كفه المرايا اتكسرت يا رجاله :(

[HeMa_LanCeR]

انهارده عسكري ابن حلال كسر زجاج المرايا الشمال
الحمد لله انها جت علي كده
انا بقي مش عارف اجيبها منين احسن مكان
بس طبعا عايز واحده زي اليمين فيها زوووووووووم مش عايز اجيب زي بتاعتها لأنها كانت خنقاني قوي
قووووووووووووي خصوصا في الغرز

[HeMa_LanCeR]

طيب حد يقول السلام عليكم حتي

[elmkaneeki]

السلام عليكم
معلش انا معيش شيفروليه

[fawzyyyy]

عليك و علي الحرفييين يا هيما......بلاش التوكيل عشان حيقوللك سعر خرافي

و لو عايز محل قطع غيار ...في محل في دمشق اسمه اليكتروموتيف بتاع شيفرولية
و ممكن تسأله في التليفون علي سعرها

24533599

[MohssenRashed]

السلام عليكم

[MMamdouh]

حاجات الشيفرولية الاصلية تلاقيها عند ابو الحسن فى شارع المرور - بين السرايات

MMamdouh

[ecybrarian]

برضه اسأل في التوكيل وقل لنا علشان نعرف فرق السعر برضه..وخللي بالك المرايا دي المفروض لها نسبة لون غامق من اجل تشتت الضوء..ممكن تلاقي إللي في السوق مش اصلي فتلاقي انعكاس الضوء عالي في وشك..إلا العسكري دا جيش ولا شرطة :-)))) ااقصد اجندة ولا فلول :-))))

[HeMa_LanCeR]

انا شاكر لكل الناس اللي ردت عليا :)
انا اصلا مش عايز اجيب الاصلي لأن الزوم بتاعها زباله بمعني الكلمه وهي في حدود 70 جنيه
فا انا هشوف واحده تقليد بس المهم عندي الزووووووووم

ويادكتور كان عسكري شرطه والحمد لله اخدت حقي وزياده حتي من البيه بتاعه :)

[hpxp]

هيما حبيب قلبي بيسال لا ازاي هيما يسال :-) هيما انا خايف اافك العداد و الشيطان لاعب جامد في دماغي
انا عملت حركه الفبركه دي في الكورولا بص ياسيدي انتا هتروح لبتاع المريات يفصلك واحده وجايز تلاقي حاجه عنده زي كده واخو بنفلك تجربتي

[theking2690]

انا شاكر لكل الناس اللي ردت عليا :)
انا اصلا مش عايز اجيب الاصلي لأن الزوم بتاعها زباله بمعني الكلمه وهي في حدود 70 جنيه
فا انا هشوف واحده تقليد بس المهم عندي الزووووووووم

ويادكتور كان عسكري شرطه والحمد لله اخدت حقي وزياده حتي من البيه بتاعه :)

كان عندى سؤال بس بره الموضوع هو ايه الزووم اللى حضرتك تقصده مش المفروض انها بتصغر الحاجه علشان تجبلك الدنيا حواليك بأكبر مساحه علشان توضحلك بس المشطله فيها ان بيبقى فيها نقط عمياء بتودى فى داهية فهل النوع التانى اللى بتتكلم عليه ده مفيهوش نقط عمياء او فيه حل للنقط العمياء معلش بتقل عليك

[HeMa_LanCeR]

كان عندى سؤال بس بره الموضوع هو ايه الزووم اللى حضرتك تقصده مش المفروض انها بتصغر الحاجه علشان تجبلك الدنيا حواليك بأكبر مساحه علشان توضحلك بس المشطله فيها ان بيبقى فيها نقط عمياء بتودى فى داهية فهل النوع التانى اللى بتتكلم عليه ده مفيهوش نقط عمياء او فيه حل للنقط العمياء معلش بتقل عليك

الموضوع ان المرايا اليمين بتصغر الحاجه ودي بتديلك رؤيه اوسع للطريق
لكن الشمال كانت بتصغر بسيط جدا يكاد ان تكون طبيعيه
وده طبعا عامل مشكله انها مش جايبه الطريق كله من جنبك
يعني يا تتظبط عالعربيه او تتظبط عالطريق
ممكن اعرف حضرتك تقصد ايه بالنقطه العمياء ؟ اصل النقطه العمياء اللي في العربيه مابتبقاش في المرايا
دي بتكون الحته اللي ورا القايم اللي قدام
يعني لو انت قاعد سايق ممكن القايم ده يخفيلك بني ادم وانت مش هتشوفه

[HeMa_LanCeR]

هيما حبيب قلبي بيسال لا ازاي هيما يسال :-) هيما انا خايف اافك العداد و الشيطان لاعب جامد في دماغي
انا عملت حركه الفبركه دي في الكورولا بص ياسيدي انتا هتروح لبتاع المريات يفصلك واحده وجايز تلاقي حاجه عنده زي كده واخو بنفلك تجربتي

لا طبعا الراجل لو فصلها هتبقي عاديه جداااا
وبالنسبه للعداد جمد قلبك وماتخفش بس عموما متفكش حاجه لأن اللمبات مابقاش في حاجه عدله اللمبات كل اسبوع يتحرق منها جزء لما زهقت

[hpxp]

هيما في عكه جامده في دماغي عايز اعملها بس رئيك يهمني
انا عايز اعمل الاشارات في الجنب العربيه بس طبعا مش عايز اخرم الصاج فبقكر اركها في حليه الباب الهي بارزه دي او اخرم الاكصدام
نيجي بقي علي الكهربا لو هخدها من الفانوس يبقي الغطا مش هيقفل فتحت علبه الفيوزات و مفهمتش حاجه هسبلك الموضوع دا تفكر فيه يا هيما بريف هارت
هو الموضوع دا ضروري شويتين لان اي واحد جمبي مبيخدش باله من الاشارة
العكه رقم 2
انا عايز اخد سللك كهرباء من لمبه الصالون واوصله للشنطه بعد كده اعمل مفتاح فصل كهرباء علي السلك الجديد وبعدها اوصله علي كلاكس نظرا لو الانذار مرنش يعني
مستنيك يا هيما

[HeMa_LanCeR]

هيما في عكه جامده في دماغي عايز اعملها بس رئيك يهمني
انا عايز اعمل الاشارات في الجنب العربيه بس طبعا مش عايز اخرم الصاج فبقكر اركها في حليه الباب الهي بارزه دي او اخرم الاكصدام
نيجي بقي علي الكهربا لو هخدها من الفانوس يبقي الغطا مش هيقفل فتحت علبه الفيوزات و مفهمتش حاجه هسبلك الموضوع دا تفكر فيه يا هيما بريف هارت
هو الموضوع دا ضروري شويتين لان اي واحد جمبي مبيخدش باله من الاشارة
العكه رقم 2
انا عايز اخد سللك كهرباء من لمبه الصالون واوصله للشنطه بعد كده اعمل مفتاح فصل كهرباء علي السلك الجديد وبعدها اوصله علي كلاكس نظرا لو الانذار مرنش يعني
مستنيك يا هيما

بالنسبه للأشارات فا انا اصلا عامل اشارات :)
بس عاملها بطريقه كويسه جبت حاجه بتركب في الجنب زي الهوايا كده (هصورهالك)
ودخلت السلك من ورا الرفرف ومشيته لحد الفانوس الأمامي واخد وصله من لمبه الاشاره الاماميه

بالنسبه لموضوع لمبه الصالون ده بلاش لعب فيه لأن دي كهربتها حساسه شويه وسلكها بيبقي ضعيف فا ابعد بعيد عنها احسن

[HeMa_LanCeR]

انا جبت الكفه الاصلي ب 45 جنيه
اه زي ما سمعتوا 45 جنيه فيها حاجه دي :)