دة اسمه خيال علمى

[thekingkhalid_86]

السلام عليكم ورحمة الله
اولا وقبل كل شى عايز انى ابعت سلامى لكل فرسان المنتدى

ثانيا احب ادخلكوا معايا فى فيلم الخيال العلمى المثير

"سمسمة ومجموعة الدبرياج"
يبدأ الفيلم بالبطل المضحوك علية وهو" انا " متوجها الى فرع منصور اوتو مستر يسال المهندس عن عيوب ظهرت له فى سمسة وفى هذا المشهد يتم اقناع البطل ان سمسمة على خير ما يرام وانها لايوجد بها اى عيوب حيث قيل له بالنص " يا باشا هى ال stranded بتاع العربية كدة

المشهد التانى يذهب البطل اللى منتدى نايل موتورز ويحكى للفرسان عن المشكلة ويقروا جميعا ان السيارة بها عيوب وينصحوه بالذهاب فورا اللى فرع اخر على ان يخبرهم ماذا حدث معه ويطمئنهم على ما تم ب سمسة

المشهد الثالث : يذهب البطل اللى فرع اخوان مقار فى الدقى ويقابلة مهندس هانى
وبعد تجربة سمسمة يقوله له نفس العبارة الشهيرة " يا باشا هى ال stranded بتاع العربية كدة
وهنا يثور البطل رافضا هذة العبارة وموكدا ان هذة ليست سمسة التى يعرفها
فيقوم هانى باخبارة معلومة كافية بان توكد للبطل بان اى صبى ميكانيكى فى ورشة تحت بير السلم يمكن ان يكون اكثر افادة
والمعلومة هى
ان ما يحدث فى السيارة هو نتيجة هبوط سلك الدبرياج وانه للاسف لايمكن تعليه الدبرياج لان الدبرياج على زيت وطبعا انا مش فاهم يعنية الكلام دة اصلا
ويثور البطل مرة اخرى فيتم اصطحابة الى مهندس اخر وهو المهندس جورج والذى بعد التجربة قال نفس العبارة الشهيرة " يا باشا هى ال stranded بتاع العربية كدة ولكن مع اضافة معلومة اخرى وهى ان العربية 3 سلندر مع ان سمسمة 4 سلندر
ثم نفى معلومة المهندس هانى واكد انه يمكن رفع الدبرياج
ورغم كل هذا يظل البطل رافعا شعار لا للترقيع انا عايز حقى
وهنا يدخل المنقذ الاول وهو عامل طلبوا منه ان يرفع الدبرياج ليقول ولاول مرة ان العربية تحتاج اللى تغير مجموع الدبرياج بالكامل

وبعد مداولات كثيرة يتم اخبارى بان مجموعة الدبرياج خارج الضمان

وهنا يثور البطل عليهم جميعا "هههههههههههههههههه" متوعدا الجميع بالرد فيتم اخبارة بالذهاب اللى منصور شيفورلية الكيلو 4 ونص ويذهب البطل اللى هناك مستعدا لمعركة جديدة

المشهد الاخير : يذهب البطل الى هناك ويقابل المهندس محمد الفرماوى مدير الورش هناك لكى يخبرة بالمشكلة
ويرد محمد الفرمواى بعبارة اشبة با علان الحرب وهى "حضرتك معاك كتيب الضمان وانا ارد نعم فيقول ممكن نقرأة مع بعض " على اساس انى مثلا معرفش ان مجموع الدبرياج برة الضمان وكان ردى علية كاتلاتى
1- انا مش دافع الشهر اللى فات 56 الف ودلوفتى عايزنى ادفع الف ونص تانى دة مش هيحصل ابدا
فقالى حضرتك فى ممثل لشيفورلية بيجى كل فترة وومكن نعرض علية الامر
فقلتله انا انى عرفت ان مستر معتذ هنا النهاردة وانا لازم اقابلة "طبعا انا كنت اتكلمت مع حد من الامن وعرفت ان حل المشكلة دية فى ايادى معتذ"
فالراجل شعر انى مش هسكوت فاقلى خلاص ممكن نكلمة
وقابلت معتذ وطلع معايا مهندس يشوف العربية
وهنا حصلت على العبارة الشهيرة " يا باشا هى ال stranded بتاع العربية كدة

وهنا ثورت ثورة عارمة ومدمرة مما اضطرهم لتغير المهندس وجاء مهندس اخر اسمة مهندس محمد بكر وهو راجل محترم لابعد الحدود و بعد التجربة اقر بان السيارة تحتاج لتغير مجموعة الدبرياج بالكامل


واخبر معتذ بالحقيقة المرة هههههههههههههههههه
فعقد معى معتذ صفقة اظنها رابحة وهى ان الشركة سوف تتحمل 90% من التكاليف وانا سوف اتحمل 10 %

مشهد النهاية : حتى الان النهاية مفتوحة لانى لم استلم السيارة بعد وسوف اوافيكم يا فرسان بما حدث

أخيرا بقى انا عايز اعتذر عن
1- التطويل
2- سرد القصة بهذا الشكل بس سامحونى لانى كنت حاسس انى فى فيلم خيال علمى جدا

شكرا

[ahmedaglan]

ياباشا انت عندك حق ف كل الي قولتو والاهم انك عرفت توصل لحل ومش مهم انك تتكلف 10% وانشاء الله ربنا يقوملك سمسمة بسلامة وانشاء الله ياباشا توفينا باخر التطورات
وبالتوفيق

[thekingkhalid_86]

ياباشا انت عندك حق ف كل الي قولتو والاهم انك عرفت توصل لحل ومش مهم انك تتكلف 10% وان شاء الله ربنا يقوملك سمسمة بسلامة وان شاء الله ياباشا توفينا باخر التطورات
وبالتوفيق

الله يسلمك يا باشا وان شاء الله هحكيلكم على نهاية الفليم
بس والله انا لولا انكوا هنا اكدتوا ليا ان العاربية فيها عيب يمكن مكنتش رخمت معاهم للدرجة دية بجد شكرا يا جماعة

[aymanmaly]

احيك علي تصرفك
و ياريت الكل يعمل زيك ولا يستسلم لتعنت موظف لايفقه شي
احيك للمره الثانيه
و ربنا يشفيلك سمسمه
ومنتظر نتيجه الصيانه
و يارب تخلص كما ترتضي

[thekingkhalid_86]

احيك علي تصرفك
و ياريت الكل يعمل زيك ولا يستسلم لتعنت موظف لايفقه شي
احيك للمره الثانيه
و ربنا يشفيلك سمسمه
ومنتظر نتيجه الصيانه
و يارب تخلص كما ترتضي

ايمن باشا
بص هاقول لحضرتك لو فى حد بجد ساعدنى انى الاقى حل معاهم هو اصدقائى هنا وحضرتك ودكتور فوزى من اول الناس اللى شجعونى انى مش اسكت

حضرتك كنت معايا على التليفون وانا بجيب سمسمة وساعتنى كتير واستحملت اسالتى الكتييير
وكمان دكتور فوزى ساعدنى من اول لما فكرت فى العربية اساسا

بصراحة انا اللى لازم احيكوا واحيى المنتدى المحترم دة

[aymanmaly]

ربنا يبارك فيك
انت عارف اننا هنا بننتعامل كأسرة واحدة
ان شاء الله انا مستنى تطمنى تمت على اية
و يجعلة عامر

[fawzyyyy]

ان شاء الله خير.......بس انا عايز افهم يعني ايه العربية بقالها شهر و تبقي عايزة طقم دبرياج........!!!

ده انت ممكن ترفع عليهم قضية.........!!!

بقولك ايه .....هي العربية فعلا بتحس انها مبتجريش و صوتها عالي........انا قصدي هل الفرق بينها دلوقتي و الاول فرق جامد.......!!!

عشان انا حاسس انهم مش حيغيروا حاجة طالما هما مقتنعين ان ده الستاندرد بتاع العربية.......وان هما خادوها منك شوية عشان تنساها....و اما تيجي تركبها متحسش بفرق......!!!

اصل اما يبقي طقم الدبرياج عايز يتغير....حتلاقي العربية مش قادرة تمشي

طمنا يا استاذ خالد علي طول

[thekingkhalid_86]

ان شاء الله خير.......بس انا عايز افهم يعني ايه العربية بقالها شهر و تبقي عايزة طقم دبرياج........!!!

ده انت ممكن ترفع عليهم قضية.........!!!

بقولك ايه .....هي العربية فعلا بتحس انها مبتجريش و صوتها عالي........انا قصدي هل الفرق بينها دلوقتي و الاول فرق جامد.......!!!

عشان انا حاسس انهم مش حيغيروا حاجة طالما هما مقتنعين ان ده الستاندرد بتاع العربية.......وان هما خادوها منك شوية عشان تنساها....و اما تيجي تركبها متحسش بفرق......!!!

اصل اما يبقي طقم الدبرياج عايز يتغير....حتلاقي العربية مش قادرة تمشي

طمنا يا استاذ خالد علي طول

ازيك يا دكنور واحشنى والله

هو انا هاستلمها بكرة ان شاء الله
بس هو فى حاجة اكدت ليا النهاردة انهم لازم يغيروا طقم الدبرياج مش بمزاجهم لا غصب عنهم لانى عرفت النهاردة انهم جينرال موتورز هاتتحمل زى 10 % وال80 على شيفورليه نفسها

عموما انا متوكل على الله وان شاء الله هاترجع زى ما كانت واكيد ان شاء الله هاحكى على التجربة بعد التغير

[thekingkhalid_86]

الحمد لله يا جماعة العربية بقت تمام بس فى حاجتين هايجنينونى
1- فى عضة فى الغيار الاول والتانى
2- الكاسيت مبيجبش القنوات الفردية مع انى دخلتله الكود بتاعة

لو حد يعرف حل الكاسيت يا ؤيت يساعدنى
بالنسبة للفتيس انا هاروحلهم الاسبوع الجاى ان شاء الله

[thekingkhalid_86]

الحمد لله يا جماعة العربية بقت تمام بس فى حاجتين هايجنينونى
1- فى عضة فى الغيار الاول والتانى
2- الكاسيت مبيجبش القنوات الفردية مع انى دخلتله الكود بتاعة

لو حد يعرف حل الكاسيت يا ؤيت يساعدنى
بالنسبة للفتيس انا هاروحلهم الاسبوع الجاى ان شاء الله

الحمد لله يا جماعة انا حطيتلة الكود تانى واشتغل الف شكر

[fawzyyyy]

الحمد لله يا جماعة انا حطيتلة الكود تانى واشتغل الف شكر

الف مبروك يا استاذ خالد........بس لازم ترجع لهم عشان العضة اللي في الفتيس ديه

اخبار العربية ايه ....هل حسيت انها رجعت زي الاول و كله تمام ؟؟؟؟

[aymanmaly]

حمد الله على السلامة
بالنسبة للعضة
دوس دبرياج وانقل جميع النقلات بالترتيب اكثر من مرة ( طبعا و العربية مبطلة )
ان شاء الله تروح
و ابقى طمنا
و يجعلة عامر

[Usama Nagi]

ان شاء الله العربية تضبط معاك

هو بس في سؤال هل فعلا مجموعة الدبرياج خارج الضمان بسبب الأستعمال ولا هيا مالهاش ضمان اساسا

[AHMEDATTARKARE]

بعد إذنكوا جميعا
أنا معايا سبارك 2008
وموضوع الصعوبه في الغيارات الأول والثاني كان عندي

وفي البدايه فكرت أنها مجموعة الدبرياج

وذهبت لمهندس ميكانيكي في فاقوس شرقيه إللي هي بلدي
وده طبعا لأن تكلفة السفر للتوكيل وقضاء يوم مع عباقرة منصور صعب جدا

المهندس سعيد ركب العربية و أسمحلي أوصفلك إللي عمله بالتفصيل الممل

1. ركب السيارة وجرب الغيارات وهي واقفة (( مبطله ))
2. طلع بالسيارة ولف بيها 50 متر
3. وقف ...ثم أنطلق بيها أمريكاني.(( يعني خلي العجل يلف علي الفاضي ليختبر الأسطوانة والديسك))
4. ثم عاد للورشه وقال (( واد يابلية علي الدبرياج للنص))
5. نزل بليه(( 11 سنه)) معاه مفتاح 10 وعلي سلك الدبرياج
6. جرب ياباشا العربية تمام وعلي رأي بلية (( ملبن ياباشا))
7. أأمر يا باشمهندس ولا حاجه يا أستاذ لا والله ده شغل عيب خليها لحاجه كبيرة
8. العربيه زي الفل بقالها سنه ونص أنتهي


لك أن تتخيل العباقرة يقولوا هي كده لا لا لا 3 سلندر لا لا لا الدبرياج علي زيت وما ينفعش يعلي لا لا لا فوت علينا بكرة
ولا كلمة من إللي قالوها صح

[fawzyyyy]

بعد إذنكوا جميعا
أنا معايا سبارك 2008
وموضوع الصعوبه في الغيارات الأول والثاني كان عندي

وفي البدايه فكرت أنها مجموعة الدبرياج

وذهبت لمهندس ميكانيكي في فاقوس شرقيه إللي هي بلدي
وده طبعا لأن تكلفة السفر للتوكيل وقضاء يوم مع عباقرة منصور صعب جدا

المهندس سعيد ركب العربية و أسمحلي أوصفلك إللي عمله بالتفصيل الممل

1. ركب السيارة وجرب الغيارات وهي واقفة (( مبطله ))
2. طلع بالسيارة ولف بيها 50 متر
3. وقف ...ثم أنطلق بيها أمريكاني.(( يعني خلي العجل يلف علي الفاضي ليختبر الأسطوانة والديسك))
4. ثم عاد للورشه وقال (( واد يابلية علي الدبرياج للنص))
5. نزل بليه(( 11 سنه)) معاه مفتاح 10 وعلي سلك الدبرياج
6. جرب ياباشا العربية تمام وعلي رأي بلية (( ملبن ياباشا))
7. أأمر يا باشمهندس ولا حاجه يا أستاذ لا والله ده شغل عيب خليها لحاجه كبيرة
8. العربيه زي الفل بقالها سنه ونص أنتهي


لك أن تتخيل العباقرة يقولوا هي كده لا لا لا 3 سلندر لا لا لا الدبرياج علي زيت وما ينفعش يعلي لا لا لا فوت علينا بكرة
ولا كلمة من إللي قالوها صح

والله عشرة علي عشرة