تعديل كاسيت الابترا

[almosecar]

السلام عليكم يا احلى منتدى و احلى اعضاء
لقد قمت بتغيير كاسيت الاوبتر و حطيت مكانه كاسيت بايونير dvd دبل و كانت النتيجه رائعه و الصوت اصبح احسن من الاولا بكتير اضافه الى الفديوهات و الشاشه طبها تاتش و تقدر تحط الخلفيه اللى انت عاوزها و ابشنات كتير و قد عملت موضوع عن الكاسيت مفصل فى قسم الصوتيات فحبيت اشارككم فى قسم الاوبتر اللى احىى فيه الاعضاء على جهودهم و تعبهم لجمع جميع المعلومات اللى تخص الاوبتر و شاكرين جدا لمجهوداتكم و ده رابط الموضوع و الصور و مستنى رايكم

http://www.nilemotors.net/Nile/219543-dvd.html

[ecybrarian]

الف مبروك..الكاست الجديد دا جبار ما شاء الله..هو الكاسيت الفابريقة كان دبل دن برضة ولا الكاسيت..اصل في كاسيت بينزل مع الاوبترا دبل دن وبيشغل Mp3 من السي دي

[almosecar]

الله يبارك فيك بلنسبه لكاسيت الاوبترا هو كان دبل برده بس للاسف الشديد و ده اعتبره عيب ان كاسيت الاوبتر بيشغل شرايط بس يعنى لا فيه اسطوانات ولا يو اس بى ولا اى حاجه غير الشرايط و الراديو انا مش عارف مش عاوزين يطوروا الكاسيت ليه على العموم شكرا لردك و نورت الموضوع

[Bassem Raafat]

الف مبروك يا باشا ، وتسلم إيدك على نقل التجربه .

[abou-yahia]

مبروك
خطوتي القادمه بأذن الله

[fawzyyyy]

الف مبروك ما شاء الله تحفة

[aymanmaly]

ما شاء الله
فعلا الكاست رائع ربنا يبارك لك فية
بس سؤال
وانت بتختار الكاست مكنش فية حاجة فيها gps ؟

[ecybrarian]

على فكرة لو عايز تخلص من الكاسيت القديم بسعر معقول انا هاشتريه..الفكرة إن كاست سبارك وحش شكلا ومضمونا..والكاسيت القديم بتاع حضرتك مش وحش شكلا :-)) فعلى اساس إن مافيش ميزانية حاليا لكاسيت لسباركي، فقلت نحسن الشكل شوية

[ahmedaglan]

ماشاء الله
ربنا يبركلك فية

[almosecar]

الله يبارك فيكم جميعا و بلنسبه للاخ ايمن عن سؤاله عن الجى بى اس و انا بدور على الكاسيت فعلا لقيت كاسيت دبل فيه gps و بسعر اقل من السعر اللى انا واخده لقيته عند فديو باص اللى فى مدينه نصر و بسعر 2250 بس للاسف شكله مش حلو و الشاشه اصغر شويه وصناعته صينى و بعدين انا مش محتاج ال gps ففضلت البايونير على الاقل نوع محترم بس بدروله على وحده بلوتوث يا ريت اللى يعرف بيتباع فين يقولى . و بلنسبه للاخ ecybrarian و الله الكاسيت اودهولك لغايه عندك بس الفكره انى مفكرتش ابيعه بلوقت الحالى خوفا لقدر الله لو اتسرق الكاسيت الاقى بديل له و اركبه مكانه بس اوعدك لو فكرت ابيعه هديلك خبر و لو فكرت انت تشتريه يعنى فى حدود كام لانى معرفش سعره بصراحه

[jep2050]

السلام عليكم
انا عندى كاسيت اوبترا 2010 فابريكه لم يستعمل للبيع كاسيت دبل للاستعلام يرجى الاتصال على 0102765553

[almosecar]

ان شاء الله يتباع باحلى سعر بس علشان الاعضاء يعرفوا قول السعر دى حاجه و الحاجه التانيه انت حطيت مكان الكاسيت كاسيت نوعه ايه

[jep2050]

والله ياباشا مش حتفرق ممكن اى حد يتصل ونتفق فى التلفون ,وانا ركبت كاسيتjvc يادوب فيه سى دى و يو اس بى وزى الفل فرق فى صوت العربيه الحمد لله وشويه وناوى اجيب سماعتين حلوين اركبهم فى الطابلوه ورا