كروز جابت طرمبه زيت باور

[titooooasg]

السلام عليكم
من اسبوع تقريبا ماشى بالعربيه على 30 تقريبا لقيت الدركسيون تقل نزلت ابص على الكوتشلت مفيهاش مشاكل ركبت لقيت التقل اختفى
امبارح عملت سناك وخمسايه بظبط لقيت الدركسيون تقل جدا واتحولت لشاهين بصيت على زيت الباور لقيته سليم ومفيش تهريب وديتها لميكانيكي قالي جابت طرمبه زيت الدركسيزن قلت ياريت اللى جري ماكان ولا كنت نزلت اصلا
المهم دلوقتى انا عايز اسال عن سعر الطرمبه دى وهل ده يبقى تبع الضمان ولا لا وشكرا

[mmffor]

لو السيارة ضمان توكيل يبقى جهز نفسك لخناقة كبيرة
الطلمبة تبع الضمان 100% بس توكيل منصور حيشهيصك و يشرقك و يغربك و يوديك و يجيبك
حيحاولوا يعملوا اي حاجة اللا انهم يغيروها - حيلزقوها من جوا بامير - و يعملولها وصلة خارجية و حتعيش
ممكن تروح و تيجي 100 مرة و متتغيرش
و ممكن تتغير من اول مرة
منصور زي البطيخة
بس اهم حاجة
متتنازلش عن حقك يا بطل

[titooooasg]

شكرا ياباشا انا هفضل وراهم ويارب مش اتعصب عليهم انا سمعت كتير عن المنصور انت فايد امينه ده

[mhmdalsaadany]

طبعا يا باشا طرمبه الباور داخل الضمان طالما ان العريه داخل الضمان بمعنى انك تكون بتعمل الصيانه الدوريه في ميعادها
وطالما انت مديهم حقهم متتنازلش عن حقك وربنا معاك
وعلى فكره انا كان عندي مشكله في خراطيم الباور كانت العربيه بتعمل صوت زنه كدا وهى وقفه و غيرتها من اول مره من غير ادنى مشكله بس كانت المشكله انهم دفعوني تمن الزيت بتاع الباور عشان لما نزلوا الخراطيم الزيت كله وقع ودي كانت حاجه مديقاني بس بصراحه المهندس هناك طمني وهداني وقالي مش مشكله 35 جنيه احنا مغيرين الخراطيم كلها بالشئ الفلاني خليها عليك انت وعلى فكره فعلا مهندس الضمان معندوش زيوت لانها خارج الضمان ملهاش دعوه خالص
ربنا معاك وتتحل على خير ان شاء الله

[abbadr]

يا باشا أرجوك احكيلي موضوع الزنه ده لأن عندي نفس المشكلة و رحت التوكيل كتير و مفيش فايدة
أنا عندي زنة أو ونه كده و العربية واقفة و كنت من شهرين تقريبا عملت موضوع و سئلت الأعضاء و لكن لم أصل لشئ

[mhmdalsaadany]

بص يا باشا انا حصل معايا الاتي بالظبط
انا لاحظت في الفتره الاخيره ان صوت الموتور علي شويه وبقى فيه زي صوت زنه كدا او ونه مكنتش موجوده خالص الصراحه قبل كدا ولما تحرك الدركسيون حركه خفيفه كدا لأي اتجاه تختفي ولكن لو سبته عدل في مكانه بتسمعها واول ما رحت التوكيل والمهندس قعد في العربيه ودورها مفيش ثواني وقام مبطل العربيه وقالى تمام ماشي عرفت اللى فيه وانا كنت فكره بيهرج بصراحه بس بعد كدا الصوت اختفى خالص فعلا وعرفت انهم غيروا الخراطيم بتاعة الباور
واي استفسار انا تحت امرك

[abbadr]

ألف شكر ليك يا باشا على ردك ... هو حضرتك روحت أي فرع للتوكيل ؟؟ هل الصوت ده و العربية واقفة فقط
و يا ريت بعد اذنك تكلفة الاصلاح لأني خايف تكون العربية بره الضمان لأني بعمل صيانة كل 10000 كم لأني بغير موبيل 1 و كنت بعمل صيانه في توكيل دفرة و هم الي قالوللي عادي تعمل صيانه كل 10000 كم و بعد كده ناس قالوا الكلام ده مش مظبوط و أسف طولت عليك يا باشا
و ألف شكر ليك

[abbadr]

فينك يا باشا

[kamalsalem]

المان شكله راح فجر التوكيل ههههههههههه

انا نازل بكرة اتخانق برضه في التوكيل... ادعولي

[mhmdalsaadany]

معلش والله يا باشا النت كان فيه مشكله كدا بس انا بصراحه مدفعتش غير تمن الزيت حوالى 38 جنيه فقط لا غير عشان انا في الضمان وكان من غير خناق ولا اي حاجه ولا العربيه اتأخرت كمان ولا حاجه والصوت دا اكن والعربيه واقفه ودايره سلانسيه فقط

[mhmdalsaadany]

كمال باشا واحشني جدا والله فينك يا كبير خير طمنى عندك مشكله ولا ايه ربنا معاك وابقى طمنا

[titooooasg]

روحت فرع الهرم وغيرولى سيستم باور كامل ( خزنه باور _ طرمبه باور _ خراطيم وليات الباور _ وزيت الباور) بس دفعت 10 % من التكاليف 860 جنيه
بس مستغرب لون زيت الباور شفاف والخراطيم مش زي اللى كانت قبل كده
المشكله انهم قعدو اسبوع يصلحو فيها....

[titooooasg]

بس فى مشكله ان الدركسيون بقى خفيف زي الالنترا وده مضايقنى جداا

[mhmdalsaadany]

نعم 10 % 860 جنيه ليه هو الاجمالي كام ولا حضرتك دفعت مصنعيه ولا ايه بالضبط معلش انا محتاج توضيح للنقطه دي اصل معنى كدا ان سيستم الباور ب 8600 جنيه ولا ايه معلش دي تبقى كارثه بكل المقايس يا ريت توضيح وشكرا

[titooooasg]

فعلا حضرتك سيستم الباور ب 8600 من غير مصنعيه بالمصنعيه ب 11600 بس مش دفعت مصنعيه
زيت الباور لوحدو ب 600 جنيه خزنه مش فاكر 4000 ولا 4500 اسعار جنونيه