استفسار عن قطع غيار افيو صيانة 550000

[aelgebaly]

حاعمل صيانة ال 55000 الف وعايز اعرف مكان مضمون اشترى منه قطع الغيار دى واسعارهم لو امكن

سير كاتينة
سير محرك
شداد كاتينة
شداد دينامو
طلمبة مياه
تيل فرامل امامى وايه احسن نوع

وايه الفرق بين شداد الكاتينة وبلية الكاتينة ولا هما الاتنين واحد
وياريت لو حد من الزملاء فى المنتدى عمل الصيانة دى عند ميكانيكى كويس يقولى فين لان فى التوكيل العملية حتعدى ال 2000 جنيه وده كتييير اوى

[aymanmaly]

للاسف الصيانة دى حساسة جدا ولو اي قطعة غيار مضروبة النتيجة بتاعتها غلط جدا
انصح بالتوكيل

[aelgebaly]

بس التوكيل غالى اوى مصنعية بس 600 جنيه حسب ما قريت هنا فى المنتدى بافكر اشترى قطع الغيار من التوكيل واخلى حد يركبها لى بره بس ماعرفش حد كويس ممكن حضرتك تنصحنى بحد كويس

[aymanmaly]

للاسف ماعرفش حد مضمون للصيانة دى لان الخطاء فى ضبط سير الكتينة مثلا يؤادي لمشاكل كثير و مكلفة
بس انتظر باقى الاعضاء يمكن حد يعرف حد كويس
بالتوفيق فى القرار السليم

[memo823000]

عليك وعلى الاستاذ اشرف
ده بقى برنس - هو تيم ليدر فى توكيل هيونداى وماشاء الله انا بشترى كل القطع اصليه من التوكيل و بصين عنده الافيو5 بقالى سنه ونص وانا من 6 اكتوبر تخيل بس بصراحه اصلو جنب حماتى وانا اتعرفت عليه بالصدفه وانا رايح لحماتى كان يوم جمعه وبعدين بعد الصلاة كدا لقين تشكيله عربيات حديثه راكنه ورا بعض وفتحه كبوووت (النترا على ماتريكس على فيرنااات على i10) فسالت واحد فقالى على القصة

وسعره حنين جدا وكمان شاطر قوى وعنده ضمير جدا جدا جدا وكمان ااخويه بقى بيروح عندو بقالو 4 شهور (السيجاره مبيشربهاش وصلاته كلها فى المسجد ربنا يثبته)

هو مكانه فى .................................................. ........................... وقوله انا من طرف هيثم بتاع الافيو5 السودا وطبعا كلمه قبل متروحله بيومين مثلا وحضر ورقه وقلم واكتب الحاجات اللى هيقولك عليها عشان تشتريها من التوكيل اصليه وبعدين اتفق معاه على ميعاد يكون يوم جمعه وتكون هناك بعد الصلاة على طول قبل الزحمه وهيخلصك على طول ان شاء الله لانه بيكون عليه ضغط جامد وان شاء الله الليلة دى كلها هتاخد من 200 ل 250 جنيه على مااعتقد بس طبعا اتفق معاه قبل ميبدا الشغل

بالنسبه للصيانه الحساسه دى هو بيعملها وهو مغمض

انا وانا بصين شوفت النترا وسيراتو ونيو النترا وماتريكس ونيو اكسنت وهوندا سيفك وفيرناااااات بالهبل بتوع التكسه تقريبا كلهم ولانسر وانا تقريبا الافيو الوحيد وهو ماشاء الله مشعايز يسيب غبور ويفتح ورشه كبيره وبيشتغل بعد شغله فى التوكيل عشان الكورسات اللى بيخدها

وكمان كل زبينه بيعملوها عندو ومنفضين للتوكيل وكمان انت ممكن تطلب منه يعملك جدول للصيانه عندو وغسيل فوم واسبراى للعفشه وشغل من الاخر وهتحس انك راكب عربيه تانيه ان شاء الله

بالتوفيق ولو احتجت اى حاجه كلمنى وانا تحت امرك

برجاء عدم ذكر اي عناوين حتى لايعتبر اعلان
مشرف 20ب

[eng_sherif_00]

ياريت ياستاذ ميمو تبعتلى عنوانه على الخاص لانى عايز اعمل الصيانه دى بردو وياريت لو رقم تليفونه

[aelgebaly]

ياريت ياستاذ ميمو تبعتلى عنوانه على الخاص ورقم تليفونه

[memo823000]

المشكلة انى مشبعرف ابعت على الخاص
عامتا ابعتلى تليفونك على ايميلى egysand@gmail.com وانا هكلمك وابعتلك كل التفاصيل على الايميل

[memo823000]

وبالنسبه انى انا زكرت العنوان والتليفون انا بساعد لوجه الله مش اكتر واظن المنتدى معمول لكدا
وفى اقسام بتذكر عناوين وتليفونات عشان تساعد مفهاش حاجه
يعنى خش على قسم التكييفات هتلاقى مكتوب فيه كل صنيعية التكييف بالعناوين والتليفون
وفى قسم هيونداى نفس الكلام وهو ايه اللى جرى بقى
بصراحه مشلاقى سبب

المكان المخصص للتعليق على مداخلات الاشراف هو قسم الشكاوى. لقد خالفت القاعدة رقم (8)
و سوف نكتفى بالتنبية

يرجى مراجعة قواعد المنتدى

مشرف 20ب

[aelgebaly]

الحمدالله رحت غيرت السيور النهارده وباشكر كل اللى رد على الموضوع وخاصة استاذ هيثم واستاذ محمد ممدوح ودى التفاصيل:
رحت عند محمد هاشم وكنت قلقان بصراحة من السيور ال Gates بس لقيت الاصلى اللى راكب فى عربيتى مكتوب عليه دايو و gates يعنى فى الاخر طلعت ال Gates هى السيور الاصلية وبتصنعها لدايو
شداد الدينامو وشداد الكاتينة وطلمبة المياه مافيهموش مشاكل ومحمد هاشم قالى يتغيرو المرة الجاية مع السيور ودى التكاليف بلية شداد الدينامو هى اللى اتغيرت
سير كاتينة Gates انجليزى 40 جنيه
سير دينامو gates بلجيكى 55 جنيه
بلية شداد دينامو GM اصلى 50 جنيه
مصنعية 80 جنيه
الاجمالى 225 جنيه
فى التوكيل قطع الغيار بس شاملة الشدادات وطلمبة الميلاه 1200 والمصنعية 600
بس فى حاجة حصلت الوش الفبر بتاع سير الكاتينة كان فى مسمار مفوت مش عارف ازاى وان اول مرة اغير السيور بس جايز يكون فى صيانة 30000 لانهم المفروض فى الصيانة دى بيكشفو على السيور ومحمد هاشم طلع الوش وقطع حوالين المسمار ده هو متثبت ب 3 مسامير والمسمار اللى مفوت ده اللى فى النص فالوش كده راكب كويس بس بمسمارين وهو قال انه مافيش مشكلة ياريت لو استاذ محمد ممدوح يأكدلى النقطة دى انه مافي مشكلة
مرة تانية بأشكر كل الناس اللى ردت عليا

[eng_sherif_00]

فين محمد هاشم ده ياجبالى باشا

[aelgebaly]

هو قدام ابو الحسن بتاع قطع الغيار اللى فى بين السرايات شارع المرور لو عايز رقم تليفونه قولى وابعتهولك رسالة

[HeMa_LanCeR]

طيب ومجبتش من ابو الحسن ليه

[aelgebaly]

يا باشا انا جبت الحاجة كلها من عند ابو الحسن ومحمد هاشم ده الميكانيكى اللى ركب الحاجة وهو مكانه قدام ابو الحسن

[khilo67]

السلام عليكم يا اخواني
تخيلوا مركز منصور التجمع الخامس عاوز في صيانة ال 55000 للأوبترا 2500 جنيه!!! حلال ده و لاحرام ؟ هل اخوان مقار كويسين ؟ و فيه في شارع التحرير في الدقي مركز صيانة تاني لشيفروليه أمام المركز القومي للبحوث ، حد يعرف عنه حاجة ؟ حد جربه ؟ ياريت حد يدلنى لان العملية كده غالية قوى و الصيانة دي حساسة زي ما بسمع
جزيل الشكر لكم جميعا