انا ركبت عازل حراري في شيفرولية سبارك (بالصور)

[ecybrarian]

ربنا وفقني وعرفت اركب عازل حراري في سباركي. الفكرة إن سبارك عندي اهم من الميجان علشان الأولاد في اغلب الوقت بيركبوا سبارك..دا غير إن الميجان زجاجها غامق وفيها ستائر خلفية على الشبابيك والزجاج الخلفي..والمشكلة الاكبر كانت في الواد يزيد..علشان البيه قاعد في الكرسي بتاعة على الكنبة طبعا متكتف ومش هايعرف يبعد عن الشمس والموضوع دا كان هايعمله مشكلة كبيرة قبل كدا لكن الله سلم..وكان شرطي الأهم في العازل إنه يكون بأعلى درجة شفافية علشان اشتغلات المرور..المهم إليكم تفاصيل المهمة الشاقة:

تركيب العازل طلع حاجة مش سهلة ابدا (مش انا إللي ركبته طبعا) وبتاخد وقت كمان

-تركيب الزجاج الأمامي
قياس وقطع العازل:


شد وفرد العازل



شد وتجهيز العازل من داخل العربية للتركيب



فرد ولزق العازل على الزجاج من الداخل




- تركيب الزجاج الخلفي (الخطوة الأخيرة):



- تركيب الزجاج على الشبابيك يجتاج فك لباكيتات الأبواب


- صور سباركي من الخارج:


مين الراجل إللي واقف ورا سباركي؟!!!






- صور للزجاج الأمامي من داخل العربية:



- صورة من زجاج الشبابيك من الداخل







والله الموفق والمستعان..ويجعله عامر

تم الاضافة الى موضوع ( اهم مواضيع سبارك لاهميتة )
مشرف 20 ب

[Dr_ahmedrady]

الف مبرووك عليك و على يزيد ربنا يخليهولك

التركيب اخد وقت اد ايه ؟
و التكلفة كام؟

[Frozen_Pain]

سؤال تانى فعلا بتحس بفرق فى الحرارة قبل التركيب وبعد التركيب؟

ولو حبيت تشيله بعد كده بيسيب أثار مكانه؟

[ecybrarian]

بارك الله فيك يا دوكتور..خد بتاع اربع ساعات!!!! بس ما تحسش بهم. بيعدوا هوا..تحس بعد كدا بقى لما تروح وتلاقي رجليك واجعاك :-)))) النكلفة 1350 جنيه. بس خلاص مش هاقدر اقول اكتر من كدا علشان مايبقاش إعلان. كان في حوار بيني وبين باسم والفرسان امبارح لف لي دماغي لدرجة إني كلمت الراجل وقلت له في انواع امريكاني مضروبة في تايوان وكدا فراجل وراني شهادة المنشأ وعملي تخفيض علشان (مش عارف ايه كدا) العربية ماخدتش امتار كتير!!!..بنت حلال سباركي دي..انا كنت متفق معاه اصلا على 1500..بس انا قلت له لو عملت العربية التانية (ميجان) هاعملها بنفس السعر (بلطجة كدا)

[tahaderaz]

جميل جدا واللون شفاف فعلا بس أخبار الحرارة أيه والناس محتاجة تعرف التكلفة كام

[ahmedaglan]

الف الف مبروك يادكتور
بصراحة شغل زى المانجة العويسي

[Bassem Raafat]

مبروك يا دكتور ، ومبروك على سباركى ، وطبعاً مليون مبروك للباشمهندس يزيد : ))

[foxpowerdesign]

الف مبروك يا دكتور و جميل
و تقرير جميل و فى انتظار القادم ان شاء الله

[ecybrarian]

الله يبارك فيكم جميعا

سؤال تانى فعلا بتحس بفرق فى الحرارة قبل التركيب وبعد التركيب؟
ولو حبيت تشيله بعد كده بيسيب أثار مكانه؟

فارق جدا في الحرارة والتكييف..التكييف بقى بيشتغل على 1 او 2 بالكتير..اما عن الحرارة فعارف لسعة الشمس إللي بتبقى على ايد الواحد واحيانا على رجله!! اللسعة دي ماتحسش بها..دا مبدائيا..لسه لما اجرب العربية فترة اطول هابقى اضيف تقييم اشمل إن شاء الله

جميل جدا واللون شفاف فعلا بس أخبار الحرارة أيه والناس محتاجة تعرف التكلفة كام

التكلفة 1350..التقييم المبدئي فوق الاقتباس يا باشا

الف الف مبروك يادكتور بصراحة شغل زى المانجة العويسي

نفسي موسم المانجا يجي بقى..انت فتحت نفسي على المانجا

مبروك يا دكتور ، ومبروك على سباركى ، وطبعاً مليون مبروك للباشمهندس يزيد : ))

الله يبارك فيك يا بسوم..بصراحة مناقشتنا امبارح كان لها اثر كبير جدا في الكلام مع الراجل النهاردا..انا شاكر لك ولنصيحتك

الف مبروك يا دكتور و جميل و تقرير جميل و فى انتظار القادم ان شاء الله

ياعم احنا تقريرنا فنية Technical مش ابداعية زيك يا فنان

[foxpowerdesign]

شكرا جدا يا دكتور و فى انتظار القادم من سبارك

[mario_9111]

مبرررررررررررررررررررررووووووووووووووووووووووووووو وووووووووووووك

[basemsaeed]

مبروك يا دكتور

[party_0000]

على البركه

[fawzyyyy]

الف مبرووووووووووووووك يا دكتووور

كدة زقردة حتغيير من سباركي.....:-)))
ما شاء الله ربنا يباركلك فيها.....الواحد نفسه يعمله والله.....بس اما اخلص و اشتغل الاول....:-))

[ashouhdy]

المهم النتيجة ؟؟؟ فى فرق وتنصح بة ولا