صفيحة سمنة و اسمها اوبترا

[arakysolom]

السلام عليكم
موضوع ضعف صاج الاوبترا ده مأزمني نفسيا انا من النوع اللي بيخاف جدا و بيحافظ علي العربية و خاصة انها اول سيارة ة زيرو اجيبها بس للأسف ملقيتش جراج اركن فيه فبركن في الشارع و للأسف وعلي رغم حرصي التام علي غطاء السيارة الا انني كل يوم و التاني الاقي نقرة يأما في الكبوت او السقف او الشنطة ده بخلاف ان الجنب الشمال فيه كام نقرة كده علي الماشي ودي حاجة مزعلاني جدا ؟؟
هل من رأيكم اني ارد هذه النقر عند سمكري ولا لأ وهي نقر صغيرة جدا متبنش الا في انعكاس الضوء بس مزعلاني جدا
كمان الاكصدام الخلفي اتهري خدوش من الناس ولاد الحلال اللي بتركن شحط في العربية و هي طالعة لازم تحكه هل ارشه ولا متنصحونيش عشان تفضل فابرقة
وشكرا

[mohamedaly0603]

لاتذهب للسمكرى الآن

عندنا فى مصر لايوجد أى مكان حتى الجراجات الخاصة اصبح مضمون فيه عدم احتكاك العربية أو اصابتها بنقرة أو خبطة بسيطة
أعتقد ممكن تمشى بيها لفترة الترخيص وقبل التجديد ممكن تروح للسمكرى يرد النقر الموجودة وبلاش دهان خارجى عشان مايقللش من تمن العربية عند البيع
تقبل تحياتى

[macdiv]

شكلك كنت مسافر ولسه جاي مصر ... المكان الوحيد اللي ممكن تحافظ فيه علي عربيتك وانت مطمن هو غرفه نومك وكمان لما العيال تنام

[fawzyyyy]

سيبها زي ما هي ....لأنك في اي وقت معرض للنقر ديه في اي مكان........

[engaass]

كله عادى جدا وبيحصل وهيحصل كل يوم انا عربيتى فيه شخبطة باله حادة على الرفارف وكتابه بالاسود على الشنطة وركنها فى حته المفروض ان مفيش عليا رجل

[gemy1]

باشا اللى بيحصل فيك ده من اسباب ارتفاع الضغط و امراض السكر عند الشعب المصرى ربنا يبعد الشر عنا جميعا يعنى بس لو وجعت دماغك بالحاجات دى ممكن يحصلك حاجه بعد الشر فحضرتك قدامك حل من الاتنين يا اما تشوف محل صغير على حجم العربيه و تعمله جراج خاص ليك يا اما تكبر دماغك عشان انت اكيد فى مصر

[TAMERHASSAN]

كبر دماغك امال لو معاك فيرنا لو نمله عدت على الصاج يتخربشه ياطبقه كنت عملت ايه تقبل مروري

[arakysolom]

شكرا للجميع علي المرور و التعليق و جزاكم الله خيرا
بس انا حبيت افضفض معاكم
المشكلة في الاسكندرية ندرة الجراجات و هي مشكلة كبيرة
احنا اكيد في مصر
بس المدهش ان العربيات الالماني عموما مبتلقيش فيها نقر و مبتتأثرش مثلا بأن واحد يقعد علي الكبوت أو زلطة تقع من بلكونة الجران فتعمل نقرة
وبعدين انا كان معايا لانوس قبل الاوبترا و كان الكبوت بتاعها و الشنطة اجمد من كده
انا حاسس ان الصاج بتاع الصني اجمد ولا ايه
شكرا تاني علي المشاركات و ربنا يديم الود

[ahmedaglan]

ياباشا خليها علي الله وربنا يكرمك بعد كدة وتغيرها بحاجة احسن وانا عن نفسي ان شاء

الله بفكر بعد كدا

يااما كروز هاي لاين
او اوكتافيا فانتازيا هاي لاين زى الي معا اخويا
وربنا يكرمك ويكرمنى ويسترها معانا ومعاك
ودة طبعا لان الكروز صاجها قوى والاوكتافيا زيها
بس اهم حاجة ربنا يورزق

[alemam2005]

:b4_611: شكلك كنت مسافر ولسه جاي مصر ... المكان الوحيد اللي ممكن تحافظ فيه علي عربيتك وانت مطمن هو غرفه نومك وكمان لما العيال تنام

+111

[ahmed643]

واكتر من كده كمان وبيحصل انا عربيتى اتخبطت وهيا واقفه
عادى ياباشا روق كده ومتخدش الامور على اعصابك

[aymanmaly]

هاهاهاها
كل الردود من احلى الردود الى شفتها
فاشر البلية ما يضحك
يا راجل دة انا كنت راكن صف اول و كنت جالس جوة العربية و جت واحدة سايقة عربية خبطت العربية من الجنب و جت جني بصتلى من فوق لتحت و مشيت
حتى بدون اسف
سيبها كدة لانك فى مصر مافيش داعى تتعب نفسك

[MIGOS]

فعلا الصاج خفيييييييييييييييييييييييييييف رغم وزن السيارة العالي حاول تداري الاماكن المنقورة بالاستيكرز وبالاخص الاكصدام بالاستيكر الاسود شكله ظريف

[usama22]

الله كبر ماغك دى حاجه تزهق ده غير سرقة علامات الشيفورليه من العربية وروحت اجيبهامن التوكيل لاقيتها ب100 جنيه العلامه اللى ورا روحت اشتريها من برة لاقيت اللى برة كله زباله يعر العربيه رجعت جبتها من التوكيل و اتسرقت تانى ههههههههههه