إعـــــــلان

Collapse

.

,
See more
See less

إعادة تركيب مصابيح الشبورة في سبارك (بالصور)

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    إعادة تركيب مصابيح الشبورة في سبارك (بالصور)

    الحمد لله استطعت ان اركب مصابيح الشبورة بالظبط OEM retrofit وإليكم الخطوات

    المطلوب:
    - دراع النور Light switch 96540684 سعر تقريبا 187 جنيه
    - ريلاي 96590287 Relay سعره 24 جنيه
    - مصابيح الشبورة سعره 320 جنيه للواحد في التوكيل وسعره 150 إلى 200 جنيه للجوز (شمال ويمين) خارج التوكيل
    - فيوز صغير Fuse 10A
    - 3 متر سلك 2 مللي لون اصفر (للفردة الحية)
    - 1 متر سلك 2 مللي لون اسود (للفردة الأرضية)
    - كليبسات نتاية وترامل حلقية (مدورة)
    - شريط لحام او Heat shrink
    - مسامير بورمة مش عارف مقاسها كام بس هي نفس مقاس مسامير التابلوه

    الأدوات:
    - آفوميتير
    - مفتاح 10 - مفتاح 7 - قشارة سلك - زردية - قصافة - طقم مفكات صليبة Philips (يعني عدة كهربا كاملة)

    داخل الصالون

    تركيب دراع النور:
    دي صورة الدراع قبل التركيب


    ودي صورة الدراع إللي راكب


    اولا: فك الـ 3 مسامير في اسفل الغطا البلاستيك المحيط بالقطمة


    ثانيا: اسحب الغطا البلاستيك الاسفل لتحت والاعلى لفوق لفك الغطا كاملا
    دي الصورة بعد الفك


    ثالثا: فك دراع النور عن طريق الضغط على الشفه العليا والسلفى ثم سحب الدراع للخارج مع الضغط على الشفتين..ثم فك السوكت الأبيض الصغير المتصل بالسلك الرمادي

    رابعا: لتركيب الدراع الجديد قم بعكس كل الخطوات السابقة وتأكد من أن مؤشر الشبورة مضاء في التابلو



    وبكدا الصالون خلص:::

    بعد إذنكم ماحدش يعلق لسه التقرير ما خلصش

    =====
    لا حول ولا قوة إلا بالله..متى سيموت الإهمال في مصر
    الكلمات الدلالية (Tags): إعادة, الشبورة, بالصور, تركيب, سبارك, في, مصابيح
  • #2
    فك مكان مصابيح الشبورة

    هناك اكثر من طريقة للوصول إلى مكان مصابيح الشبورة لكني اكتب هنا اطول الخطوات لكنها الاسهل عند الفك والتركيب
    اولا: ارفع العربية على كوريك العجل
    ثانيا: فك العجل
    ثالثا: فك الكارتيرة خلف الأكصدام تحت الرفرف
    رابعا: فك الفوانس الأمامية
    كدا تعرف تشتغل بنفس وبدون معوقات
    هاتلاقي مكان الشبورة مغطى بغطاء مربوط بثلاثة مسامير بورمة بدون سن مدبب..وهنا تقع يظهر لماذا سنحتاج إلى مسامير زيادة (مسمارين على الأقل) لأن المصباح الواحد يحتاج إلى اربعة مسامير وليس ثلاثة لتركيبه كما يظهر في الصور
    صورة الغطاء بعد الفك

    وصورة مصباح الشبورة (منقوله)


    اخيرا: الأفضل عدم تركيب المصابيح في الأكصدام حتى الانتهاء من عمل الضفيرة

    :::
    بعد إذنكم ماحدش يعلق لسه التقرير ما خلصش
    لا حول ولا قوة إلا بالله..متى سيموت الإهمال في مصر

    Comment

    • #3
      تنفيذ الدائرة زي الكتاب ما بيقول

      صورة الدائرة الكهربائية كما يجب ان تكون (الفابريقة)


      ملحوظة الريلاي لازم تجيبه من التوكيل لأنه مختلف تماما عن الريلهات العادية ودي صورته


      صورة علبة الفيوزات ويظهر مكان فاضي لريلاي الشبورة الأمامية


      من صورة علبة الفيوزات يجب التأكد بالآفو من التالي:
      - اولا: الفتحة المكتوب عليها 30 متصلة بمكان الفيوز المكتوب عليه 10
      - ثانيا: الفتحتين 86 و85 فيهم تيار مع تشغيل نور الشبورة من دراع النور
      - ثالثا: اختبار الفتحة 87 قصة كبيرة لكن مهمة للتركيب فيما بعد (انظر خطوات تركيب الضفيرة)

      تركيب الضفيرة:
      - اولا: فك علبة الفيوزات عن طريق الكليبسات التي عليها دوائر زرقاء في الصورة السابقة.
      صورة علبة الفيوزات من اسفل بعد الفك والسهم يشير إلى مكان توصيل سلك الفردة الحية لمصابيح الشبورة. الفيشة البني هي الكونيكتور رقم C103 في الدائرة الكهربائية اعلاه


      - ثانيا: فك الفيشة البني بمفتاح (لقمة) مقاس 7 ويظهر في الصورة الفتحة رقم 26 التي يجب ان يركب فيها الكليبس الموصل للسلك الأصفر لمصابيح الشبورة (الفردة الحية)


      -ثالثا: اغلب الكليبسات في السوق حجمها اكبر من ان تدخل في الفيشة البني، لذلك يجب تصغير حجمها بالضغط عليها لتهيئتها للدخول في الفيشة. يظهر في الصورة الحجم الكبير للكليبسة


      - رابعا: تركيب السلك الأسود بالوصلات الأرضية G101 وG102. يقع G101 خلف الفانوس الأمامي الشمال وG102 خلف الفانوس الأمامي يمين. الصور تبين G102 داخل الدائرة الزرقاء خلف الفانوس الامامي يمين (معذرة في خطأ مكتوب G101 بس هوG102، على العموم الأتنين في نفس المكان خلف الفوانيس)


      - خامسا: التأكد من ان سلوك الضفيرة مثبتة وواصله للمصابيح كالأتي قبل تركيب المصابيح
      - سلك اسود من خلف الفانوسين (من G101، G102) إلى فتحتي مصابيح الضباب
      - سلك اصفر من علبة الفيوزات إلى فتحتي مصابيح الضباب


      سادسا: توصيل السلوك بالمصابيح ثم تركيب مصابيح الشبورة بأربعة مسامير للمصباح الواحد في الأكصدام وتوصيلهما بضفيرة السلك


      سابعا: اختبار مصابيح الشبورة :
      - تركيب الفيشة البني C103 في ضهر علبة الفيوزات والتأكد من تثبيها جيدا
      - تركيب الريلاي
      - تركيب الفيوز (احذر تركيب الفيوز قبل التأكد من ان كل السلوك معزولة ومثبة في مكانها وياريت لو تقيس التوصيلات بالآفو قبلا)
      - ادخل صالون العربية وجرب تفتح نور الصالون
      - ادعو لي :-))


      ثامنا: واخيرا قفل بقى الشغل والفوانيس واي حاجة شكلها مش تمام او مش مظبوط. وتذكر تقفيل الشغل اهم حاجة وهو دليل الفهم والنضافة والنظام
      لا حول ولا قوة إلا بالله..متى سيموت الإهمال في مصر

      Comment

      • #4
        - ادخل صالون العربية وجرب تفتح نور الصالون
        ههههههههههه
        طبعا اقصد نور الشبورة..:-))))))
        لا حول ولا قوة إلا بالله..متى سيموت الإهمال في مصر

        Comment

        • #5
          الله ينور يا هشام باشا شغلك دائما متميز

          Comment

          • #6
            اية الجمال دة
            تعالى نعمل مشروع انا وانت يا دكتور
            انت تهندس و انا الم الفلوس :-)
            حبيبى يا دكتور هشام
            دائما مميز
            و يجعلة عامر
            [SIGPIC][/SIGPIC]

            [B][SIZE=5][FONT=Comic Sans MS][COLOR=#000080]Chevrolet Club Member No.[/COLOR][COLOR=black]17[/COLOR][/FONT][/SIZE][/B]

            Comment

            • #7
              المشاركة الأصلية كتبت بواسطة zalabany مشاهدة المشاركة
              الله ينور يا هشام باشا شغلك دائما متميز
              حبيبي والله يا زلباني باشا..دايما رافع من معنوياتي


              المشاركة الأصلية كتبت بواسطة aymanmaly مشاهدة المشاركة
              اية الجمال دة
              تعالى نعمل مشروع انا وانت يا دكتور
              انت تهندس و انا الم الفلوس :-)
              حبيبى يا دكتور هشام
              دائما مميز
              و يجعلة عامر
              وانا موافق :-)))) بس طبعا على اساس إنك ناوي تقسم..ولا ايه :-))))))
              لا حول ولا قوة إلا بالله..متى سيموت الإهمال في مصر

              Comment

              • #8
                100 ميه الشغل ده و صور جميلة
                تسلم ايدك يا استاذ هشام

                انت كده هتخليني افكر ادلع العربية
                [SIZE=3][B]م/أسامه ناجي[/B][/SIZE][SIZE=5][B][FONT=Comic Sans MS][COLOR=navy][COLOR=black]
                [/COLOR][/COLOR][/FONT][/B][/SIZE][URL="http://www.nilemotors.net/Nile/175941-a.html"]
                [/URL]

                bluemaneg سابقا

                Comment

                • #9
                  يا دكتور مش حاقولك غير ....انك راجل عالمي .....ما شاء الله
                  [CENTER][img2]http://img11.imageshack.us/img11/6016/16556392.png[/img2][/CENTER]
                  [CENTER][SIZE=1][CODE][SIZE=2][mark=#ff0000][SIZE=2]تعالوا ندلع الفيرنا[/SIZE] [/mark][/SIZE]http://www.nilemotors.net/Nile/216862-a.html [/CODE][/SIZE][/CENTER]

                  Comment

                  • #10
                    ما شاء اللة شغل جميل و مضبوط ما اعتقدش التوكيل حتى ممكن يعملها بالنضافة دى

                    Comment

                    • #11
                      المشاركة الأصلية كتبت بواسطة ecybrarian مشاهدة المشاركة
                      ههههههههههه
                      طبعا اقصد نور الشبورة..:-))))))

                      ولا يهمك هو الشغل لازم في الآخر تكتشف فيه غلطه بسيطه

                      لكن السؤال هي السلوك شكلها باين مهي في طريقها من لبة الفيوزات للفوانيس ولا هي متجمعه

                      وعلي فكره الكهربا صعبه جدا والدواير مش أي حد ينفذها عن نفسي مفهمتش غير أنه فيه فانوسين شبوره ركبوا ودراع نور جديد
                      لكن طبعا مقدر المجهود
                      وتقبل مروري
                      وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                      Comment

                      • #12
                        الله ينور يادكتور وفعلا شغل زى المنجة العويسي
                        بس انا عايز اسال هو اساس لمبة الشبورة ف التابلوة بتبقي موجودة حتى لو العربية مفيهاش شبورة

                        Comment

                        • #13
                          المشاركة الأصلية كتبت بواسطة ahmedaglan مشاهدة المشاركة
                          الله ينور يادكتور وفعلا شغل زى المنجة العويسي
                          بس انا عايز اسال هو اساس لمبة الشبورة ف التابلوة بتبقي موجودة حتى لو العربية مفيهاش شبورة

                          +111 كنت هسأل نفس السؤال
                          [img3]http://nileup.com/up/uploads/nilemotors_13674813821.jpg[/img3]

                          Comment

                          • #14
                            المشاركة الأصلية كتبت بواسطة mohssenrashed مشاهدة المشاركة
                            +111 كنت هسأل نفس السؤال

                            ياباشا مش هتفرق انا وانت واحد
                            اصل انا كمان عايز اركب شبورة لشيكنيلي وعايز اتاكد من المعلومة دى اذا كان الاوبترا فيها لمبة في التابلوة ولا لا

                            Comment

                            • #15
                              المشاركة الأصلية كتبت بواسطة bluemaneg مشاهدة المشاركة
                              100 ميه الشغل ده و صور جميلة
                              تسلم ايدك يا استاذ هشام

                              انت كده هتخليني افكر ادلع العربية
                              المشاركة الأصلية كتبت بواسطة fawzyyyy مشاهدة المشاركة
                              يا دكتور مش حاقولك غير ....انك راجل عالمي .....ما شاء الله
                              المشاركة الأصلية كتبت بواسطة mohbasyouni مشاهدة المشاركة
                              ما شاء الله شغل جميل و مضبوط ما اعتقدش التوكيل حتى ممكن يعملها بالنضافة دى
                              المشاركة الأصلية كتبت بواسطة hossam99 مشاهدة المشاركة
                              ولا يهمك هو الشغل لازم في الآخر تكتشف فيه غلطه بسيطه

                              لكن السؤال هي السلوك شكلها باين مهي في طريقها من لبة الفيوزات للفوانيس ولا هي متجمعه

                              وعلي فكره الكهربا صعبه جدا والدواير مش أي حد ينفذها عن نفسي مفهمتش غير أنه فيه فانوسين شبوره ركبوا ودراع نور جديد
                              لكن طبعا مقدر المجهود
                              وتقبل مروري
                              الحمد لله إن الموضع عاجبكم وشاكر جدا لتشجيعكم..الحقيقة انا جمعت السلك كله على تجميعات سلك الفوانيس من غلبة الفيوزات إلى الفانوس الشمال ثم من تحت الاكصدام حتى الفانوس اليمين
                              لا حول ولا قوة إلا بالله..متى سيموت الإهمال في مصر

                              Comment

                              السابق 1 2 template التالي
                              Working...
                              X