الافيو و مشكلة العفشة

[wesamsoftware]

السلام عليكم

ياجماعة عندي مشكلة في الافيو 2005 تكمن فى المساعدين بيخبطو فى اى مطب صغير ، طيب اوكي انا غيرت الاربعة مساعدين كلهم بجديد وكالة الاصلي ومع ذلك برضه مش حاسس بنعومية فى المطبات !!!!!

يعني المشكلة دلوقتي فى العفشة كلها فى الافيو تعبانه ولا ايه ؟؟ داه عشانا انا اتخنقت خلاص بحس بهبد في المطبات الخفيفة مش ناعمة ؟؟؟؟؟

وهل فيه طرق تعديل العفشة المنيلة دي ؟؟
وبالمناسبة المساعدين زيت ، هل ينفع يركب مساعدين رياضية غاز ؟؟

[hmada9009_99]

هو حضرتك ركبت بتاع الأفيو الأصلي ولا حاجه تانيه ؟

[hmada9009_99]

هو حضرتك مركب مساعدين افيو الأصلي ولا حاجه تانيه؟

[wesamsoftware]

مركب الاصلي ياباشا الكوري بتاع الوكالة

[aymanmaly]

يعنى حضرتك شارية من منصور نفسة ولا من موزع ؟
لو شارية من منصور نفسة انصح حضرتك تربط عافشة كويس
و تضبط زواية عند حد محترم
و ابقى طمنى

[wesamsoftware]

لا ياباشا انا فى السعودية وما ادراك بالبيعين الحمير هناك ربنا مايوريك حمار منهم :)
لما جبت المساعدين كان كل واحد متقفل فى الكرتونة وعليها استيكر الوكيل الاصلي
الله اعلم بقه مضروب ولا اصلي الهنود والبكستانين مش سابين حاجة مدورنها :)

[aymanmaly]

عارف والله ما انا كنت هناك 3 سنوات
بس كدة ممكن جدا تكون المساعدين مضروبة
انا من شهر كدة كنت بغير المساعدين بتاعة عربيتى و شوفت مساعدين كثير الكرتونة و العلامة المائية تقول اصلى
و فى الاخر رحت اشتريت من التوكيل علشان اطمن
على العموم ربط عفشة و اضبط زواية و ابقى طمنى

[wesamsoftware]

طيب بالنسبة لتربيط العفشة ايه بيكون الخطوات فيها او ايه االي حيقوم بعمله الصنايعي ؟ عشان افهم بقه احسن دول حمير هنا :)

مشكور ياباشا

[aymanmaly]

كملخص
كل ما هو مسامير فى العربية من تحت يتم تربيطها جيدا
المهم تكون العربية مرفوعة بالكامل على ونش زى الى فى البنزينة للغسيل يعنى مرفوعة عن الارض بالكامل

[wesamsoftware]

طيب ياباشا انا حربط عفشة ونجرب ونشوف الكلام ايه
سؤال ثاني معلش
انا لقيت الحمالة بتاعت الشكمان في منتصف العربية مقطوعه فملقتش زيها فراح الصنايعي ركب واحد تاني مش نفس الموديل ومن بعدها صوت الشكمان بقه عالي الاول كان هادئ جداا متسمعش صوت الموتور
فهل داه يؤثر بشكل ما علي الموتور ؟؟؟ انا شكلي حشتريهم من بره عشان مش لقيهم هنا خالص

[aymanmaly]

طبغا الشكمان لو مش مضبوط فى المسار بتاعة
يعلى صوت الماتور و ممكن يخبط من تحت العربية
المشكلة الحقيقية ان لو الفروق كبيرة ممكن يكسر الشكمان
فياريت تستعجل فى تغير الشداد بتاع الشكمان
و بالتوفيق

[wesamsoftware]

هو فعلا صوت الموتور بقه عالي ولكن هو الشداد اللي حاطه تقريبا معلي الشكمان زيادة عن اللزوم عشان كده عامل فرق شويه قدام بيطلع الصوت عالي