الحقوني

[khaloooda]

يا اخوانا انا معايا اوبترا 2010
عاملة حوالي 7 الاف كيلو وشوية

المهم في شوية حاجات مجنناني في العربية دي

1- التكييف بيبقي مقفول ومع ذلك بحس ان في هوا طالع منه خاصة لو كنت جايب البكرة علي السخن
بحس ان في سخونة طالعه منه رغم انه مقفول
واتاكدت من كده لما غيرت البكرة وخليتها في النص ما بين السخن والبارد لاقيت السخونة او البرودة اللي طالعة منه قلت
مع ملاحظة ان التكييف شغال كويس

هل كده في اي تسريب في التكييف او مشكلة

2- لو عديت جنب العربية من برة وهي شغالة خاصة بعد تشغيلها بشوية - ساعة فاكثر مثلا
تلاحظ خروج حرارة من جسم العربية كله
مجرد انك تعدي جنبها تلاحظ كده
مش بس عند الكبوت مثلا
لا وفي جنب العربية وعند التانك كمان
ده يبقي ايييييييه

3- لما اجي اركن العربية بعد ما اخد بيها مشوار طويل شوية بسمع صوت تكتكة في بطن العربية من تحت
حاولت اوصل لمصر الصوت معرفتش
بس هو مش في الكبوت
يا تري ده يبقي ايه

4- اخيرا وليس اخرا
لو رحت التوكيل حبيت اكشف او اصلح حاجة في غير مواعيد الضمان الدورية زي دلوقتي مثلا
بتحاسب ازاي

[HeMa_LanCeR]

يا اخوانا انا معايا اوبترا 2010
عاملة حوالي 7 الاف كيلو وشوية

المهم في شوية حاجات مجنناني في العربية دي

1- التكييف بيبقي مقفول ومع ذلك بحس ان في هوا طالع منه خاصة لو كنت جايب البكرة علي السخن
بحس ان في سخونة طالعه منه رغم انه مقفول
واتاكدت من كده لما غيرت البكرة وخليتها في النص ما بين السخن والبارد لاقيت السخونة او البرودة اللي طالعة منه قلت
مع ملاحظة ان التكييف شغال كويس

هل كده في اي تسريب في التكييف او مشكلة
مافيش اي مشكله خالص خلي البكره علي طول علي الساقع وخليك مشغل الزرار بتاع الهواء الداخلي الزرار اللي جنب ال ac

2- لو عديت جنب العربية من برة وهي شغالة خاصة بعد تشغيلها بشوية - ساعة فاكثر مثلا
تلاحظ خروج حرارة من جسم العربية كله
مجرد انك تعدي جنبها تلاحظ كده
مش بس عند الكبوت مثلا
لا وفي جنب العربية وعند التانك كمان
ده يبقي ايييييييه
الحراره دي من الموتور وده طبيعي مدام مؤشر الحراره مظبوط وانت بتحس بكده علشان المروحه لما بتشتغل ضغط الهوا بيرجع تاني لورا علشان كده بتحس بيه جي من تحت العربيه
3- لما اجي اركن العربية بعد ما اخد بيها مشوار طويل شوية بسمع صوت تكتكة في بطن العربية من تحت
حاولت اوصل لمصر الصوت معرفتش
بس هو مش في الكبوت
يا تري ده يبقي ايه
ده صوت الشكمان بيريح من السخونه وباردو عادي جدا موجود في اي عربيه ده الحديد وهو بيبرد بيعمل كده

4- اخيرا وليس اخرا
لو رحت التوكيل حبيت اكشف او اصلح حاجة في غير مواعيد الضمان الدورية زي دلوقتي مثلا
بتحاسب ازاي

مش هقدر افيدك لأني ماروحتش قبل كده

[ramy87]

كل الكلام اللي قالو Hema Lancer هوه ده اللي كنت هقولهولك بالظبط
و كل اللي انته كاتبه ده كلنا شايفينه و عارفينه
و للعلم العربية معايا بقالها 6 سنين و كل الكلام ده طبيعي و مفيش حاجة خطيرة منه
بالتوفيق

[khaloooda]

متشكر اوي يا جماعة
انا كنت تعبان نفسيا من المواضيع دي

العربية لسه عليها اقسااااااط

[ahmedaglan]

ياباشا متقلقش وخليها علي الله والي عندك دة كلة طبيعى
وربنا يسترها معاك ومعانا وربنا يكفينا شر الطريق ويسد ما علينا

[aymanmaly]

متفق مع ما قيل فى المشاركات السابقة
اما بخصوص انك تروح الضمان فى غير وقت الصيانة دة حقق طالما ان العربية لسة فى الضمان و بتكون زيارة مجانية يعنى ما بتدفعش حاجة فى الكشف
ولا داعى للقلق

[fawzyyyy]

مفيييش اي حاجة يا فندم تقلق منها ....كل ده طبيعي جدا جدا....

[mshehata500]

متفق تماما مع كل الردود وده عادى جدا وبتحس بالسخونه اللى بتخرج من بطن العربيه اكتر فى الصيف مع تشغيل التكيف وده عادى جدا وبالتوفيق
وحضرتك لما بتكون قافل زرار الهواء الداخلى بيدخلك هواء من الخارج عن طريق الهوايات بتاعة التكيف وتحس بيه اكتر مع السرعه ومع تشغيل الزرار وهو الموجود فى النص اسفل بكرة التكيف بين زرار السخانات بتاع الزجاج وزرار ac بتاع التكيف بيفصل مرور الهواء من الخارج