الاوبترا اللى حيلتى باظت ........!( مشكلة فى الفتيس )

[mahmoudgaweesh]

الحمد لله على ما كان وما سيكون
عربيتى اوبترا اوتو2008 فتيسها شيع امبارح
انا اشتريت العربية مستعملة من شهرين بس
العربية كانت زى الفل مفيهاش اى حاجه وسحبها جامد كنت مش مصدق نفسى خالص
يظهر انها باظت من فرحتى
العربية كان صيانتها فى التوكيل لغايه ال 55000 وانا استلمتها على 60000 طبعا عرفت انى لازم اغير زيت فتيس
المهم بصيت على الزيت لقيتة اسود ومحروق بطريقة غريبة وكان فيه رايش...... غيرته بعدها بيومين لقيت الزيت اتحرق تانى ومع ذلك السحب ممتاز مفيش اى اعراض غريبة غيرته تانى للنضافة واتحرق برضه بعدها باسبوعين .... بس حصلك الخبطة الكبيرة بعد مشوار حوالى 200 كيلو متواصل لقيت العربية وانا ماشى هادى على حوالى 30 كيلو/ س كده صوت متورها بيعلى كأنك كابس كيك داون بس مفيش عزم يعنى الصوت يعلى مع نفسه كده ومفيش سحب بس ماشيه شويه بسيطه كده لقيت العربية فصلت غيارة من نفسها يعنى واخده دى ومبتمشيش وفيه صوت من ناحية الفتيس تحت الكبوت..... فضلت واقف محتار على الطريق ..... وما ادراك وقفت الطريق .... قلت ابطل وادور تانى ربنا يسهل وفعلا العربية ابتدت تمشى معايا بس شويه والصوت ظهر تانى بس الحمد لله سلكتنى لغاية ماروحت البيت كانت لسه حاجه بسيطة على البيت حوالى 7 كيلو متركده...... تانى يوم طلعت بيها على الميكانيكى طبعا ركبنا نجرب ومشينا بيها شويه لغاية ما سخنت وابتدت تعمل الحاجات نفسها ومرة واحده لقينها عماله تتنفض زى مايكون الفتيس هيقسمها نصين طبعا الميكانيكى شاكك فى ميت حاجه فى الفتيس ومش عايز يحله .......... قال نغير زيته ونشوف فيه رايش ولا لا ...... لقينا رايش بسيط ... حطينا الزيت وجربنا.. نفس الوضع . خدتها وديتها لمهندس ميكانيكا وصاحب ورشة كبيرة قالى ده فتيس يعنى الفتيس شيع بس قالى نحل ونشوف لو فيه تصليح نصلح لو تغيير نغير ..........
يارب تستفيدوا من التجربة دى بس يكون فى الخير ان شاء الله
طلب من ذوى الخبرة يساعدونى فى المشكلة دى ويفيدونى هل الصيانة فى الفتيس مجديه ولا لا ولو الافضل اشترى واحد اشتريه منين وياريت تدلونى على ميكانيكى يكون ايده فى اوبترا على طول ولو حد يعرف سعره كام ياريت تساعدونى اصل انا تايه

تم تعديل العنوان
ليدل على محتوى الموضوع
مشرف 20ب

[ASSASSIN]

هي مش العربية كدة فالضمان؟؟


الموضوع دة حصل معايا و طلع إن المصفى عاوزة تتنضف، و ممكن يكون كلتشات هي إلي بايظة و كدة يبقى فعلاً شيع



و لو وصلت لفك هات واحد إستيراد و بلاش تصلح عشان عومرو ما هيتأفل صح تاني ، و ممكن تنزل الحرفيين أو بورسعيد

[mahmoudgaweesh]

الضمان لحد 60000 او 3 سنوات يعنى هيه كده بره الضمان
الغريب انى اتصلت بالتوكيل اسألهم قالوا ممكن نركبلك واحد ب 8000 جنيه او تركب واحد استيراد ب 2500
والله نكته التوكيل هو اللى بيقولى على الاستيراد وبيقولى على تمنه
ولما سألته ايه اللى عمل فيه كده قالى يمكن تكون حرقت عليه .... هههههههههههههههه ...... وانت عامل خاصية الحرق ليه لما هيه ممكن تضيع الفتيس!!!!!!!!
الافضل الحرفيين ولا بور سعيد

[mahmoudgaweesh]

فين يكون ارخص حرفيين ولا بو رسعيد
وهل الفتيس لو اتغير العربية هترجع زى ماكانت ؟؟؟؟؟؟وهل فى حالة اعادة البيع الموضوع ده يأثر على السعر؟

[Usama Nagi]

هي مش العربية كدة فالضمان؟؟

للأسف العربية مش في الضمان لأنها موديل 2008 يبقي عدي عليها اكتر من 3 سنين دا غير انها عدت ال 60 الف كيلو

يا ريت تقولنا ايه اللي هيحصل بالضبط و هتغيره ولا ممكن يتصلح

[ASSASSIN]

إيه الهبل دة ، منه لله منصور


هات إستيراد طبعاً لو فعلاً بايظ ، فرق الفلوس كتير قوي، بس مين أحسن بقى الحرفيين ولا بورسعيد أعتقد ال-2 واحد ، شوف إيه أقربلك و أعتقد إن سعره هيكون أقل من ما التوكيل قال ليك

[mahmoudgaweesh]

شكرا لمرورك mr/ assassin
انا فعلا رأى من رايك بس المشكلة انى قريت عن واحد عانى كتير من الاستيراد مع فتيس لانس ووصلت مصروفاته الى 21000 جنيه مشى ورا الميكانيكية لما ربنا يعوض عليه خسر كتير

[Bassem Raafat]

ربنا يعوض عليك إنت ، بس برضه إيه أصل المشكله ، إيه إللى يخلى الفتيس يشيع كده ؟!

[mahmoudgaweesh]

والله للاسف انا لسه شارى العربية معرفش هل السبب من المالك الاول ولا هو نصيبى كده والحمد لله بس العربية كان سحبها هايل وفتيسها ممتاز لدرجة ان مهندس ركب معايا مرة قالى العربية فتيسها زيرو ولكن ملحوظه واحده ان الفتيس كان بيحرق الزيت بطريقة غريبة وبسرعة عجيبة

[Bassem Raafat]

ربنا يعوض عليك ، بس نصيحه تسأل كويس عن الإستيراد سواء كان فى الحرفيين أو بورسعيد ، ولازم تتأكد إنه سليم 100 × الـ 100 قبل ما تشتريه ، بس مش عارف بصراحه هو بيتجرب إزاى ..!! وبالتوفيق وإبقى طمنا وإحنا حنتابع معاك .

[mahmoudgaweesh]

جزاكم الله خيرا

[abou-yahia]

ربنا يعوض عليك

بص راجع الموضوع ده ممكن يفيدك
http://www.nilemotors.net/Nile/215744-a.html

[rompo10]

ربنا يعوض عليك

[hpxp]

بص انا لسه مغير زيت الفتيس النهارده
الرجل بتاع الزيت قالي الاتي لما لقي الزيت نازل بلك كده عربيتي 2009 وعامل 53 الف كيلو
حط زيت نازل من عربيه تانيه بس محمر يعيني نضيف الزيت نزل بلك لحد ما الموضوع نضف حط الجديد وفالي مش تسخدم الشفاط لانه بسيب رواسب في الفتيس وقلتله ايه الي يحصل لو الزيت اتحط كده قالي ولا اكنك غيرت زيت شوف كده وربنا يسهل ولازم اشكر حضرتك علي موضوعك لان اول ما قريته روحت غيرت الزيت

[mahmoudgaweesh]

الشكر لله
بس ايه الشفاط ده انا معرفوش؟؟؟؟؟؟؟
وهو كل الوبترا زيت الفتيس فيها بيتحرق كده ولا ايه ياريت الناس تتأكد ولو حد يعرف السبب ياريت نعرفه