الجنوط الجديدة

[ahmedaglan]

الي كل اخوانى
عايز اسال علي حاجة
انا ركبت جنوط جديدة من حوالي اسبوعين ومىحظ ان العربية بتحدف يمين سنة بسيطة والدركسيون اتعوج سنة بسيطة شمال
فانا عايز اسال هو المفروض انى اظبط زواية لما اركب جنوط جديدة
وهل اظبط في التوكيل ولا اظبط برة مع العلم انى التزمت بكلام التوكيل وركبت جنط نفس مقاس الفريكة
عايز بقي الردود السريعة
وخصوصا من عمدتنا الكبير

[FunnyMickey]

لازم ترصص وتظبط زوايا

[ahmedaglan]

لازم ترصص وتظبط زوايا

متشكر جدا يامعالي الباشا
وهى بالفعل اترصصت لما ركبتهم بس بردو كان ترصيص اي كلام

[FunnyMickey]

انتا جبت الجنوط منين ؟؟؟

[ahmedaglan]

انتا جبت الجنوط منين ؟؟؟

جبتهم من عند واحد حبيبي اسمة عمرو الجميل ف شارع الشيخ ريحان الي عند احمد ماهر علشان انا ساكن هناك وهما جنوط تيلاندى وكويسين جدا

[FunnyMickey]

طب ازاي الترصيص مش كويس
عالعموم
هوا رصص جهاز ولا رصص ازاي

كده انصحك تطلع علي بريدجستون كالتكس عباس العقاد
ترصص وتظبط زوايا بالمره
وان شاء الله الدنيا تبقي كويسه

[ahmedaglan]

طب ازاي الترصيص مش كويس
عالعموم
هوا رصص جهاز ولا رصص ازاي

كده انصحك تطلع علي بريدجستون كالتكس عباس العقاد
ترصص وتظبط زوايا بالمره
وان شاء الله الدنيا تبقي كويسه

متشكر جدا يامعالي الباشا والف شكر
وربنا يسترها معاك ومعانا

[FunnyMickey]

تحت امرك ياباشا في اي وقت

[MMamdouh]

مش من المفروض ان تركيب الجنوط يعمل كل المشاكل دى... و برضة لو الزوايا مضبوطة من الاول مش المفروض تخلف بعد تركيب الجنط

واضح ان فيه مشكلة فى التركيب (ممكن تبقى عايزة رنجان او الرينجات مش مناسبة) او ممكن مشكلة فى تركيب الكاوتش على الجنط... الاكيد انها مش مشكلة ترصيص

MMamdouh

[aymanmaly]

احمد باشا
الف مبروك الجنوط ربا يديك خيرها و يبعد عنك شرها
الجنوط مالهاش علاقة بالزواية
فيه حاجة غلط
انصحك تروح بريدجستون فرع عمارات العبور علشان الجهاز بتاع ضبط الزواية هناك احدث من فرع عباس العقاد
و فهمة الى حصل
الاعراض الى بتقولها زواية
لكن ممكن الرنجات مش مضبوطة الرنجات فية مها البلاستيك و فية مها بتتعمل عمولة فى الحرفين
على العموم خليهم يكشفوا على الجنوط و الرنجات الاول و يعيدوا الترصيص
و لو مافيش حاجة اضبط زواية
و ابقى طمنى
و يجعلة عامر
و ابقى طمنى

[hpxp]

بص يا بشا ظبط زوايا قبل كدا ولا لا وعربيتك عامله كام كم؟
لاني اول ما استلمت العربيه كان فيها نفس الموضوع بالظبط كانت بتحدف يمين والدروكسيون سنه شمال وانا في صيانه العشرين في ياسين الي حمب حمدي لادا ظبطولي زوايا وبدلوة فرده مكان فرده علشان قالي انت عتدك الفرد متاكله من كبس الفرامل شوف كدا كبست كام مرة بس هي بنسبه كبيرة ظبط زوايا

[ahmedaglan]

احمد باشا
الف مبروك الجنوط ربا يديك خيرها و يبعد عنك شرها
الجنوط مالهاش علاقة بالزواية
فيه حاجة غلط
انصحك تروح بريدجستون فرع عمارات العبور علشان الجهاز بتاع ضبط الزواية هناك احدث من فرع عباس العقاد
و فهمة الى حصل
الاعراض الى بتقولها زواية
لكن ممكن الرنجات مش مضبوطة الرنجات فية مها البلاستيك و فية مها بتتعمل عمولة فى الحرفين
على العموم خليهم يكشفوا على الجنوط و الرنجات الاول و يعيدوا الترصيص
و لو مافيش حاجة اضبط زواية
و ابقى طمنى
و يجعلة عامر
و ابقى طمنى

عمدتنا الكبير
انا الحمد الله روحت امبارح عملت ترصيص وظبت زواية عند واحد في الحى السابع اسمة عمرو بدوى وانا اتعملت معاة كذا مرة وعندو اجهزة حديثة جدا وصنايعى ربنا يبركلة ايدة تتلف في حرير وهما ناس محترمة فوق الوصف وانا رصصت موتوسيكل وبعد كدا ظبط زواية وانا اول لما العربية اتحطت علي الجهاز وماشاء الله الجهاز كاشف كل حاجة الميزان والدركسيون وتم بحمد الله تظبيط كل حاجة
والعربية ماشاء الله بقت زى المنجة العويسي
الف حمد وشكر ليك يارب

[ahmedaglan]

بص يا بشا ظبط زوايا قبل كدا ولا لا وعربيتك عامله كام كم؟
لاني اول ما استلمت العربيه كان فيها نفس الموضوع بالظبط كانت بتحدف يمين والدروكسيون سنه شمال وانا في صيانه العشرين في ياسين الي حمب حمدي لادا ظبطولي زوايا وبدلوة فرده مكان فرده علشان قالي انت عتدك الفرد متاكله من كبس الفرامل شوف كدا كبست كام مرة بس هي بنسبه كبيرة ظبط زوايا

اولا انا عايز اطمن عليك
انت عامل اية واخبار الثانوية العامة معاك اية وربنا يعديك منها علي خير يارب
ثانيا انا الحمد الله مفتكرش ان العربية كبست بيها غير مرة تقريبا ف صلاح سالم والحمد الله ربنا ستر بس الي ظهر دة اول ما ركبت الجنوط وانا قولت ان العيال الي كانت بتركب افترت علي العجلة وهما بيربطوها بس الحمد الله تم تظبيط كل حاجة وانا انشاء الله هجربها علي الدائري وربنا يسترها معايا ومعاكو

[ahmedaglan]

مش من المفروض ان تركيب الجنوط يعمل كل المشاكل دى... و برضة لو الزوايا مضبوطة من الاول مش المفروض تخلف بعد تركيب الجنط

واضح ان فيه مشكلة فى التركيب (ممكن تبقى عايزة رنجان او الرينجات مش مناسبة) او ممكن مشكلة فى تركيب الكاوتش على الجنط... الاكيد انها مش مشكلة ترصيص

mmamdouh

اولا بحب اشكر حضرتك لاهتمامك وانت راجل محترم فوق الوصف وربنا يبركلك
انا كنت عارف ان فية حاجة غلط والعربية فعلا لما حطيتها علي جهاز ظبط الزاويا الفنى قلي ان فية فعلا حدفة صغيرة جدا
والحمد الله عملتها بعد طبعا الترصيص لان العربية كان فيها بردة رعش بسيطة ف الدركسيون بعد ال 120 وكان السبب ان في رصاص كتير في العجلة الخلفية يمين والحمد الله اتعملت
علي العموم الحمد الله علي اي شئ وكويس انها جت علي اد كدا وانا الصراحة مكنتش مقتنع بالرينجات الي ركبت واحب اعرف من حضرتك افضل رينجات ممكن اركبها نوعها اية واكون شاكر ليك جدا

[MMamdouh]

هى مش انواع... هو فيه بلاستيك و الومنيوم... و غالبا الالومنيوم بتبقى معمولة عند الخراط

لو اللى عندك بلاستيك اى كلام (مش فبر محمل يعنى) انصحك تروح لخراط يعملك 4 رينجات الومنيوم

MMamdouh