شوية اسالة واقتراح

[Dr_ahmedrady]

نبدأ بالاقتراح

سعات كتير بيكون فى استفسارات صغيرة و كتيرة و مش مستاهلة يتعملها موضوع منفصل و اول رد من كلمة واحدة يخلصه
فانا بقترح نعمل موضوع متجدد مثبت عن الاستفسارات اليومية
كلنا نسال و كلنا نجاوب
حاجة كدة تبقى زى الشات

بس ده هيكون للاستفسارات بس
عشان محدش يقولى فى موضوع مثبت بتاع تهييس الفرسان
ولو ربنا وفقنا و نجحنا ف حوار الموضوع ده هيكون شعارنا لا للفتى
الى يعرف يقول
واللى ميعرفش مايحاولش يقترح
او عالاقل يقول انا مش واثق ف كلامى بنسبة كبيرة


نيجى بقى لاستفساراتى

1- واحد زميلى قالى ان الطفاية لازم تبقى معاك ف كابينة القيادة
مينفعش تسيبها ف الشنطة ورا
وفيها غرامة

ما مدى صحة الكلام ده؟؟



2- الاقى فين مكان الكود بتاع اوبترتى
vin code
تحت القزاز الامامى عالتابلوه فى مكان مسمارين كدة
بس مفيش حديدة بينهم اللى هى بيتكتب عليها الفين كود


3- عاوز تفاصيل حوار التوكيل الادارى بتاع العربية ده
لان العربية بتاعة والدى وانا هسوقها كتيير
وسمعت ان فى توكيل من الوالد ليا بالقيادة و يتسجل ف الشهر العقارى

ده ازاى؟؟

و كمان عاوزين نعمل توكيل اللى يخلينى اخلص كل ورق المرور و الرخص بدل والدى
ده اسمه ايه ؟؟ و يتعمل ازاى برضه؟؟


4- ركبت انهاردة افيو بس من نوع خاص
جايباها شركة نوفارتس لمناديبها
افيو هاف اوبشن
فيها ايه بى اس
2اير باج
و كار كيت

قالولى انهم متعاقدين مع منصور بيعملهم مخصوص
كورى بالكماليات دى

انا بقى عجبنى الكار كيت ده
عبارة عن جهاز بلوتوث ف التابلوه ومايك عند المرايا
بحيث انك تحكى من غير ما تلمس اى حاجة
حد عنده اى معلومات؟؟

وهل الحجات اللى زى كدة (الشاشة المرايا )
بيبقى فيها لعب ف ضفيرة الكهربا؟؟



معلش طولت عليكو
ف رعاية الله

[aymanmaly]

نبدأ بالاقتراح

سعات كتير بيكون فى استفسارات صغيرة و كتيرة و مش مستاهلة يتعملها موضوع منفصل و اول رد من كلمة واحدة يخلصه
فانا بقترح نعمل موضوع متجدد مثبت عن الاستفسارات اليومية
كلنا نسال و كلنا نجاوب
حاجة كدة تبقى زى الشات

بس ده هيكون للاستفسارات بس
عشان محدش يقولى فى موضوع مثبت بتاع تهييس الفرسان
ولو ربنا وفقنا و نجحنا ف حوار الموضوع ده هيكون شعارنا لا للفتى
الى يعرف يقول
واللى ميعرفش مايحاولش يقترح
او عالاقل يقول انا مش واثق ف كلامى بنسبة كبيرة

لو الفرسان موافقين انا معاكم
بس احنا لو لمينا مواضيعك هانوصل للى عيزينة يا باشا :-)))
و دة الى عاجبنى فيك انك بتتأكد من كل حاجة و كل صغبرة و كبيرة


نيجى بقى لاستفساراتى
انت تأمر

1- واحد زميلى قالى ان الطفاية لازم تبقى معاك ف كابينة القيادة
مينفعش تسيبها ف الشنطة ورا
وفيها غرامة

ما مدى صحة الكلام ده؟؟

حسب قانون المرور الطفاية لازم تكون فى متناول يد السائق يعنى جنب ايدك تقدر توصلها فى اي وقت
بس على مدي سواقة لاكثر من 25 سنة بكثير ( مش عايز اقول علشان مافضحش نفسي ) محدش سألنى على تواجد الطفاية

2- الاقى فين مكان الكود بتاع اوبترتى
vin code
تحت القزاز الامامى عالتابلوه فى مكان مسمارين كدة
بس مفيش حديدة بينهم اللى هى بيتكتب عليها الفين كود

الحتة الى حضرتك بتقول عليها فاضية كدة فى كل الاوبترا انا عن نفسي ماعرفش الكود بتاعى :-) بس هاتعمل بية اية ؟

3- عاوز تفاصيل حوار التوكيل الادارى بتاع العربية ده
لان العربية بتاعة والدى وانا هسوقها كتيير
وسمعت ان فى توكيل من الوالد ليا بالقيادة و يتسجل ف الشهر العقارى

ده ازاى؟؟

و كمان عاوزين نعمل توكيل اللى يخلينى اخلص كل ورق المرور و الرخص بدل والدى
ده اسمه ايه ؟؟ و يتعمل ازاى برضه؟؟

دة توكيل يكتب فية
الادارة و التعامل مع المرور و التعامل مع نيابة المرور و تجديديد الترخيص و استلام الرخصة قيادة السيارة )وبيتعمل فى الشهر العقارى

4- ركبت انهاردة افيو بس من نوع خاص
جايباها شركة نوفارتس لمناديبها
افيو هاف اوبشن
فيها ايه بى اس
2اير باج
و كار كيت

قالولى انهم متعاقدين مع منصور بيعملهم مخصوص
كورى بالكماليات دى

انا بقى عجبنى الكار كيت ده
عبارة عن جهاز بلوتوث ف التابلوه ومايك عند المرايا
بحيث انك تحكى من غير ما تلمس اى حاجة
حد عنده اى معلومات؟؟

وهل الحجات اللى زى كدة (الشاشة المرايا )
بيبقى فيها لعب ف ضفيرة الكهربا؟؟

المشكلة فى الكماليات دى ان تركيبها يلغى ضمان الكهرباء بتاعة العربية
لكن موجودة
و الكار كيت فية نوع فى راديو شاك فى حدود 450 ج مابيخدش من الضفيرة لانة بيتشحن زي الموبايل و بة السماعة بتاعتة
بس انا عن نفسي بوصل الموبايل بوصلة aux فى الكاسيت و كدة تمام
او سماعة بلوتوث

معلش طولت عليكم
يا راجل طول ولايهمك
يجعلة عامر
ف رعاية الله

[mohamedfakes]

كنت عايز اعرف :
المفروض ان شفروليه امريكى
هل اللى عندنا فى مصر كله كروى ؟
ولا سبارك بس هى اللى كورى ؟
ولا اسبارك امريكى ؟
علشان الاقاويل كترت فى الموضوع دا و مش عارف ايه الصح .....

اه كنت هنسى

لو هروح اجيب اسبارك ( او اى عربية ) من الوكيل ممكن اقولة يزود فيها حاجات مش موجودة اصلا ( زى مثلا باور او مفتاح ريموت او فتحة سقف ) او ينفع اشيل منها حاجة و يقلل التكلفة شوية ( الكاسيت مثلا )
و لو ينفع التكلفة تكون عاملة ازاى و ايه الاجراءات ؟

و لو جبت عربية بالقسط الضمان بيروح عليها ولا لا ( و لو لا ليه لازم أأمن عليها فى حين ان اللى بيجيب عربية كاش مش محتاج يأمن فى فترة الضمان )

معلش فى سوال كمان سريع كده .......
بالنسبة للفاميه سمعت انه ممكن تضيفه على الرخصة و يكون قانونى ( طبعا الدرجات الاولى مش الاسود قوى ما علينا ) ازاى اعمل كده علشان سمعت برضو ان الضباط و هو بيفحص العربية لو لاقه بيقولك شيلة
و لو ينفع ايه الاجراءات ( ولا لازم يكون الازاز نفسه فاميه زى العربيات النضيفة مش روقة تلزقها معلش عايز توضيح فى الحته دى علشان مش فاهمها خالص )
و النور الزينون كمان نفس حكاية الفاميه ولا ايه ؟


سورى طولت عليكم ( بصراحة السبارك دى داخلة دماغى قوى )

[aymanmaly]

كنت عايز اعرف :
المفروض ان شفروليه امريكى
هل اللى عندنا فى مصر كله كروى ؟
نعم كورى ما عادا الافيو فية منها كورى و منها تقفيل مصري
ولا سبارك بس هى اللى كورى ؟
ولا اسبارك امريكى ؟
علشان الاقاويل كترت فى الموضوع دا و مش عارف ايه الصح .....
الاسبارك استيراد منصور كورى
اه كنت هنسى

لو هروح اجيب اسبارك ( او اى عربية ) من الوكيل ممكن اقولة يزود فيها حاجات مش موجودة اصلا ( زى مثلا باور او مفتاح ريموت او فتحة سقف ) او ينفع اشيل منها حاجة و يقلل التكلفة شوية ( الكاسيت مثلا )
و لو ينفع التكلفة تكون عاملة ازاى و ايه الاجراءات ؟
ما ينفعش تزود حاجة والا الضمان يتلغى و خصوصا فى منصور

و لو جبت عربية بالقسط الضمان بيروح عليها ولا لا ( و لو لا ليه لازم أأمن عليها فى حين ان اللى بيجيب عربية كاش مش محتاج يأمن فى فترة الضمان )
الضمان مابيتلغيش فى حالة التقسيط
التامين علشان القسط دة علشان لاقدر الله فى حالة الحوادث حد يدفع ثمن العربية و دة اجراء مالوش علاقة بالضمان

معلش فى سوال كمان سريع كده .......
بالنسبة للفاميه سمعت انه ممكن تضيفه على الرخصة و يكون قانونى ( طبعا الدرجات الاولى مش الاسود قوى ما علينا ) ازاى اعمل كده علشان سمعت برضو ان الضباط و هو بيفحص العربية لو لاقه بيقولك شيلة
و لو ينفع ايه الاجراءات ( ولا لازم يكون الازاز نفسه فاميه زى العربيات النضيفة مش روقة تلزقها معلش عايز توضيح فى الحته دى علشان مش فاهمها خالص )
فية عربيات الافراج الجمركى طالع زجاج فامية دة الى ينفع يتثبت على الرخصة غير كدة ممنوع
و النور الزينون كمان نفس حكاية الفاميه ولا ايه ؟
نفس الحكاية


سورى طولت عليكم ( بصراحة السبارك دى داخلة دماغى قوى )
يا فندم حضرتك تأمر طول ولا يهمك ( الاسبارك عربية محترمة جدا )
بالتوفيق فى القرار السليم

[Dr_ahmedrady]

متشكر جدا يا ايمن بيه
والله انت بقيت الاب الروحى ليا ف نايل موتورز
ربنا يخليك لينا

من هنا و رايح هقولك يا خال


ف رعاية الله

[aymanmaly]

متشكر جدا يا ايمن بيه
والله انت بقيت الاب الروحى ليا ف نايل موتورز
ربنا يخليك لينا

من هنا و رايح هقولك يا خال


ف رعاية الله

دة شرف لية

[MIGOS]

يا خال حكاية الفيميه بيتعمل كالاتي:
1- تشوف واسطه في النيابه وهوا هيتصرف (الناس مفرقتش معاها الثوره)
2- الحل الثاني تروح التوكيل وتركب زجاج فيميه أصلي وتاخد ورقه من التوكيل تثبت فيها الكلام ده وتروح على المرور ترخص وتدفع الضريبه الخاصه بكده
3- الحل الثالث تركبه عافيه وتمشي بيه عافيه وتجهز فلوس لكل كمين ترش رشه

[Dr_ahmedrady]

يا خال حكاية الفيميه بيتعمل كالاتي:
1- تشوف واسطه في النيابه وهوا هيتصرف (الناس مفرقتش معاها الثوره)
2- الحل الثاني تروح التوكيل وتركب زجاج فيميه أصلي وتاخد ورقه من التوكيل تثبت فيها الكلام ده وتروح على المرور ترخص وتدفع الضريبه الخاصه بكده
3- الحل الثالث تركبه عافيه وتمشي بيه عافيه وتجهز فلوس لكل كمين ترش رشه

اعترض و بشدة على استخدام كلمة خال
اين حقوق الملكية الفكرية؟؟

ولكنى ساتغاضى عمن يستخدمها واصفا الحاج ايمن ولا احدا سواه
هذا للعلم والاحاطة
ولله الامر من قبل ومن بعد
وقدر الله وما شاء فعل
وحسبى الله و نعم الوكيل
وانا لله وانا اليه راجعون
ولا اله الا الله محمد رسول الله
بس كدة عشان حاسس نفسى افورت ههههههه

[aymanmaly]

هاهاها
بجد جامدة يا شيخ احمد

[Dr_ahmedrady]

الحق يا خال شوية الاستفسارات دى:

موضوع الطوب و الزلط الصغير اللى بيدخل ف الكاوتش
ده يتنضف كل قد ايه؟
و خطره شديد لو اتاخرت شوية؟
اصل انا كمية طوب عندى بالهبل
بس طوب صغير خالص داخل بين النقشات الفرعية

مبشيلش غير الطوب الكبير شوية اللى ف النقشات الاصلية
واللى بيعمل صوت وانا ماشى

ادونى التعليمات


2- ساعات بحس لعربية مخنوقة كدة و مش واخد راحتها
حتى وانا عالتانى والتالت
بحسها مش ماشية بسلاسة بحسها ماشية بتقل
و ساعات تانية القيها فايقة و رايقة و مبسوطة
مش عارف ايه الفرق و ايه سببه
هل تسخين العربية يفرق؟؟

3- كنت ماشى و وقفت و مورت العربية
لقيت ان الار بى ام بينزل من واح و نص لح اقل من واحد
عند 0.8 مثلا
بس الغريب انه مبينزلش مرة واحدة او تدريجيا بشويش
ا بينزل على دفعات
و صوت الموتور بيهدى معاه على دفعات
باحساسى انا
حسين انا بوابات الانجكشن بتقلل البنزين ف كل بخة عن اللى قبلها
هل ده طبيعى انه ينزل على دفعات مش نزول ناعم

4- مرة وانا نازل من مطب غلس حسيت ان الناحية اللى ورا السواق هبطت اكتر من باقى العربية
ده مجرد احساس و انا سايق
واللى معايا قلو لا عادى مفيش حاجة
بعدها نزلت و قعدت اتنطط عالكرسى لقيت الدنيا تمام
بس مشكلتى انى موسوس
فاعمل ايه اختبارات للعربية عشان اتطمن


5- العربية حلة و باسطانى جدا جدا جدا الحمدلله و ربنا يديمها عليا و يبعد عنى شرها
و عاوز اقولكو انى امبارح قفلت 500 ك
طبعا ده رقم يكسف بس بالنسبالى ده مناسبة سعيدة جدا

[aymanmaly]

الحق يا خال شوية الاستفسارات دى:
انت تامر و انا عليا التنفيذ
موضوع الطوب و الزلط الصغير اللى بيدخل ف الكاوتش
ده يتنضف كل قد ايه؟
و خطره شديد لو اتاخرت شوية؟
اصل انا كمية طوب عندى بالهبل
بس طوب صغير خالص داخل بين النقشات الفرعية

مبشيلش غير الطوب الكبير شوية اللى ف النقشات الاصلية
واللى بيعمل صوت وانا ماشى

ادونى التعليمات

مافيش مشكلة بس حاول تنظف على قد ماتقدر و خصوصا الزلط الى بيعمل صوت و انت ماشى
2- ساعات بحس لعربية مخنوقة كدة و مش واخد راحتها
حتى وانا عالتانى والتالت
بحسها مش ماشية بسلاسة بحسها ماشية بتقل
و ساعات تانية القيها فايقة و رايقة و مبسوطة
مش عارف ايه الفرق و ايه سببه
هل تسخين العربية يفرق؟؟
بص العربية لسة جديدة وعايزة وقت على ما تضبط نفسها يعنى نتكلم بعد ال 5000
و طبعا يستحسن تدور بعد ماصوت تحضير البنزين يخلص
و تسيب العربية بعد ما تدور لغاية ما ال rpm ينزل تحت الواحد و بعد كدة اطلع بالعربية
3- كنت ماشى و وقفت و مورت العربية
لقيت ان الار بى ام بينزل من واح و نص لح اقل من واحد
عند 0.8 مثلا
بس الغريب انه مبينزلش مرة واحدة او تدريجيا بشويش
ا بينزل على دفعات
و صوت الموتور بيهدى معاه على دفعات
باحساسى انا
حسين انا بوابات الانجكشن بتقلل البنزين ف كل بخة عن اللى قبلها
هل ده طبيعى انه ينزل على دفعات مش نزول ناعم
المفروض ينزل بالتدريج بس اديلة فرصة العربية تضبط نفسها و يستحسن تغير البنزينة الى بتمون منها و دور على بنزينة نظيفة
4- مرة وانا نازل من مطب غلس حسيت ان الناحية اللى ورا السواق هبطت اكتر من باقى العربية
ده مجرد احساس و انا سايق
واللى معايا قلو لا عادى مفيش حاجة
بعدها نزلت و قعدت اتنطط عالكرسى لقيت الدنيا تمام
بس مشكلتى انى موسوس
فاعمل ايه اختبارات للعربية عشان اتطمن
حضرتك اضغط على النحية الى شاكك فيها لتحت لو لقيت العربيه بتنط يبقى المساعد وحش لو طلعت بثبات يبقى المساعد تمام و بص على المساعد لو لقيت علية زيت يبقى المساعد بايظ

5- العربية حلة و باسطانى جدا جدا جدا الحمدلله و ربنا يديمها عليا و يبعد عنى شرها
و عاوز اقولكو انى امبارح قفلت 500 ك
طبعا ده رقم يكسف بس بالنسبالى ده مناسبة سعيدة جدا
مبروك يا زعيم و عقبال ال500000ربنا يديك خيرها و يكفيك شرها

[Dr_ahmedrady]

معلش خد دى كمان:

لما بلف كتير بالعربية واجى احط ايدى عالكاسيت والراديو بلاقيه سخن
و لو كنت مشغل سيديهاية بطلعها سخنة نار

ملحوظة ان الكلام ده بالليل عشان تشيلو من دماغكم حكاية الشمس
ايه الحكاية
مش يعملوله مروحه صغيرة ع قده؟؟؟

[aymanmaly]

معلش خد دى كمان:

لما بلف كتير بالعربية واجى احط ايدى عالكاسيت والراديو بلاقيه سخن
و لو كنت مشغل سيديهاية بطلعها سخنة نار

ملحوظة ان الكلام ده بالليل عشان تشيلو من دماغكم حكاية الشمس
ايه الحكاية
مش يعملوله مروحه صغيرة ع قده؟؟؟

عمرى ما جربتها :-)
هاجرب و اقول لك
يجعلة عامر

[Bassem Raafat]

معلش خد دى كمان:

لما بلف كتير بالعربية واجى احط ايدى عالكاسيت والراديو بلاقيه سخن
و لو كنت مشغل سيديهاية بطلعها سخنة نار

ملحوظة ان الكلام ده بالليل عشان تشيلو من دماغكم حكاية الشمس
ايه الحكاية
مش يعملوله مروحه صغيرة ع قده؟؟؟

أقولك أنا ليه يا سيدى ....

علشان بليل بتكون مشغل نور التابلوه والصبح لأ ..... يبقى السخونه دى نتيجة لمبات التابلوه مش أى حاجه تانى ، ومافيش منها أى مشكله ، ونفس القصه عند الفتيس الأوتوماتيك ، حتلاقى الحته المنوره بليل سخنه والصبح عاديه جداً .... صح يا أبو عمو : ))))

[Dr_ahmedrady]

أقولك أنا ليه يا سيدى ....

علشان بليل بتكون مشغل نور التابلوه والصبح لأ ..... يبقى السخونه دى نتيجة لمبات التابلوه مش أى حاجه تانى ، ومافيش منها أى مشكله ، ونفس القصه عند الفتيس الأوتوماتيك ، حتلاقى الحته المنوره بليل سخنه والصبح عاديه جداً .... صح يا أبو عمو : ))))

على فكرة انا لما قولت بليل اقصد عشان محدش يقولى تاثير الشمس
لكن السخونة ليل او نهار زى بعض
هو عارف انه حاجة فرعية جدا بس خايف احسن يكون فى مشكلة خصوصا ان ساعة التابلوه مش شغالة

لما احط ايدى عالكاسيت الاقيه دافى او ممكن تقول سخن
والسى دى بيطلع سخن نار بعد فترة مالتشغيل

ممكن نقول ان السى دى بيسخن ده طبيعى انما جسم الكاسيت ليه؟؟