شوية اسالة واقتراح

[ME5EMR]

يا باشا الاكسراتير اللي هو الدبرياش وده عايز سينس في التعامل يعني انت طالع مطب
و العربيه واخده التاني
سرعه المكنه كام لو اقل من ٢٠ لازم تحمل دبدرياش يعني تلم الدبرياش كلو (كل ده علي التاني) بعد كده تفك الدبرياش لحد ما يبقي فرق بينه الربع وتروح علي طول رامي بنزين
و شكرا

[aymanmaly]

ملحوظة : سوف يتم الرد بناء على طلب د. احمد صاحب المشاركة من خلال رسالة على الخاص

نرجع تانى للاستفسارات

هو العربية تمشى عالغيار التانى بطيئة لحد كام
اقصد اقل سرعة للغيار التانى و اللى اقل منه تكركر و تفصل
دى تقديرية للسائق لازم تحس بالعربية امتى تحتاج غيار بالزيادة او النقصان
بس هو العرف ان الاول علشان العربية تبداء الحركة
مع الوقت هاتحس بالعربية و هاتلاقيها كانها بتكلمك و بتقول لك هى عايزة اية
انا ليه بسال؟؟
عشان ف الاول كنت ببطئ خالص بالعربيى عالغيار التانى و مفيش مشاكل
دلوقتى عند مطبات معينة لو اخدتها عالتانى العربية تكركر
مع انى قبل كدة كنت باخد نفس المطاب و بنفس السرعة من غير ماتكركر
معنى انها تكرر يبقى واخذة غيار زيادة و المفروض تفصل دبرياج و تجيب الغيار قبل الى انت عالية

نانى حاجة
هل فعلا الاصح ان اى مطب غلس يتاخد عالاول
انا بصراحة بخاف عالدبرياش من كتر الاستهلاك
لكن لو هو الاصح يبقى انزل عالاول و بلاش كركرة

من وجة نظرى انك وانت داخل المطب هدى بالفرامل و انت فاصل دبرياج و لو احتجت تزود السرعة جيب الغيار المناسب و سيب دبرياج شوية شوية مع بنزين بنفس الطريقة كانك طالع بالعربية

تالت حاجة
وانا ف مرة باخد المطب الغلس العربية كركرت
و ظهرت لمبة الموتور البرتقالى
دوست دبرياش عشان تبطل كركرة
و اديت الاول راحت برضه مكركرة
ضغط دبرياش تانى و بدات ارفع براحة عشان تطلع عالاول برضه كركرت و مرضيتش
كل ده و لمبة الموتور منورة
ومتحلش الحوار ده غير لما انا فصلت العربية و دورت تانى

طبعا ده كله وانا بتهزء و اتشتم من الناس اللى ورايا


ان لمبة الانجينج تنور لما العربية تكركر طبيعى ما تقلقش
طبق الى اتفقنا علية فوق و ان شاء الله الامور تضبط

المهم
بالليل روحت هناك و قعدت اتسلى عالمطب ده عشان احفظه و اكتشفت حاجة
لما انا هديتت خالص عالغيار التانى و العربية كركرت
ولمبة الموتور نورت برتقالى
و ضغطت دبرياش
لمبة الموتور فضلت منورة ثانية واحدة و بعدها طفت
و اخدت بقى الاول عادى و محصلش مشاكل

لما يحصل كدة زود سنة بنزين هاتلاقى كل حاجة تمام

طبعا انا اخدت قرار بعدها ان اى مطب غلس هاخده عالاول و اريح دماغى عشان الكركرة
لكن هل حد عنده تفسير للى حصل؟؟

ليه كنت ف الاول بهدى جامد و متحصلش حاجة و ناو بتكركر
ليه ف اول مرة عالمطب كركرت و اللمبة نورت و مرضتش حتى تاخد الاول
فى حين المرة التانية لما استنيت اقل من ثانية اللمبة طفت و اخدت الاول عادى

لو حد عنده نصايح ليا ف الموضوع ده ياريت مايبخلش؟؟؟

طبق الى مكتوب فوق و طمنى:-)
------------------------------------------------------------------------------

اشرحولى ما يحدث بقى للكشافات عند طفى العربية و شيل المفتاح
هل الكشافات هتطفى؟؟
ولا لازم انا اطفيها مالدراع بتاعها؟؟

مع العلم ان الموقف ده بيختلف ازا كنت مشغل نور التابلوه والسهارى بس او كنت مشغل الواطى؟؟

اصل انا امبارح طلعت بالعربية ساعة الصلاة
والناس كلها بتشاور عالكشافات
وفهمت ف الاخر ان قصدهم الكشافات والعة بالنهار ف طفيتها
بس سرحت مع نفسى
هل انا نسيها والعة من الليلة اللى قبلها؟؟
ولا هى طفت لما شيلت المفتاح الليلة اللى قبلها و اول ما شغلتها الصبح نورت تانى بس انا ماخدش بالى عشان الشمس؟؟

حد يشرحلى الموضوع ده بكل احتمالاته:
لو كنت مشغل نور التابلوه و طفيت العربية هيحصل ايه؟
او كنت مشغل النور الواطى و طفيت العربية هيحصل ايه؟

الموضوع بسيط حضرتك لو سايب النور منور و بطلت العربية و شلت المفتاح و انت قاعد فى العربية النور هايفضل منور
طيب افتح باب السائق و اقفلة النور هايطفى
طيب دور تانى النور هايشتغل تانى
-----------------------------------------------------------------------

-----------
و هل يمكن تشغيل الكاسيت او الراديو والمفتاح مش ف الكونتاكت؟؟
افرضنا واحد مستنى ف العربية و انا نزلت اشترى حاجة
و ف نفس الوقت مش عاوز اسيب المفتاح
ف مفيش طريقة تشغل الكاسيت و المفتاح مش ف الكونتاكت؟؟
لا مافيش ( علشان تعمل كدة لازم تغير فى الضفيرة بتاعة الكاسيت )
بس نصيحة ما تشغلش الكاسيت الا لو العربية دايرة علشان البطرية ماتدربش


معلش طولت عليكم اوى المرادى
بس هى حاجات تافهة لا ترقى لموضوع جديد ف بحطها هنا
ومحدش يتريق بالله عليكم
انا واحد حديث عهد بالسيارات
و خاصة حبيبتى الاوبترا

طبعا يا دكتور انت عارف معزتك عندى قد اية و ارجو انك ما تزعلش من الملحوظة الى فوق
لانى اخذت قرار بعدم التدخل بالنصيحة الا لو صاحب الموضوع طلب ذلك منى
و طبعا المتابعين للقسم فاهمين اية السبب
ربنا يديم المعروف
و يجعلة عامر :-)

[Dr_ahmedrady]

ملحوظة : سوف يتم الرد بناء على طلب د. احمد صاحب المشاركة من خلال رسالة على الخاص





طبعا يا دكتور انت عارف معزتك عندى قد اية و ارجو انك ما تزعلش من الملحوظة الى فوق
لانى اخذت قرار بعدم التدخل بالنصيحة الا لو صاحب الموضوع طلب ذلك منى
و طبعا المتابعين للقسم فاهمين اية السبب
ربنا يديم المعروف
و يجعلة عامر :-)

الموضوع نور بردك يا خال
من غير رايك بحس انى لسة مقتنعتش
عشان كدة مش بستريح الا لما اشوف مشاركتك ف موضوعى

يا خال حط ملاحيظ براحتك ف اول الموضوع ف اخر الموضوع البيت بيتك يا عمنا

المشكلة باللى فيها بقا ان انا مش بدوس بنزين ف طلعة العربية خالص
بعتمد عالدبرياش فقط و يمكن هو ده سبب اللخبطة دى
بعد المطب برفع دبرياش من غير بنزين ف العربية تكركر

متشكر للردود

[aymanmaly]

مضبوط لازم تزود سنة بنزين علشان العربية تضبط
بس زود بسيط يادوبك العربية ماتنتش منك و الماتور صوتة مايعلاش.

[Dr_ahmedrady]

اخص عليكم
انا زعلان منكم زعل الابل
برضه كدة معاكم ف المنتدى و محدش يقولى معلومة زى دى
انا اكتشفها لوحدى؟؟

ان الكونسول من ورا فى طفاية للركاب الخلفيين



بس بصراحة الكنسول خفيف و مش عاجبنى
سواء الكونسول الامامى اللى فيه الطفاية و الولاعة او الكونسول الخلفى اللى فيه المسند و درج التخزين والكوبيات
بلاستيك كدة و تقدر تحركه بايدك يمين و شمال
يعنى لو الواحد اتك عليه جامد هيكسره
كان المفروض يبقى بنفس صلابة و نعومة التابلوه

يلا نعمل الاختبار ده سوا
نمسك الكونسول و نهزه يمين و شمال و اتفرجو على لين البلاستيك
بس برضه بحب الاوبترا و عجبانى
والله والله والله بتلكك على اى مشوار عشان انزل الف بيها شوية
ربنا يخليهالى يا رب

[hpxp]

يااااااااااااااااااااااااااااااااااااااااااااااااا ااااه انا لسه فاااااااااااااااااااااااااااااااااااااااااااااكر انت بتكلم في رافايع يا بشا

[Dr_ahmedrady]

يااااااااااااااااااااااااااااااااااااااااااااااااا ااااه انا لسه فاااااااااااااااااااااااااااااااااااااااااااااكر انت بتكلم في رافايع يا بشا

ايه اخبارك ف الامتحانات يا واد
يارب تكون رافع راسنا؟؟؟