مساعدين للافيو اتوماتيك

[ahmedsm]

السلام عليكم .
لو سمحت يا جماعة لو حد ركب او اشترى مساعدين افيو ياريت يقلى على النوع الكويس وسعره كام عشان ناوى اغير الاربعة

[memo823000]

انت عامل كام كيلو
ومين قالك المساعدين عايزين يتغيرو
انت عندك 3 انواع
اللى فى التوكيل ودى انا معرفش كويسه ولا لا
فيه نوع kyb تايلاندى والمساعدين دى كانت بتتصنع فى اليابان بس بقت بتتصنع فى تايلاند ( المصدر بتوع المساعدين كنت بدردش معاهم وانا بشترى الفلاتر الاصليه والتيل الاصلى للصيانه الدوريه)
فيه وانا بدعبس عرفت ان كونى عملت مساعدين للافيو عند ارابكوم اللى عند سيتى ستارز مدينة نصر وقال فيه نوعين النوع العادى ودا بيبقى ناعم وطبعا اخر مقاس للكوتش 15 بوصه
اما لو حبيت تزود عن مقاس 15 ففيه نوع اسبورت وطبعا العربيه بتبقى ناشفه فى المطبات لاكن ثبات رهيب

اخر حاجه علاج لنوشفيه عفشة الافيو

تركيب كاوتس بريدجستون يابانى اصلى من اى فرع بريدجستون بس يكون نضيف ويستحسن تخلى المقاس لايقل عن 15 هتحس بفرق فى الثبات والفرامل مختلف تماما (كدا انت عالجت العفشه بنسبة لا تقل عن 80 % لو المساعدين والسوست والبطاحات سلام

تركيب مساعدين اصليه سواء من التوكيل او ارابكوم او توكيل kyb

سوست العربيه مش كويسه فحاول تشوفلها سوست كويسه (لانى اتعرفت على واحد معاه اخت عربيتك اتوماتيك 2008 وكان مركب مساعدين الاوبل 97 والدنيا اختلفت معاه تماما مفيس التمييله فى الملفات ولا مطبات الهواء ولا الهبده فى النقر

وبالمره طبعا هتجيب بطاحات جديده وحاول توفقلها حاجه يابانى اصليه ملقتش عليك وعلى اللى فى التوكيل

طبعا انا افيو هاتشباك 2009 وعامل 82 الف كيلو وغيرت البطاحات الاماميه من التوكيل من حوالى اسبوع عشان حسيت انهم ضعفو من مطباتنا الجميله والراجل قالى المساعدين مفيهومش حاجه الحمد لله

طبعا انا مشبروح التوكيل من ساعت مجبت العربيه وبعمل الصيانات بتاعت عند واحد شغال فى توكيل هيونداى يجى من 12 سنه تيم ليدر فى فرع ابورواش وهو ساكن فى روض الفرج فمريحنى على الاخر

انت شوف اللى مناسبك من الرغى اللى مكتوب فوق واعملو وانا معاك لو احتجت اى حاجه

[ahmedsm]

انت عامل كام كيلو
ومين قالك المساعدين عايزين يتغيرو
انت عندك 3 انواع
اللى فى التوكيل ودى انا معرفش كويسه ولا لا
فيه نوع kyb تايلاندى والمساعدين دى كانت بتتصنع فى اليابان بس بقت بتتصنع فى تايلاند ( المصدر بتوع المساعدين كنت بدردش معاهم وانا بشترى الفلاتر الاصليه والتيل الاصلى للصيانه الدوريه)
فيه وانا بدعبس عرفت ان كونى عملت مساعدين للافيو عند ارابكوم اللى عند سيتى ستارز مدينة نصر وقال فيه نوعين النوع العادى ودا بيبقى ناعم وطبعا اخر مقاس للكوتش 15 بوصه
اما لو حبيت تزود عن مقاس 15 ففيه نوع اسبورت وطبعا العربيه بتبقى ناشفه فى المطبات لاكن ثبات رهيب

اخر حاجه علاج لنوشفيه عفشة الافيو

تركيب كاوتس بريدجستون يابانى اصلى من اى فرع بريدجستون بس يكون نضيف ويستحسن تخلى المقاس لايقل عن 15 هتحس بفرق فى الثبات والفرامل مختلف تماما (كدا انت عالجت العفشه بنسبة لا تقل عن 80 % لو المساعدين والسوست والبطاحات سلام

تركيب مساعدين اصليه سواء من التوكيل او ارابكوم او توكيل kyb

سوست العربيه مش كويسه فحاول تشوفلها سوست كويسه (لانى اتعرفت على واحد معاه اخت عربيتك اتوماتيك 2008 وكان مركب مساعدين الاوبل 97 والدنيا اختلفت معاه تماما مفيس التمييله فى الملفات ولا مطبات الهواء ولا الهبده فى النقر

وبالمره طبعا هتجيب بطاحات جديده وحاول توفقلها حاجه يابانى اصليه ملقتش عليك وعلى اللى فى التوكيل

طبعا انا افيو هاتشباك 2009 وعامل 82 الف كيلو وغيرت البطاحات الاماميه من التوكيل من حوالى اسبوع عشان حسيت انهم ضعفو من مطباتنا الجميله والراجل قالى المساعدين مفيهومش حاجه الحمد لله

طبعا انا مشبروح التوكيل من ساعت مجبت العربيه وبعمل الصيانات بتاعت عند واحد شغال فى توكيل هيونداى يجى من 12 سنه تيم ليدر فى فرع ابورواش وهو ساكن فى روض الفرج فمريحنى على الاخر

انت شوف اللى مناسبك من الرغى اللى مكتوب فوق واعملو وانا معاك لو احتجت اى حاجه

يا باشا الف شكر والله على المعلومات ده .
بص يا باشا انا معايا افيو اتوماتيك 2008 اشتريتها مستعملة من اربع شهور بس وكانت عامله 38 الف ودلوقتى عاملة 43 الف .
اول المشكلة لما تلاتة ركبوا ورا معايا وحسيت ان فى صوت عالى جدا من ورا فى المطبات فرحت لبتاع عفشة قالى المساعدين عايزين يتغيروا والحقيقة انا مستغرب ازاى يتغيروا والعربية عاملة 43 الف بس . المهم فقالى انا هغيرلك كاوتش فوق المساعدين كدا مش العجل.
وبعد كدا قلت اروح برده اكشف على الموضوع ده عند واحد تانى قالى برده لازم المساعدين يتغيروا .
ومن يومين بقى المشاكل ده بدأت :
صوت خبط فظيع وكمان لما ادوس فرامل عند سرعة 60 مثلا الدريكسيون بيحدف ولما اطلع مطب الاقى الدريكسيون بيحدف .فانا توقعت ان المساعدين خلاص باظوا يعنى.
معلش انا طولت عليك جدا بس حاجة اخيرة هى ايه ده البطاحات.

شكرا يا باشا مرة تانية .

[ahmedsm]

يا باشا الف شكر والله على المعلومات ده .
بص يا باشا انا معايا افيو اتوماتيك 2008 اشتريتها مستعملة من اربع شهور بس وكانت عامله 38 الف ودلوقتى عاملة 43 الف .
اول المشكلة لما تلاتة ركبوا ورا معايا وحسيت ان فى صوت عالى جدا من ورا فى المطبات فرحت لبتاع عفشة قالى المساعدين عايزين يتغيروا والحقيقة انا مستغرب ازاى يتغيروا والعربية عاملة 43 الف بس . المهم فقالى انا هغيرلك كاوتش فوق المساعدين كدا مش العجل.
وبعد كدا قلت اروح برده اكشف على الموضوع ده عند واحد تانى قالى برده لازم المساعدين يتغيروا .
ومن يومين بقى المشاكل ده بدأت :
صوت خبط فظيع وكمان لما ادوس فرامل عند سرعة 60 مثلا الدريكسيون بيحدف ولما اطلع مطب الاقى الدريكسيون بيحدف .فانا توقعت ان المساعدين خلاص باظوا يعنى.
معلش انا طولت عليك جدا بس حاجة اخيرة هى ايه ده البطاحات.

شكرا يا باشا مرة تانية .

معلش سؤال تانى تعرف تكلفة تغيير المساعدين فى التوكيل بكام وهل افضل اركبها فى التوكيل ولا اشترى انا نوع كويس من بره اركبه عند اى واحد بتاع عفشة.

[memo823000]

بص يازعيم
انت ساكن فين عشان هدلك على واحد شغال فى توكيل هيونداى وشاطر مووت هديك تليفونه وهتروحله هيكشفلك من غير فلوس ويقولك العربيه عايزه ايه بالظبط (انا الراجل ده بصين عنده العربيه بقالى حوالى سنه ونصف وبصراحه مشبتاع اشتغالات وكمان فاهم كويس جدا)
لان 43 الف دا مشرقم نهائى
وبعدين الخطوه اللى بعد كدا هنحدد هنجيب ايه ونروح لمين
اوك
السلام عليكم

[samehafez]

انا كمان عندي شغل في العفشة يا ريت حضرتك تبعتلي رقمه و مكانه انا كمان .....
و يا ريت لو تعرف حضرتك اسعار المساعدين عند ارابكوم كام ... ( انا متوقع طبعا غالية جدا )

[memo823000]

بص دا رقمى كلمنى 0103031080
انت رن عليا وانا اكلمك لان عندى العرض ابو جنيه فى اليوم فمتكلفش نفسك
لانى عرفت عفشجى فى الحرفيين جامد موت وتوصله بسهوله وبيعمل تعديل لعفشة الافيو وبيحطلها عفشة الجولف 2 وبسعر رخيص جدا
يعنى مصنعيته كاملة 150 + ثمن 4 مساعدين للجولف 2 استيراد (على فكره بيبعتك لمحل فى الحرفيين انت اللى بتشتريهم مش هو اللى بيجبهوملك بيبعتك لمحل متخصص فى المساعدين الاستيراد فقط لكل انواع العربيات الالمانى يعنى مشبيمصلح عليك واول مقالى كدا احترمته) او تحط المساعدين الكونى
بص كلمنى عشان ندرس الموضوع بالراحه ونوصل لنتيجه كويسه ونستفيد ونفيد المنتدى
اما تغير بالمساعدين الاصلى
او المساعدين الكونى وفيه نوعين (العاديه والاسبورت)
او مساعدين الجولف 2
فشوف انت عايز ايه
اصل انا كنت مع واحد صاحبى كان بيسقط موتور لفيرنا اصل الموتور شيع بعد 270 الف كيلو فسقط واحد استيراد لسه بحالته وعمل كله بالمصنعيه 3500 جنيه
فقولت اعمل لفه هناك واشيك وبسال عايز عفشجى من الاخر عشان كان نفسى من زمان اغير العفشه واركب حاجه المانى فدلونى على واحد هناك انا عارف مكانه كويس بس مع الاسف نسيت اسمه المهم بقوله على الموضوع فقالى انا اقدر اعملك واعملك زى مبقولك
ودى انا عملتها كتير
المهم الناس فى الحرفيين جامدين قوى وبشوف عربيات متعدله هنااااك وههههم
المهم شوف انت عايز ايه وكلمنى
والسلام عليكم

[doc_semsem]

فين ياباشا الميكانيكى بتاع روض الفرج؟؟

[memo823000]

دا رقم الميكانيكى اللى شغال فى هيونداى ابو رواش
اللى فى روض الفرج
0106182426
قوله انا طرف هيثم اللى بتصينلو الافيو الهاتشباك السودا وهو ان شاء الله هيظبتلك العربيه
السلام عليكم

[ahmedsm]

بص يازعيم
انت ساكن فين عشان هدلك على واحد شغال فى توكيل هيونداى وشاطر مووت هديك تليفونه وهتروحله هيكشفلك من غير فلوس ويقولك العربيه عايزه ايه بالظبط (انا الراجل ده بصين عنده العربيه بقالى حوالى سنه ونصف وبصراحه مشبتاع اشتغالات وكمان فاهم كويس جدا)
لان 43 الف دا مشرقم نهائى
وبعدين الخطوه اللى بعد كدا هنحدد هنجيب ايه ونروح لمين
اوك
السلام عليكم

شكرا يا باشا على مجهودك للاسف انا مفتحتش المنتدى من يوم الجمعة فمشوفتش الرد وانا لما سافرت رحت لواحد بتاع عفشة المهم جرب العربية وقالى هنحتاج نغير عمود اتزان وجلبة وقالى فى صوت كدا بس ده من المساعدين بس ينفع تفضل بيهم لمدة سنة حتى مش مشكلة .
المهم برده انا نسيت اقلك ان كان عندى مشكلة فى العربية لما تمشى مثلا على كوبرى اكتوبر بيبقى فى فواصل كدا او على الدائرى لو ختها بسرعة بحس ان الدريكسيون بيحدف منى .
المهم راح مغيرلى عمدو اتزان Stablizer Link وجلبة يمين وشمال طبعا والحاجة ده اشترتها 175 جنيه وخدله 50 وبتاع المخرطة عشان يخرط الجلبة 30 يعنى تقريبا كله 255 .

وعلى فكرة انا فى الهرم برده عشان اعرف مكان الراجل اللى انت بتقولى عليه ده .

شكرا ياباشا مرة تانية .