مين الاحسن فى النوعين دول ( كاوتش بيريلى ولا كموهو )

[engaass]

السلام عليكم
كنت عايز اعرف انهى نوع كاوتش افضل
بيريلى ولا كموهو

ملحوظة: سيتم ذكر سبب السؤال بعد اجابتكم إن شاء الله

تم تعديل العنوان ليدل على محتوى الموضوع
مشرف 20ب

[mido]

بيرللى طبعا

[medo500]

البريلي افضل بس فيها انواع افضل من الاثنين
1- ميشلان
2- بريدجستون
3- جوديير

[aymanmaly]

البريلي افضل بس فيها انواع افضل من الاثنين
1- ميشلان
2- بريدجستون
3- جوديير

انا شايف كدة انا كمان

[engaass]

طيب دى حاجة كويسة جدا
سبب السؤال هو

ان واحد جارى اشترى شيفرولية لانوس زيرو(2011) فلاحظت ان الكاوتش عنده بريلى مع العلم ان عندى كموهو (2010)
ده معناه ان منصور فى بعض الامور بتتحسن عنده وده شىء كويس
وبكدة يبقى الزميل اللى كان بيقوا انه شاف اوبترا فى المعرض وحس ان الصاج بتاعها احسن من عربيه ممكن يكون الموضوع ده بجد
عقبال باقى العيوب لما تتظبط

[medo500]

ياباشا ماتنساش ان اللانوس بتتجمع هنا في مصر وبعدين الموضوع ده بيرجع للاستوكات المتوفرة من الكاويتش وقتها انا ماعرفش ايه الي بينزل في للانوس بالضبط بس بصراحة ماعتقدش ان الموضوع ده ليه علاقة بموضوع الاوبترا الجديدة وانها صاجها اتقل من الاوبترا القديمة علي الرغم من اني شاكك انهم ممكن يكونو زودوا سماكة الصاج بتاعها بس فيه نقطة ممكن تكون هي الي اتعملت انهم بكونو عملوا حشو بين الصاج وبين العصب بتاع الكبود والسطحية والشنطة علشان كده لما تحط ايدك عليه مايعملش اللبة الي بيعملها معانا في العربيات بتاعتنا زي بالضبط ما تحط سيليكون بين الكبود والعصب بتاعه

[Bassem Raafat]

وغير كده وكده ممكن معارض تلعب وتغير الكاوتش من نفسها .

وأنا لما جيبت الأوبترا من منصور كان كوتشها ( هانكوك ) والمهندس أسامه جبها تقريباً فى نفس الوقت من سمير ريان وكان كوتشها ( كومهو )

[engaass]

وغير كده وكده ممكن معارض تلعب وتغير الكاوتش من نفسها .

وأنا لما جيبت الأوبترا من منصور كان كوتشها ( هانكوك ) والمهندس أسامه جبها تقريباً فى نفس الوقت من سمير ريان وكان كوتشها ( كومهو )

اخ كده اقلل انا برضه جبت من سمير ز. قصدى ريان

ده معناه انه غير الكاوتش
بس جارى جايب من المصرية اللى صاحبها أحمد ريان اللى هو اخو سمير ريان
يعنى مش فارقة

[Usama Nagi]

مش انا بس اللي عندي كومهو في كذا عربية اوبترا كاوتشها كومهو

مش دايما الكاوتش واحد لنفس الموديل

[medo500]

الاوبترا بتنزل بكاويتش هانكوك او كمهو حسب الاستوك الموجود في الشركة وقت التصنيع والاتنين كوري والاتنين واحد تقريبا

[MMamdouh]

معلش هو السؤال ناقص... انهى موديل فى الكومهو و انهى موديل فى البيريللى؟؟

لو اللى فى عربية جارك بيريللى P400 يبقى الراجل اشترى الترماى

MMamdouh

[mhmdalsaadany]

طيب ممكن حضرتك توضح السبب يا بشمهندس ممدوح

[engaass]

هاشوف وابقى اقولكو

[MMamdouh]

طيب ممكن حضرتك توضح السبب يا بشمهندس ممدوح

من خلال تجارب اصدقائى... الP400 تماسكة وحش مع الطريق و فى المية بيبقى مشكلة

اللى كويس فى بيريللى و عن تجربة شخصية هو الP3000 و حتلاقى فرق سعر بينة و بين الP400

الكومهو اللى انا مركبة حاليا هو كاوتش high performance فا مينفعش يتقارن بالكاوتشات اللى فى الاوبترا بس من خلال الreviews اللى على الانترنت كاوتش الكومهو دايما بيدى اداء ممتاز جدا بالمقارنة بسعرة... يعنى بمعنى اخر فرق السعر بينة و بين الماركات اللى زى بردجستون و الميشلان و كدة اكبر بكتير من فرق الاداء بينهم

MMamdouh

[Usama Nagi]

من خلال تجارب اصدقائى... الP400 تماسكة وحش مع الطريق و فى المية بيبقى مشكلة

اللى كويس فى بيريللى و عن تجربة شخصية هو الP3000 و حتلاقى فرق سعر بينة و بين الP400

الكومهو اللى انا مركبة حاليا هو كاوتش high performance فا مينفعش يتقارن بالكاوتشات اللى فى الاوبترا بس من خلال الreviews اللى على الانترنت كاوتش الكومهو دايما بيدى اداء ممتاز جدا بالمقارنة بسعرة... يعنى بمعنى اخر فرق السعر بينة و بين الماركات اللى زى بردجستون و الميشلان و كدة اكبر بكتير من فرق الاداء بينهم

MMamdouh

هو حضرتك مركب انهي نوع من الكومهو قصدي الموديل و المقاس

الحاجة العجيبة ان النوع الكومهو اللي راكب عندي power max مش موجود علي الموقع الرسمي لكومهو ده معناه انه موديل قديم ؟؟؟