دي

الله يبارك فيك ياباشا
بالنسبه لوحدات الرفع هى راكبه فى الباب الشمال بتاع السائق والكهربائ بيقوم بتوصلها قبل الفيشه العموميه بالباب ومبيقطعش اى سلك هويقشر السلك ويوصله وهى فعلا مداريه لانها بتركب فى تجويف الفبر بتاع الباب ومبيكنش باين اى حاجه وجربت كل حاجه بعد التقفيل لان طبعا الكهربائ عارف شغله كويس وانشاء الله هحاول اصورك الحاجات دية

[mshehata500]

الف مبروك يا باشا علي الحاجات الجامد دي
لو فيها غلاسه بس ممكن تحطلنا صوره للشاشه اللي جبتها علي المرايا ووصلاتها باينه ولا لا؟؟؟؟
وتصورلنا الكاميرا اللي ركبه علي الاكصدام وهل هيا باينهويا تري جبت الكاميرا ليه وانت اصلا مركب سنسور؟؟؟
معلش طولت عليك وتعبتك معايا

الله يبارك فيك يا باشا بالنسبه للصور عنيا حاضر هحاول اصورك كل حاجه ركبتها
اما بالنسبه لوصلات الشاشه مفيش حاجه باينه خالص وهتشوفها انشاء الله فى الصوره
اما جبت الكاميرا ليه فهى امان اكتر لانها بتوضح ليك كل حاجه وراك سواء بالنهار او بالليل ويمكن عشان كده كده كنت هركب الشاشه وهى فبها فيديوا أوت
وفيديوا إن فقلت بالمره يعنى هى جت على 135 جنيه ثمن الكاميرا اما بالنسبه لتعبى فانا تحت امر جميع الاعضاء وشكرا

[mshehata500]

شكرا للجميع وانتظروا الصور انشاء الله

[alishabaka]

نظام القفل هذا يسمى خاصية الايموبليزر وده مش موجود فى مفتاح الاوبترا. انا عندى موديل 2009 وعامل مفتاح ب 8 ج عند بتاع المفاتيح وبيفتح عادى وبشغل العربية بيه وهى بتكون مقفولة بالريموت..على العموم اللى موجود فى الكتالوج ده اوبشنز بس مش كلها نازلة فى النسخة بتاعت مصر.. وشكرا للجميع

[basemsaeed]

الف مبروك يا فندم على الحاجات الجميلة دي
و ربنا يباركلك فيها

[ecybrarian]

مبروك عليك الحاجات الحلوة دي...ياريت بقى لو تقدر تحط لنا صور كمان تبقى حاجة احلى من المانجو العويسي :-)))

[opa optra]

الف مبرووووك يا باشا شغل راااائع جدا وياااريت لو ترفع صور للشغل دا لان انا كمان ناوي ان شاء الله اعمل كدا فياريت ترفع صور

تحياتي :)