.. عرض خاص لـ شيفروليـــه أوبتــــرا ..

[Bassem Raafat]

جريدة الأهرام بتاريخ 1/5/2011

وبالتحديد صفحة الرياضه صــ 17

عرض خاص عن أسعار خاصه جداً لشيفروليه أوبترا وبكام ؟!!

90500 جنيـه

والعرض سارى حتى نهاية شهر مايو أو نفاذ الكمية

حد يا شباب عنده أى معلومات ليه السعر قل كده ، هل مجرد عرض خاص ؟! أو دى تصفيه لموديلات 2010 مثلاً ؟! أو عربيات (test drive) ؟!

[ecybrarian]

ستوك يا معلم

[mido]

علشان يضربو عرض هيونداى

[Dr_ahmedrady]

يعنى ايه عربيات تست درايف؟؟؟

[Bassem Raafat]

ستوك يا معلم

كنت حاسس يا دكتور : ))

علشان يضربو عرض هيونداى

هو إيه عرض هيونداى يا باشا ؟!!

يعنى ايه عربيات تست درايف؟؟؟

يعنى يا دكتور فى توكيلات بتحط عربيه للتجربه فى صالات عرضها علشان اللى يحب يشترى يعمل عليها تجربة قياده ، بس معرفش منصور بيعمل كده ولا لأ .

[engaass]

عشان عرض هيونداى اللى هو تخفيض 5000 جنيه على الشكل القديم من الالنترا لان الشكل الجديد هيبدأ الحجز فيه نص مايو الحالى

[Ahmed_Ezz]

انا سالت العربيات ديه عادى 2011 جديدة طازة يعنى :d:d مش ستوك و االه اعلم

[can_be]

بس يا شباب انا سالت والعرض ده على المانول بس

[MISS_MONA]

طيب منصور مش عامل عروض على سبارك

[ahmedaglan]

هو اكيد عرض زى الي معمول علي هيونداي النترا علشان المركب تمشي

[Bassem Raafat]

انا سالت العربيات ديه عادى 2011 جديدة طازة يعنى :d:d مش ستوك و الله اعلم

بس يا شباب انا سالت والعرض ده على المانول بس

فعلاً أنا كلمت المبيعات ( 16424 ) وقالولى إنها 2011 ومانيوال بس ، ولسه الأوتوماتيك بـ 101500 جنيه .

طيب منصور مش عامل عروض على سبارك

للأسف لأ ، بس يا رب يعملوا على السبارك عروض كتير علشان نفرحلك بقى .

هو اكيد عرض زى الي معمول علي هيونداي النترا علشان المركب تمشي

بس يا أبو حميد الهيونداى عملولها العرض ده علشان فى شكل جديد نازل فى مايو ، لكن الأوبترا متغيرش شكلها لغاية دلوقتى ، فمش محتاجه التخفيض ، الظاهر إن ما فيش إقبال على المانيوال وعلشان كده إتعمل التخفيض ده والله أعلم .

[bayoumisoft]

كانوا يكملوها ويعملو العرض ده على الاوتوماتيك كمان

[Bassem Raafat]

كانوا يكملوها ويعملو العرض ده على الاوتوماتيك كمان

كانت تبقى جامده ، وحيلاقوا أكيد إقبال .

[arakysolom]

قدر الله و ماشاء فعل
انا كنت عايز ابيع و السعر العالي شغال عشان استفيد بتقليل الخسارة بس الظاهر مفيش نصيب
انا اللي عارفه ان اخر موديل للوبترا 2011 وكان ممكن منصور يستفيد بالجزئية دي و يثبت علي السعر لغاية متخلص الكمية اللي عنده
سياسة تسويقية غريبة

[ahmedaglan]

انا بقترح ان سبب اي عروض دلوقتى بسبب الركود ودة نتيجة القرار الغريب بعدم وضع الحذر علي الرخصة ودة مسبب رعب للبنوك وشركات تمويل السيارات
ودة سبب كافي والله اعلم