سبارك متظبطة في مصر

[HOSSAM99]

إنت شغلك جميل
بعيدا عن العربيات ركز تركيزتام في الدراسه و الأمتحانات اليومين دول و أعمل مجهود إنتحاري و إن شاء الله هايبقي لك شأن في المجال اللي إنت بتحبه
و السبارك (أنا مبحبهاش أصلا في العادي) لكن عربيتك وشغلك أنت حببني فيها
أتمني من الله أن يكون التوفيق حليفك

[ecybrarian]

لازم تقول لنا عملت اللون دا ازاي بالتفصيل الممل..نشوف بعد الامتحانات موضوع التفصيل الممل دا

[foxpowerdesign]

انا السنة اللى جاية رايح ثانوية عامة و انا كنت فى اولى ثانوى و الحمد لله ناجح بتفوق و مخلص امتحانات من 21-5
و بشكر حضرتك يا استاذ حسام على تعليقك الجميل
و بشكر دكتورنا الجميل
و الشغل ده فينيل لميع كل اللى احتجناه ( استشوار - و استيكة - و قطر - و قماشة - و بخاخة مياه ) و التأنى فى الشغل و شوية تركيز و حيطلع الشغل تمام بس مش زى الفابريقيه طبعا بس هيطلع جميل و لسه ان شاء الله هاعمل الجزء الاسود اللى فى الطابلوه باللون الاسود اللميع و هيبقى جامد جدا بس انا عاوز اعرف ازاى بيتفق صح انا شوفت فيديو و واحد بيفكه بس انا معايا ناشف اوى مش عارف افكه فده مأخرنى لغاية دلوقتى و بس

[ecybrarian]

ايه دا..الفضي دا استيكر!!!! مش كنت صورت خطوات اللزق بالمرة..انا افتكرتك فكيت الهويات ورشتها اسبراي..

بص على صورة التابلوه دا..مش عارف عمل الغطا بتاع السماعات ازاي؟؟؟

[foxpowerdesign]

ده رش كله و انا ناوى اعمل الفكرة بتاعة السماعة برده

[Usama Nagi]

ايه الأبداعات الحلوة دي العربية ما شاء الله كل يوم بتحلو اكتر

[foxpowerdesign]

شكرا جدا يا bluemaneg
و انتظروا القادم مع سبارك جى تى
بإذن الله

[foxpowerdesign]

النهاردة انا عملت السماعات اللى القدام باللون الرصاصى و الكفر الخلفى بتاع السماعة برده رصاصى و رشيت الجنوط بالاسود و الرصاصى و كان فى بالى انى اعمل شكل و بعدين طلع شكل تانى غير اللى انا عاوزة بس طلع شكل جميل جدا
و اليكم الصور اللى موجودة معايا اللى صورتها فى النور بس الباقى كانت الدنيا ظلمة فهصورهم بكرة و ارفعهم عشان كاميرة الموبيل مش فيها فلاش
و إليكم الصور

[foxpowerdesign]

ديت خطوات رش الكفر بتاع السماعتان اللى قدام























بس بعد ده قوله انا رشت لبجزء السفلى باللون الرصاصى كمان لان هتبقى اجمل لان مش هتبقى حلوة و هى بالنص الا لو نيكل جاهز و بيتلزق ده كان هيبقى جميل و هابقى ارفع باقى الصور بكرة

[ecybrarian]

ما شاءالله.. هي حلوة كدا مش محتاجة تعديلات..الله ينور

[foxpowerdesign]

الله يخليك يا دكتور و انا دلوقتى هارفع صور الكاوتشات

[foxpowerdesign]

معلش هى صور مختصرة و اليكم الصور

ده الجنط بالشكل الاصلى اول حاجة فكيت الكاوتشات و رشيتهم باللون الرصاصى عشان النظافة و الخرابيش و استنيت و بعدين اخد خطوط بالسلوتيب العريض العريض بين الفراغات عشان تطلع بشكل المثلثات و لو كان مش عريض هيبقى شكله وحش لانى جربت الاتنين فبنصح بالاول
و بعدين استنيت لغاية ما نشف و شلت السلوتيب و هاك النتيجة

ده الاصلى



ده النتيجوة النهائية



ده لو عاوزين ترش الجنط اسود عشان ينظف ممكن بالطريقة ديت او وى بترش الجنط اسود



ديت صورة عامة

[ecybrarian]

+1 على شغل الجنوط

عاجبني قوي الشغل على الباكيتات دا

[foxpowerdesign]

شكرا يا دكتور و بالمرة اشتريت سدادات خلف الكاوتشات بالمرة

[foxpowerdesign]

مقبض فيتيس مومو



وديت صور للمبات البيضاء بعد التركيب ( ديت العلبة فيها اللمبات الاصلية )