حريق بمخازن شيفرولية بالصحراوى

[A.Saad]

شب حريق هائل في مخزن قطع غيار تابع لمصنع منصور شيفرولية بالمنطقة الصناعية بأبو رواش.
على الفور؛ توجهت 15 سيارة إطفاء وقوات الحماية المدنية، لمحاولة السيطرة على الحريق.
وأفادت التقارير الأولية إنه لا خسائر في الأرواح أو إصابات لأي من العاملين في المصنع، بينما كانت التقديرات للخسائر المادية كبيرة.
منقول



لو حد حاجز ميعاد صيانة هناك ، يحاول يأكده قبل الذهاب

[Bassem Raafat]

ربنا يسترها .

[amribrahim]

شب حريق هائل في مخزن قطع غيار تابع لمصنع منصور شيفرولية بالمنطقة الصناعية بأبو رواش.
على الفور؛ توجهت 15 سيارة إطفاء وقوات الحماية المدنية، لمحاولة السيطرة على الحريق.
وأفادت التقارير الأولية إنه لا خسائر في الأرواح أو إصابات لأي من العاملين في المصنع، بينما كانت التقديرات للخسائر المادية كبيرة.
منقول



لو حد حاجز ميعاد صيانة هناك ، يحاول يأكده قبل الذهاب

ده المخزن يا باشا بعيد جيداً من التوكيل اللي في كيلو ٤٫٥ ده مخزن عند الكيلو ٢٠ حاجة

[A.Saad]

ده المخزن يا باشا بعيد جيداً من التوكيل اللي في كيلو ٤٫٥ ده مخزن عند الكيلو ٢٠ حاجة

كدة كويس
شكرا على الافادة
بس هل ممكن مخزون قطع الغيار يتأثر ولا ايه راى حضرتك

[mhmdalsaadany]

اكيد طبعا المخزون هيتأثر واكيد منصور هيعوض خسائره من عرقنا وتعبنا ربنا يستر ان شاء الله

[tiger45]

اكيد طبعا المخزون هيتأثر واكيد منصور هيعوض خسائره من عرقنا وتعبنا ربنا يستر ان شاء الله

ربنا يعوض عليك يا ابو حميد

[amribrahim]

اكيد طبعا المخزون هيتأثر واكيد منصور هيعوض خسائره من عرقنا وتعبنا ربنا يستر ان شاء الله

أكيد عندو مخازن تانية ... مش معقول إن ده بيخدم مصر كلها و أكيد هيجيب شحنة جديدة من كوريا و عيب نسبق الأحداث و ندعي على الناس خصوصاً في التوقيت ذي ده بلاش شماتة المصريين

[mhmdalsaadany]

يا فندم شماته ايه بس لا سمح الله الموضوع وما فيه ان المخزن اتحرق واكيد تقرير الخسائر هيكون بملايين الجنيهات فانا وجهة نظري ان ممكن منصور لما يستورد قطع غيار جديده بدل اللى اتحرق هيغلى تمنا مش اكتر من كدا زي ما زلزال اليابان دمر المصانع والناس كلها بتقول ان قطع غيار النيسان والتويوتا هتغلى ولو سمحت انا لم اوجه اي كلام لجناب سيادتك عشان حضرتك تقول شماته المصريين اللى حضرتك منهم وبعدين انا مدعيتش على حد خالص ولا قولت اي شئ يمت للشماته بصله ولو سمحت ياريت مراعاة اداب الحوار وشكرا لسعة صدرك تقبل مروري

[aymanmaly]

أكيد عندو مخازن تانية ... مش معقول إن ده بيخدم مصر كلها و أكيد هيجيب شحنة جديدة من كوريا و عيب نسبق الأحداث و ندعي على الناس خصوصاً في التوقيت ذي ده بلاش شماتة المصريين

اولا اهلا بحضرتك فى وسط اسرة شيفورلية
ثانيا مافيش داعى لهذا الاسلوب لان القسم هنا لا يتقبل هذة الطريقة من الحوار
السيد العضو قال رأية و حضرتك شايف راي اخر فبدون التجريح فى بعض ممكن تعرض وجهة نظر حضرتك بدون التعرض لاحد
فلا يوجد شماتة فالعضو قال فى اخر كلامة (( ربنا يستر ان شاء الله )) فهل دى شماتة
و هو يملك سيارة شيفورلية و من حقة يكون خايف من تأثير الحريق على تواجد قطع الغيار او الاسعار
و شكرا لمرورك على القسم

[ahmedaglan]

لا في مشكلة ولا حاجة لسبب بسيط ان شركة التامين هى الي هتكع المبلغ الكبير دة بس الموضوع هياخد شوية وقت لحد ميصرفة التعويض
اما عن موضوع الشماتة فاحنا اعضاء شيفورلية لا نقبل مثل هذة المناقشات وكل واحد لة وجة نظر فاارجو من السادة الزوار لقسم شيفورلية التحلي بمناقشة موضوعية

[Raul_7]

أنا كنت في شغلي في القرية الذكية ساعة الحريق, و الحريق استمر تقريبا ساعة و نصف و كان فيه دخان اسود كثيف. رحت بعد كده بصيت علي المخزن كان فيه خساير جامده طبعا و مطلعين عربيات كتير من جوة علي الطريق. أنا صورت فيديو بس مش واضح أوي, لو عايزينه ممكن أرفعه.

تحياتي.

[Usama Nagi]

انا برضوا كنت شغال في القرية الذكية و كان في دخان باين من اول القرية و عرفت انه من مخازن شيفروليه

[amribrahim]

أنا كنت في شغلي في القرية الذكية ساعة الحريق, و الحريق استمر تقريبا ساعة و نصف و كان فيه دخان اسود كثيف. رحت بعد كده بصيت علي المخزن كان فيه خساير جامده طبعا و مطلعين عربيات كتير من جوة علي الطريق. أنا صورت فيديو بس مش واضح أوي, لو عايزينه ممكن أرفعه.

تحياتي.

لو سمحت لو تقدر يبقى كتر خيرك

[Raul_7]

لو سمحت لو تقدر يبقى كتر خيرك

اتفضل يا افندم, بس اعذرني أنا افتكرت إني اصور بعد ماكنت لفيت من قدامه.

YouTube - Movie 0002