الفرق بين افيو ولانوس

[hanyeng]

الفرق كبير وواضح بين الاثنين
انا هتكلم عن نفسي انا كنت راكب بيجو 405 قبل ماشتري الافيو علي فكره البيجوي التي كانت معي معنا منذ 1981
المهم انصح اي حد كان راكب بيجو عاوز يبجب كوري يجيب افيو افضل من الفرنا او الدايو

الافيو افضل في
1- الارتفاع عن الارض فهي ممتازه جدا في ارتفاعها عكس الديوا او شفرلويه لانوس وده حاجه مجربنهنا انا مهندس ومعانا عربيات كتير في المواقع
2 - قطع غيار الميكانيكا ( المتور ) واحده مع متور الدايو
3 - الشكل تصميم ايطالي عكس الدايو تصميم كوري
4- تبلوه اكبر واشيك من الدايو
5- تصميم الافيو عالمي يعني فيه في امريكا والسعوديه
6-عكس الانوس والاوبترا ممكن بنتجوا باسماء اخري
شفت ناس جايه من لبيا ركبين اوبترا مو ضوع عليها علامة سزوكي
7- عيب الافيوا العفشة ناشفه نتيجة عيب الكاوتش بتاع الفبريقه اظبطه علي 28 هو دا عيب الافيو وكذلك اكسسوار الافيو اغلي من الدايو زي الفوانيس والشبكه الاماميه هوا داعيب الافيو
لاكن الافيو افضل من الانوس
يعني ادفع 5 فرق بين الافيو والانوس واكرب حاجه انظف
سيبك من كلام الكتير الافيو افضل بكتيييييييرر\
من الانوس
بس الانوس اقدم من الافيو هي دي المشكله
والعربيه بتنحج لان الشكل ثابت الانوس بقالها 15 عام في مصر بنفس الشكل و الموصفات
والافيو ثابت شكلها

[engaass]

بس الفرق حوالى 10 الاف مش 5 بس
وانا معاكا ن الافيو هى تطوير ال لانوس وده معناه انها المفروض افضل بس اعتقد ان الشكاوى من ال لانوس وهى شيفرولية اقل من ال أفيو
وفى الاخر الموضوع بيكون راحة نفسية للعربية قبل اى حاجة تانية
وربنا يحفظ عربياتنا جميعا

[hanyeng]

انا مع حضرتك بس الناس خايفه من الافيو بس معرفش ايه السبب
الدايو عيبها الوحيد انها وطيه علبة الشكمان دايم تحك في المطبات بس ياريت نعرف الشكاوي ايه الافيو

[mido]

انا كان عندى الاتنين لو شلنا الشكل الجديد من المعادله اللانوس احسن كتير

[MMamdouh]

3 - الشكل تصميم ايطالي عكس الدايو تصميم كوري

أللانوس من تصميم المصمم الايطالى جورجيتو جيوجيارو

5- تصميم الافيو عالمي يعني فيه في امريكا والسعوديه

اللانوس موجودة فى امريكا و السعودية و انجلترا و استراليا و بولندا... و ان كان دة لا يعنى اى شىء

6-عكس الانوس والاوبترا ممكن بنتجوا باسماء اخري
شفت ناس جايه من لبيا ركبين اوبترا مو ضوع عليها علامة سزوكي

بعد مشكلة افلاس شركة دايو تم التغاضى عن اسم "دايو" و استبدالة بعدة اسماء اخرى من تحت مظلة جنرال موتورز زى شيفرولية و سوزوكى و بويك... و عربية زى الاوبترا حتلاقى ليها صور على النت باسم دايو نوبيرا III و سوزوكى فورينزا و شيفرولية اوبترا... و الافيو موجودة فى بعض الاسواق باسم جنترا و الاوبترا 5 الهاتش باك موجودة فى امريكا باسم بويك لاسيتى

7- عيب الافيوا العفشة ناشفه نتيجة عيب الكاوتش بتاع الفبريقه اظبطه علي 28 هو دا عيب الافيو وكذلك اكسسوار الافيو اغلي من الدايو زي الفوانيس والشبكه الاماميه هوا داعيب الافيو

و نسيت تضيف ضعف السحب و تاثرة بشدة مع التكييف و خفة الدركسيون بشكل كبير على سرعات عالية

MMamdouh

[eng_sherif_00]

انا وجهة نظرى ان الافيو طبعا تتميز فى الشكل الخارجى والداخلى عن اللانوس بمراحل ولو حد دخل على موقع شيفروليه هيلاقى ان الافيو بتنزل لغاية دلوقتى بنفس الشكل فى حين ان فعلا الاوبترا منزلتش من شركة شيفروليه بامريكا وطبعا اللانوس ثانيا الافيو طبعا اعلى من اللانوس ودى ميزة مهمة جدا فى بلدنا الحلوة لكن الاداء اعتقد انه واحد مفيش فرق كبير

[hoobz]

لي أحد الأصدقاء يعمل على خط الإ نتاج في جنرال موتورز و كان قالي زمان ان فيه فرق في سمك الصاج بين السيارتين لصالح اللانوس ، اللانوس 1.5 مم و الافيو 1 مم
ده اللي أنا فاكره
أيضا كان قاللي النهاردة لو حد عاوز يشتري أفيو يصبر شوية عشان هينزلوا بعض التحديثات فيها مثل ال abs و زجاج فميه و أشياء أخرى كثيرة

[aymaneid]

هو احسن حاجة فى الافيو ارتفاعها عن الارض ... فارق كتير وى مش بس بينها وبين الانوس لا ده كمان فى عرييات كتير زى الجيتا مثلا رغم اداءها القوى وى شكلها الجميل الا انها واطية جدا لدرجة انها بتحك فى كل مطب .....
وحسيت وقتها ان الواحد فى نعمة لما باخد المطب على سرعة وى مش هاممنى من الحك والكلام الفاضى ده ....
ثانى حاجة هى اوسع من الانوس وى اشيك منها وى عصرية للشباب كتير عن غرها الانوس .... مع احترامى ليها طبعا ....
وفى الاخير بردوا دى ازواق ....

[hanyeng]

مبديا شكرا علي جميع ارائكم
من الكلام السبق استنتجت ان العربتين زي بعض تماما يعني مافيش مشاكل جوهريه زي مشاكل الفتيس الموجوده في البيجو
وزي مشاكل التكيف او الفرامل المشاكل الجوهريه
هقول لك الافيو سوف تكتسح الانوس ليه؟؟؟؟؟؟؟
بسبب حاجتين 1- العلو عن الارض ليه معظم سائقين التاكس عادوا بيجيبوا افيو علشان انبوبة الغاز الي في الشنطه
في الانوس لاتنفع ابداااااا بسبب الوطي
التكسي بيفضلها الان بسبب صغر ابعداها عن الانوس وارتفاعها عن الارض ووسعها من الداخل
علي فكره انا بحترم الدايو لاكن بلاش نطلع سمعه سيئه علي الافيو
انحنا نقول الافيو او الدايو محترمه بس انا بفضل السياره دي علشان
منهجمش من غير سبب
وشكرا وعموا ربنا يحميا عربيتنا كلنا من الخدش والخبطات والحوادث