الكاوتش بيدب مع كل لفه

[titooooasg]

من ساعه ما الباور بتاع الدركسيون باظ ورحت التوكيل وصلحتو
الكاوتش بيقعد يدب مع كل لفه وبتبان فالسرعات القليله فتشت الكاوتشات كلها على ظلطه محشوره ولا حاجه ملقيتش حاجه وحاولت اركز انهو كاوتش حتى مش عارف فى واحد قالى الكاوتش ممكن يكون مخبوط فراصيف بس مش مقتنع حد حصل معاه الموضوع ده ولا ايه

[Typerr]

عربيه كلها مشاكل

[نينو]

اعمل ترصيص للعجل ولو الكاوتش في حاجة بيتهيالي هيبان علي الجهاز

[titooooasg]

عربيه كلها مشاكل

فعلا العربيه سيئه وجدا انا كنت محتار اجبها ولا اجيب شاهين وللاسف اخترت الكروز

[titooooasg]

اعمل ترصيص للعجل ولو الكاوتش في حاجة بيتهيالي هيبان علي الجهاز

شكرا استاذ تيتو مفكرتش فده فعلا هشوف واكتب اللي تم ان شاء الله

[Typerr]

فعلا العربيه سيئه وجدا انا كنت محتار اجبها ولا اجيب شاهين وللاسف اخترت الكروز

شكلك زعلت متزعلش مني
انا فعلن بكره منصور لاني كان ليا تجربه معاه عمي كان معاه عربيه شيفروليه اوبترا وعذبوه عذاب السنين
وعربيه غاليه
ونفس المشكله مع الكروز
وبيقول منصور انت في ايد امينه
وعلشان تعرف انها فيها مشاكل كتير
ارجع ورا في المنتدي هتلاقي الناس بتشتكي منها كتير جدا

[eng.m7md.ali]

ممكن يكون نقشة الكاوتش متركبة غلط على الجنوط؟

[A.Saad]

حاول تشوف النقشات كلها
نفس الارتفاع ولا فيه واحد منهم اقل
وبعد كدة يستحسن تشوف الجنوط فيها خبطة من جوة ولا حاجة ده لو كنت خبطت فى حاجة تسبب كدة
فيه تجربة بس مزعجة علشان تعرف اى فرده
بدل فرده بالاستبن وجرب
وبعدين انقل الاستبن مكان فرده تانية وهكذا
بس علم الاستبن علشان ما يتلخبطش

[titooooasg]

ممكن يكون نقشة الكاوتش متركبة غلط على الجنوط؟

لا حضرتك انا مغيرتش الكاوتش لسه حتى لسه بالكاوتش اللي جايه بيه

[titooooasg]

شكلك زعلت متزعلش مني
انا فعلن بكره منصور لاني كان ليا تجربه معاه عمي كان معاه عربيه شيفروليه اوبترا وعذبوه عذاب السنين
وعربيه غاليه
ونفس المشكله مع الكروز
وبيقول منصور انت في ايد امينه
وعلشان تعرف انها فيها مشاكل كتير
ارجع ورا في المنتدي هتلاقي الناس بتشتكي منها كتير جدا

لا حضرتك ان شاء الله مفيش زعل ولا حاجه
انا كنت عايز اقول بس ان المشاكل اللى بانت هيا
1_ عيب التبطيل وده ظهر فاول دفعه السيارات المانيوال فقط
2_ الازاز المش كهربا الخلفى موديل 2009 فقط
3_ مشكله الباور بتاعتى كانت بسببي ( امركه وسناكات للاسف)
4_ المنصور طلعو رجاله ودفعونى 10 % من تكلفه التصليح 8600 جنيه تقريبا تمن زيت الباور بس
5_ انا مش بكره السيراتو ابدا بس كل عربيه ليها حدود مش ينفع نهاجم الكروز عشان بنحب السيراتو

[vjack]

ممكن يكون عيب في البلف, فـمع كل لفة لما الجزء الداخلي للبلف هي اللي تكون على الأرض تعمل الصوت ده, ده حصل معايا قبل كده
ملحوظة : مش شرط يكون البلف بينفس بشكل ملحوظ لو فيه المشكلة دي

[titooooasg]

حاول تشوف النقشات كلها
نفس الارتفاع ولا فيه واحد منهم اقل
وبعد كدة يستحسن تشوف الجنوط فيها خبطة من جوة ولا حاجة ده لو كنت خبطت فى حاجة تسبب كدة
فيه تجربة بس مزعجة علشان تعرف اى فرده
بدل فرده بالاستبن وجرب
وبعدين انقل الاستبن مكان فرده تانية وهكذا
بس علم الاستبن علشان ما يتلخبطش

شكرا على الحل الجميل وربنا معايا الجمعه الجايه بقي فالحرب دي

[titooooasg]

ممكن يكون عيب في البلف, فـمع كل لفة لما الجزء الداخلي للبلف هي اللي تكون على الأرض تعمل الصوت ده, ده حصل معايا قبل كده
ملحوظة : مش شرط يكون البلف بينفس بشكل ملحوظ لو فيه المشكلة دي

انا هفك الكاوتشات واشوف من جوا افضل
وشكرا لردك

[vjack]

3_ مشكله الباور بتاعتى كانت بسببي ( امركه وسناكات للاسف)

ارجح لحضرتك مشكلة تانية
لو كنت شديت الهاند وعملت بالعربية خمساية أو دريفتاية على أرض ناشفة والعجل اللي ورا كان متوقف تماما هتلاقي جزء خفيف متاكل من العاجل الخلفي وخلا الدايرة مش مظبوطة الدوران

[vjack]

انا هفك الكاوتشات واشوف من جوا افضل
وشكرا لردك

عفوا ياباشا
بس باقولك إنت مش محتاج تفك العجل عشان تشوف
إنت بس امسك كل بلف وحركه يمين وشمال وجوة وبرة جامد وبص عليه كويس لو هو مشرخ هيبان معاك على طول