أنا محتار لو سمحتو ساعدوني

[moro14]

أنا محتار لو سمحتو ساعدوني


أنا بإذن الله ناوي اشتري عربية جديدة يا رب ، بس بصراحة أنا محتار ما بين كذا حاجة ، و كنت عايز من سعادتكم تسعدني بعد إذنكوا و أنا ناوي ادفع 60,000 مقدم


أنا محتار ما بين الآتي:
كيا سيرتو هاي لاين 2011 حوالي 137 ( من برة ممتازة و فيها اوبشن كتيرة بس خايف من مشكلة العفشة الصلبة علشان جنت ال-17 )
MAZDA03 حوالي 151 (بس بسمع ديماً كتير إن المازدا وحشة و قطع الغيار غالية و كمان ال-re seel بتاعها وحش )
اكسنت RB 114 ( الناس لسة مش مجربها و كمان سمعت إن الصاج بتاعها خفيف و ضيقة من جوة )

شفرليت كروز 151
HONDA سيفك 158 (بس عيبها إن قطع الغيار غالية دة بلاضافة انها مشbase only high line )
أرجو الافادة يا شباب ،
و ربنا يجزيكم خير يا رب
مستني ردودكم ،
شكرا

[Bassem Raafat]

أنا محتار لو سمحتو ساعدوني


أنا بإذن الله ناوي اشتري عربية جديدة يا رب ، بس بصراحة أنا محتار ما بين كذا حاجة ، و كنت عايز من سعادتكم تسعدني بعد إذنكوا و أنا ناوي ادفع 60,000 مقدم


أنا محتار ما بين الآتي:
كيا سيرتو هاي لاين 2011 حوالي 137 ( من برة ممتازة و فيها اوبشن كتيرة بس خايف من مشكلة العفشة الصلبة علشان جنت ال-17 )

لو المشكله فى العفشه بس ، ممكن تجيب فئه أقل بجنط 16 أو تغير إنت الجنوط .

MAZDA03 حوالي 151 (بس بسمع ديماً كتير إن المازدا وحشة و قطع الغيار غالية و كمان ال-re seel بتاعها وحش )

المازدا مش وحشه ، بس فعلاً قطع الغيار غاليه وإعادة البيع مش فى صالحها .

اكسنت RB 114 ( الناس لسة مش مجربها و كمان سمعت إن الصاج بتاعها خفيف و ضيقة من جوة )

ضيقه جداً ، وبصراحه مافيش فيها وجه مقارنة بالعربيات التانيه اللى انت كاتبها .

شفرليت كروز 151

طبعاً أرشحالك .

HONDA سيفك 158 (بس عيبها إن قطع الغيار غالية دة بلاضافة انها مشbase only high line )

ممتازه جدا جدا بس قطع غيار نـــــــــــــار .

أرجو الافادة يا شباب ،
و ربنا يجزيكم خير يا رب
مستني ردودكم ،
شكرا
بالتوفيق

[Usama Nagi]

فعلا انا شايف ان اكسنت ار بي فئة اقل و اصغر من الباقي

الكيا سيراتو موتور قوي و فتيس جيد 6 سرعات و اوبشن رهيب بس الشكوي الرئيسية منها خشونة العفشة

الكروز عربية حلوة و ثبات عالي و ديزاين جميل من الداخل و الخارج بس عيبها الوحيد هو الموتور ضعيف عليها شوية "107 حصان فقط"

المازدا عربية حلوة جدا بس عيبها حجمها اصغر من الكروز و السيراتو و لسه ما شدتش حيلها في مصر من توكيل و غيره

الهوندا عربية تحفة و توكبل ممتاز بس عيبها انها واطية علي الأرض مش مناسبة للشوارع المدغدغة

لو معظم مشيك بالعربية في طرق نظيفة ارشحلك الهوندا ثم الكروز ثم السيراتو

لو مشي عادي يبقي الكروز ثم السيراتو

[ahmedaglan]

ارشحلك الكروز وبقوة
وهما كلمتين ابرك من عشرة
عربية زى المانجة العويسي

[ahmedaglan]

طبعا برشحلك الكروز
اولا فخامة
ثانيا شبابية وعائلية
ثالثا توكيل كبير
رابعا امكانيات كتير
خامسا قطع غير سعرها لا غالي ولا رخيص في المتوسط
سادسا اعادة بيع كويسة
سابعا عربية راسية علي الطريق
وسيبك من ان الموتور صعيف علي البودى
احنا اساسا مبنجريش واخرك 60 جوة البلد و120 او 140 بالكتير لو سفرت
وبالتوفيق

[titooooasg]

الكروز تحفه فنيه والموتور الضعيف هيفرق فالتسارع بس لكن عالطريق بتفتح انا كنت ماشى بيها على 200 على طريق الساحل وكانت مكلبشه فالارض بس خلى بالك بتاكل البنزين اكل والبتوفيق ان شاء الله

[Ahmed_Ezz]

فى راى الكروز ممتااازة ان شاء الله

[AymanH]

أنا أرشح الكروز ، توكل علي الله فهي عربية ممتازة وفخمة وأكثر أمان وثبات علي الطريق

[moro14]

Thanks all for your time and your consideration

[apoelele2011]

خليك فى الافيو احسن عربية جميلة ولا هيا كبيرة ولا صغيرة وسعرها معقول ده راى وربنا يوفقك

[eng_sherif_00]

ان ارشح ليك الكروز طبعا انا شايف انها افضل اختيار فيهم وياسلام لو حضرتك تقدر تجيب الدايو لاسيتى(الكروز بس دايو) بالموتور الايكوتك 121 حصان وكماليات اكتر بكتير انا فاكر ان سمير ريان هوه اللى كان منزلها خليجى يعنى وكانت بسعر 150 الف تقريبا بس المشكله انها من غير ضمان بس حقيقى تحفة واجمل واقوى من الكروز الشيفروليه