شيفورليه سبارك

[omnia2]

لو سمحتوا يا جماعه تفيدونى انا بفكر اجيب شيفورليه سبارك وحاسه ان مميزاتها كويسه بالنسبه لسعرها بس ناس كتير مخوفانى من قطع الغيار انها مش متوفره وتانى حاجه انها غاليه عن كل العربيات وبينصحونى بهيونداى اتوس
انتوا ايه رأيكم بالسبارك واسعار قطع غيارها ايه

[AMIR FAROUK]

توكلى على الله وهاتيها السيارة ممتازة بجد بسم الله ماشاء الله

وشوفى اللينك ده

http://www.nilemotors.net/Nile/showthread.php?t=13863

[omnia2]

شكرا لحضرتك على الرد بس ايه رأيك فى اسعار قطع الغيار وتوفرها لان ده اللى مخوفنى

[AMIR FAROUK]

الشكر لله وحده
انا عايز اقولك حاجة وهى انك هتركبى عربية زيرو وده معناه انك مش هتحتاجى اى قطع غيار مؤثرة او جوهرية فى السيارة ولفترة تزيد عن 4 او خمس سنوات وده طبعا يرجع لاسلوب قيادتك واهتمامك بها

ثانيا قطع الغيار الاستهلاكية زى البوجيهات والفلاتر والسيور مثلا فهى اسعارها عادية ومش غالية

اما قطع الغيار غير الاستهلاكية فاكيد اسعارها بتبقى مرتفعة شويه بس ده على كل السيارات الجديدة مش سبارك بس

وبخصوص توافر قطع الغيار فهى موجوده بالتوكيل ومراكز الصيانة ( والمفروض انك هتتعاملى معاهم مش مع حد خارجى لو عايزة تحافظى عليها )

على فكرة العربية بجد حلوة ومريحة واتوقع لها انتشار كبير فى الفترة القادمة

واى استفسار انا تحت امرك

[omnia2]

شكرا لحضرتك على اهتمامك وربنا يسهل ان شاء الله واروح المعلرض اشوفها عن قريب

[modysaied]

الحيرة

انا مش عارف ايه الافضل الالتو فاضيه ولا الاسبارك والاتوس الجديده المشكله الفرق كبير بين الالتو واى واحده فيهم
بجد اتمنى المساعده

[Eng.Mohamed Amen]

أختى الفاضله بصراحه أنا إشتريت العربيه دى وبجد بجد عربيه جميله جدا وممتازه جدا

ملهاش صوت وهيه ماشيه وطريه على الطريق ومش هاتحسسك بالطريق خالص

بس أنا شاكك إن الكاسيت اللى فيها متغير فى مصر

عموما إتوكلى على الله وإشتريها وألف مبروك مقدما وإسئلى مجرب

[omnia2]

العربيه جميله جدا جدا
انا عاجبانى اوى والله وهيه ناعمه فعلا على الطريق والدريكسيون بتاعها ناعم لانها فيها باور
وكمان امكانياتها اعلى من اللى انتى ذاكراهم وبنفس رينج السعر
وبعدين توكيل شيفورليه توكيل محترم بصراحه بشهادة ناس كتير عندهم شيفورليه
بس فعلا الكاسيت بتاعها هوه اللى مش على مستوى العربيه شويه
بس مش مهم دى حاجه انا شايفاها مش مؤثره اوى ولو مضايقك ابقى غيريه
انا بارشحها لك
ومبروك مقدما

[Eng.Mohamed Amen]

فعلا يا أساذه أمنيه العربيه معايا ممتازه جدا وسحبها قليل فى البنزين .

والدركسيون فعلا ناعم جدا علشان فيه باورسترينج لما باخد ملف أو دوران هو بيرجع

لوحدوه . وفعلا اللى مضايقنى الكاسيت بتاعها low standard ومش لايق

على العربيه ده حتى مافيهوش line in وده اللى مضايقنى أكتر

أنا ناوى قدام شويه أجيب كاسيت CD ويكون Panasonic .

وأركب سماعتين Pioneer علشان يليق بالعربيه الشغل ده غير كده أنا ركبت إنزار

وقرييب هاشترى cover waterproof علشان الشتاء .

إتوكلى على الله وإشتريها وبينى وبينك هيه لايقه أكتر على البنات علشان كتير قوى

بشوف بنات سايقينها . خديها نصيحه من مجرب إشترى وإنتى مطمنه
هذه النصيحه برعايه ( شيفورليه ثقه لاتنتهى ) ويالله بقى عايزين نباركلك.