غيرت اللمض

[hpxp]

زي ما العناوان بيقول غيرت اللمض السهاري والواطي جبت الواطي 100 وات بس 12 فولت والراجل هو صاحبي مرديش يديني لا التنجسرام ولا الفلبس رالي !!!!!!!!! واداني لمبتين صيني قالي دول ازرق تلجي ومش بيحتاجو كتاوت وقالي دول ب45 جنيه فخفت قبلت سواق تكس صحبي (جارنا في الصيدليه) بيقلي عادي انا مركب في الفرنا 200 وات !!!!!!!! مش علي كتاوت المهم الشطان لعب في دماغي وقالي روح للكهربائي اتاكد قالي لو كانت اعلي من 12 فولت كنت هتحتاج كتاوت !!!!!!!!! قلتله مهندس في التوكيل الي قايل كده قالي لااااااااا وهم جرنا برضه المهم النور حلو بس حاسس انه مش الي هوا هصور العربيه كمان شويه وا اورهلكم
والمفاجئه اللمض الفبريكا الي اتحرقت طلعت فلبس h7 -- 55w

[sammor_28]

انا اعتقد انك لازم تركب زي اللي في العربيه بالظبط

لأن لو ركبت وات اعلى اعتقد انه ممكن يسيح الفيشه بتاعت اللمبه وربنا يسترها والله اعلى واعلم

واستنى برضه رأي باقى الأعضاء

[A.Saad]

اولا الملاكى 12
النقل 24

الوات ممكن تركب 90 او 100 او اعلى بس بكتاوت
علشان تحمى دراع النور اولا وعلشان توفر القوة الكهربائية المطلوبة

[aymanmaly]

سوف يتم الرد بناء على طلب صاحب الموضوع
احمد باشا
صباح الفل
بص يا استاذى اللمض الاصلية 55 w ولو رفعت اكثر من كدة الاسلاك مش هاتستحمل و هاتدخل فى مشاكل مع كمبيوتر العربية ( لازم كتاوت )
انا كنت قلت لك خليك فى فيلبس 55 w موفرة
احمد الى انت عملتة دة خطر على العربية
و انا مصر على نصيحتى اما فيلبس او اسروم موفر 55w بتدى 80 % زيادة
بالتوفيق فى القرار السليم

[hpxp]

'طب ياعمده انا مساقر علي الساعه 2 كده النهارده فا مش هلحق اشيل حاجه طب هتستحمل من هنا ليوم الاثنين عقبال ما ارجع من هناك هركب كناوت لما ارجع
كنت روحن للكهربائي بليل بس روحت للي بيقهم كنت بشتكي ان النور مش مظبوط قالي انت جيبها زرقاء قلتله بس هو طالع لفوق قالي هي اللمض دي كام وات قلتله 100 قالي علشان كده قالي ركب كناوت علشان هي كده شغاله بنض قوتها

[ecybrarian]

احمد الى انت عملتة دة خطر على العربية

+1 استاذ والله يا عمدة

بص يا ابوحميد..الخواجة شيفرولية إللي بيعمل العربيات دي بيعملها وفقا لعلم ودراسات..والصنايعي الشاطر في مصر إللي فاهم بالخبرة والتجربة كدا العلوم دي..اما عن الراجل إللي باع لك وسائق التاكسي صديقك فأغلب الظن إنهم بيفتوا في الكهربا..ماتبقاش تسألهم عن حاجة في الكهربا بعد كدا :-)
وطالما انت مسافر يبقى من الافضل تغير اللمبات للأصلية علشان، لا قدر الله، ماتحصلش مشكلة وانت مسافر...

[aymanmaly]

انا مع كلام دكتور هشام قلبا و قالبا
مش هى بتقال كدة :-)

[hpxp]

طب لو ركبت كتاوت يمشي الحال ولا فتي برضه
دكتور هشام يا جامد لا انا مسافر من غير الموزة قصدي العربيه :-) وطالما الفتياين كتير يبقي ربنا يستر
طب لو ركبت كتاوت يبقي ايه النظام عك برضه ولا ايه

[Ramy_2R]

لازم كتاوت
و انا عند الكهربائى جه واحد دراع النور عنده سايح عشان ركب لمش 110/100 بدون كتاوت
ركب كتاوت و مش حتكلفك 100 جنيه بالمصنعيه و الضوء حيبقى أقوى