ثورة غضب الفرسان الثانية (عايزين نتقابل)

[ecybrarian]

واضح إن المشكلة في انا..لما دخلت رينو، بطلوا يتقابلوا..وشكل الفرسان كده ابتدوا يكسلوا..لا رجوع..إلى الأمام..مقابلة.. مقابلة..
فيا كل الفرسان، الفلول منكم والاجندات، ادعوكم جميعا للمشاركة في ثورة الغضب الثانية للفرسان خصوصا بعد نجاح المرحلة الأولى من الحوار الوطني مع صقور نيسان. والدعوة مفتوحة اكيد للصقور لتكملة الحوار:
مكان التظاهر: ميدان كافية جراند ليموزين
الاعتصام: ما اعتقدش المجلس العسكري إللي في البيت هايسمح بالاعتصام :-(((
توقيت الثورة: الساعة السادسة السبت القادم (ايه رأيكم؟؟)
الشعارات: الشعب يريد قهوة بالحليب..والأهلي اولا :-)))) لأمؤاخذه يا عمدة

[Bassem Raafat]

وأنا من أول المؤيدين لهذه الثوره : ))

[hpxp]

تصدق بالله انا لسه مكلم العمده في الموضوع ده النهارده واقترحت عليه تبقي عندي في اسكندريه - الهانوفيل قلتو ايه

[hpxp]

عموما انا هسافر بكرة لو موافثين يبقي قولو بسرعه لان معنديش لاب توب

[mhmdalsaadany]

ايوه كدا يا وديع هو دا الكلام احلى مقابلات يارجاله لازم ترجع بس معلش انا لسه مسافر النهارده اول يوم شغل انا اوت بقى المقابله دي معلش

[kokowanted]

بجد نفسى احضر المقابلة المرة ديه.
انا عندى تدريب من بداية شهر 7 هاروح و اشوف ايه الدنيا و الأجازات و كدة و ان شاء الله اقدر اجى

[ecybrarian]

ايه دا!!! شكلها هاتصفصف علي انا وباسم ولا ايه!!! فين باقي الفرسان

[engaass]

ان شاء الله اكون معاكم

[ahmedaglan]

انا عملت حسابي علي المانجة وجاهز للغزو

[engaass]

طيب العمده رايه ايه؟؟؟؟؟؟؟؟؟؟؟ظ

[Bassem Raafat]

آخر الأنباء :

1 . الدكتور / هشام مكى ( ecybrarian ) : هو المنظم والعقل المدبر لهذه الثوره ، وأول من دعى لها .

2 . المهندس / فادى رومانى ( kokowanted ) : حيراجع موقفه وإن شاء الله يكون مشارك معنا فى هذه الثوره .

3 . المهندس / أحمد أمين ( engaass ) : لأول مره سيشارك فى ثوراتنا .

4 . الأستاذ / أحمد عجلان ( ahmedaglan ) : هو من يمول الثوره من أسلحه وشعارات ( مانجه عويسى ) .

5 . باسم رأفت ( Bassem Raafat ) : صاحب أجنده .

وفى إنتظار رأى القائد الأعلى للقوات الشيفروليهيه الأستاذ / أيمن على .. العمده الكبير ( Aymanmaly )

والله الموفق

[fawzyyyy]

مش عارف والله يا فرسان ايه ظروفي لأني مسافر كمان اسبوع و عمال اجري هنا و هناك ....عشان بخلص ورق السفر

[mhmdalsaadany]

تسافر وترجع بالسلامه يا دكتور ان شاء الله هو حضرتك مطول ولا زياره وراجع عشان لو هتطول لازم مقابله توديع عشان نشبع منك

[Bassem Raafat]

بيان من إئتلاف شباب قسم شيفروليه

بصفتى المتحدث الإعلامى لإئتلاف شباب قسم شيفروليه أعلن الآتى :

يهدد الإئتلاف بإنه إن لم يتم الرد من العمده بشأن مقابلة الغد الموافق 2/7/2011 سيتم تصعيد سقف مطالب شباب القسم لتصبح مقابله + عزومه على شاى بحليب على حساب العمده .

وإن كان رد العمده بالسلب ( عدم الحضور ) سيتم الإعتصام المفتوح أمام منزل العمده بمدينة نصر حتى تتحقق مطالبنا .

[aymanmaly]

هي فيها شاي ياخبر ابيض
لا انا جاي يا باشا
انا اقدر ماجيش
كنت عايز اعملها مفاجئة بس طالما فيها عزومة انا جااااااااااااي. :-)))))))