.. فقط لمالكى الـ شيفروليه ..

[Bassem Raafat]

.. الأخوه الأفاضل مالكى الـ شيفروليه ..
ـــ

فى مواضيع كتير الفتره إللى فاتت كانت بتتكلم عن تقييم الشيفروليه بجميع فئاتها وموديلاتها ، وكان من هذه التقييمات ما هو فيه شكر للسياره وهناك آخر فيه سب ولعن لهذه السياره .


فحبيت أعمل إستطلاع لملاك الشيفروليه ( كابتيفا - كروز - أوبترا - أفيو - لانوس - سبارك ) عن الرأى العام لكل واحد فى عربيته .

ويا ريت من يشترك فى هذا الإستطلاع يكون من أصحاب الشيفروليه فقط .


ويا ريت كل واحد يشاركنا بتجربته سواء كانت جيده أو سيئه مع شيفروليه حتى تعم الفائده العامه للجميع .


وأحب أبتدى بنفسى وهذا هو تقييمى :

http://www.nilemotors.net/Nile/223981-2010.html

تم تثبيت الموضوع لتحديث الاستطلاع
مشرف 20ب

[ecybrarian]

حاطت سبارك في الاخر يا بسوم..قلبي وصوابعي غضبانين عليك
:-)))))

[M.Yahia]

حاطت سبارك في الاخر يا بسوم..قلبي وصوابعي غضبانين عليك
:-)))))

باسم باشا حط الترتيب بناء على السعر و دا ميقليلش من اى عربية عليها علامة الشيفر ....
بالنسبة ليه انا لحد دلوقتى مش بعانى من اى مشكلة و العربية مريحانى و الموتور حلو و بشد بيه و سحبته حلوة قوى و بعد التليين ما خلص مفيش غير حاجة واحدة قارفانى موضوع البنزين نفسى يتظبط شوية مستنى بعد ال 5000 اشوف الوضع ايه .

[mhmdalsaadany]

الحمد لله ان مش ندمان خالص اني اشتريت الكروز والحمد لله كله لحد دلوقتي تمام التمام حتى لما كان في مشاكل عابره عديت بسلام الحمد لله

[Usama Nagi]

الحمد لله الأوبترا مريحاني جدا و مشاكلها بالنسبة لي قليلة دا غير انها فيها بعض الحركات اللذيذة اللي حببيتني فيها

[HANTER]

الافيو سيارة سيئة جدا فى كل حاجة

مش قادر احبها

[أشرف العدوي]

الافيو سيارة سيئة جدا فى كل حاجة

مش قادر احبها

و انا كمان حاولت احبها معرفتش

[Bassem Raafat]

حاطت سبارك في الاخر يا بسوم..قلبي وصوابعي غضبانين عليك
:-)))))

إلا صوابعك يا دكتور ، أنا مقدرش على زعلهم : )))

بالنسبة ليه انا لحد دلوقتى مش بعانى من اى مشكلة و العربية مريحانى و الموتور حلو و بشد بيه و سحبته حلوة قوى و بعد التليين ما خلص مفيش غير حاجة واحدة قارفانى موضوع البنزين نفسى يتظبط شوية مستنى بعد ال 5000 اشوف الوضع ايه .

إن شاء الله يتظبط ، بس قولى هى بتعمل كام فى الصفيحة ؟

الحمد لله ان مش ندمان خالص اني اشتريت الكروز والحمد لله كله لحد دلوقتي تمام التمام حتى لما كان في مشاكل عابره عديت بسلام الحمد لله

ربنا يباركلك فيها يا أبو أدهم : ))

الحمد لله الأوبترا مريحاني جدا و مشاكلها بالنسبة لي قليلة دا غير انها فيها بعض الحركات اللذيذة اللي حببيتني فيها

ربنا يباركلك فيها يا سمسم : ))

الافيو سيارة سيئة جدا فى كل حاجة

مش قادر احبها

و انا كمان حاولت احبها معرفتش

ربنا يقويكوا وتركبوا اللى أحسن منها إن شاء الله ... بس ممكن أسأل هى عربياتكم تقفيل مصرى ولا كورى ؟

[Bassem Raafat]

نتيجة إستطلاع مالكى الشيفروليه كل واحد عن سيارته حتى الآن :

14 عضو من إجمالى 22 عضو ( مريحانى بشكل عام ، الحمد لله ) بنسبة 63.64 % .

2 عضو من إجمالى 22 عضو ( تعبانى جداً ، يا ريتنى ما كنت جبتها ) بنسبة 9.09 % .

5 أعضاء من إجمالى 22 عضو ( فيها مزايا وعيوب .. بس المزايا أكتر ) بنسبة 22.73 % .

عضو واحد من إجمالى 22 عضو ( فيها مزايا وعيوب .. بس العيوب أكتر ) بنسبة 4.55 % .

والحمد لله النتيجه أغلبيتها إيجابيه حتى الآن وفى إنتظار تصويت باقى الأعضاء .

[ahmedaglan]

ماشاء الله لا قوة الا بالله
العربية جميلة وظريفة بشكل عام ولا يعبها سوا ان صاجها ضعيف من الكبوت نوعا ما
لكن بشكل عام العربية اعتمادية جدا وربنا يبركلي فيها ويبارك لكل الناس ويحفظنا من كل سوء

[Bassem Raafat]

نتيجة إستطلاع مالكى الشيفروليه كل واحد عن سيارته حتى الآن :

16 عضو من إجمالى 27 عضو ( مريحانى بشكل عام ، الحمد لله ) بنسبة 59.26 % .

2 عضو من إجمالى 27 عضو ( تعبانى جداً ، يا ريتنى ما كنت جبتها ) بنسبة 7.41 % .

8 أعضاء من إجمالى 27 عضو ( فيها مزايا وعيوب .. بس المزايا أكتر ) بنسبة 29.63 % .

عضو واحد من إجمالى 27 عضو ( فيها مزايا وعيوب .. بس العيوب أكتر ) بنسبة 3.70 % .

والحمد لله النتيجه أغلبيتها إيجابيه حتى الآن :

24 رأى إيجابى مقابل 3 أراء سلبية بنسبة ( 88.89 % : 11.11 % )

وفى إنتظار تصويت باقى الأعضاء

[foxpowerdesign]

انا بحب عربيتى موووووووووت
و عمرها ما كسفتنى خالص و لا عملت معايا موقف كده و لا كده و بحبها مووووووت
my spark
جامدة و بحبها حب مالوش حدود

[Bassem Raafat]

انا بحب عربيتى موووووووووت
و عمرها ما كسفتنى خالص و لا عملت معايا موقف كده و لا كده و بحبها مووووووت
my spark
جامدة و بحبها حب مالوش حدود

ربنا يباركلك فيها يا باشا : ))

[foxpowerdesign]

ربنا يباركلك فيها يا باشا : ))

امين يا رب

[Usama Nagi]

معظم الأراء السلبية جايه من شفروليه افيو سيدان و هي فعلا اكتر موديل فيه مشاكل من شيفروليه