إعـــــــلان

Collapse

.

,
See more
See less

الجنط اتعوج و عايز استعدال

Collapse
X
 
  • Filter
  • الوقت
  • Show
Clear All
new posts

  • الجنط اتعوج و عايز استعدال

    السلام عليكم

    مره واحده و بدون مقدمات كده لقيت الطاره بتاعة الاوبترا بتاعتي بتغربل جامد و انا سايق فقررت بعد نصيحة الاخوه علي المنتدي هنا اني ارصص و اظبط زوايا و تو كلت علي الله ور روحت للناس الاساتذة بتوع بريدجستون عشان ارصص و اظبط زوايا

    فوجئت بالفني اللي هناك بيندهلي و بيقولي تعالي حضرتك يا استاذ شوف انا حطيت الاربع فرد علي جهاز الترصيص و بعد اما برصص برضه بتفضل الفرده ترف فده كده عيب الجنط تقريبا اتعوج و حله انك تستعدله في " الملك الصالح "

    طبعا انا وشي جاب الوان و اتخضيت و زهقن العربيه يا عم لسه معملتش 30 الف لحقت يحصلها كل ده و انا كمان مباكلش مطبات و انا الوحيد اللي بسوق العربيه فايه السبب و قالي مش عارف و مش هظبط الزوايا عشان الجنط

    المهم انا قررت عموما اغير الجنط و الكاوتش كمان بالمره لاني حاسس انه نشف شوية ، و اللي عايز اسال فيه هو انا لو حبيت اعرض الجنط درجة كمان و اخلي الجبنط 15 هينفع و هيأثر علي العربيه و لا لأ و ايه مشاكله

    ملحوظة :
    لكل اللي بيشجع موضوع النيتروجين في الكاوتش اقوله موضوع فاكس الراجل لما لاقاني اتخضيت من موضوع الجنط ده قال يعمل معايا واجب قام حب يقيس الفرد بتاعة الكاوتش اللي انا عاملها عندهم نيتروجين من اقل من شهر و كنت مظبط اللي قدام 30 و اللي ورا 28 فوجئت بالراجل بيقولي انت ازاي ماشي عليها كده ليه يا عم قالي الفرد مظبوطه علي 35 !!!!!!!!!!!!!!!!!!!!

    مع الشكر

  • #2
    حضرتك ساكن فين؟
    :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]

    Comment


    • #3
      المشاركة الأصلية كتبت بواسطة mesaharaty مشاهدة المشاركة
      حضرتك ساكن فين؟

      عين شمس - جسر السويس

      Comment


      • #4
        الاوبترا 2011 جنوطها 15
        فمهيالى ملهاش تاثير سيئ عالعربية
        المتشائم يري في كل فرصه صعوبه , و المتفائل يري في كل صعوبه فرصه

        Comment


        • #5
          معالي الباشا ولا تقلق روحك
          انت حضرتك تبيع الجنوط بالكاوتش وتجيب جنوط اسبور مع كاوتش هنكوك او كمهو او بريد جيستون وهتبقي معاك ان شاء الله زى المانجة العويسي
          وربنا يسترها معاك ومعانا
          ومتقلقش ركب جنوط 15 بوصة بكاوتش 195 /55
          ودة المقاس الي نازل ف 2011 وهتلاقي المقاس دة مكتوب عند علي درج التابلوة من جوة
          وبالتوفيق

          Comment


          • #6
            الف شكر ليكم يا جماعه علي ردكم ..... بس كنت عايز اعرف اربع فرد كاوتش و طقم جنوط كمان يعملوا كام كده تقريبا

            Comment


            • #7
              المشاركة الأصلية كتبت بواسطة midohector مشاهدة المشاركة
              السلام عليكم

              مره واحده و بدون مقدمات كده لقيت الطاره بتاعة الاوبترا بتاعتي بتغربل جامد و انا سايق فقررت بعد نصيحة الاخوه علي المنتدي هنا اني ارصص و اظبط زوايا و تو كلت علي الله ور روحت للناس الاساتذة بتوع بريدجستون عشان ارصص و اظبط زوايا

              فوجئت بالفني اللي هناك بيندهلي و بيقولي تعالي حضرتك يا استاذ شوف انا حطيت الاربع فرد علي جهاز الترصيص و بعد اما برصص برضه بتفضل الفرده ترف فده كده عيب الجنط تقريبا اتعوج و حله انك تستعدله في " الملك الصالح "

              طبعا انا وشي جاب الوان و اتخضيت و زهقن العربيه يا عم لسه معملتش 30 الف لحقت يحصلها كل ده و انا كمان مباكلش مطبات و انا الوحيد اللي بسوق العربيه فايه السبب و قالي مش عارف و مش هظبط الزوايا عشان الجنط

              المهم انا قررت عموما اغير الجنط و الكاوتش كمان بالمره لاني حاسس انه نشف شوية ، و اللي عايز اسال فيه هو انا لو حبيت اعرض الجنط درجة كمان و اخلي الجبنط 15 هينفع و هيأثر علي العربيه و لا لأ و ايه مشاكله

              ملحوظة :
              لكل اللي بيشجع موضوع النيتروجين في الكاوتش اقوله موضوع فاكس الراجل لما لاقاني اتخضيت من موضوع الجنط ده قال يعمل معايا واجب قام حب يقيس الفرد بتاعة الكاوتش اللي انا عاملها عندهم نيتروجين من اقل من شهر و كنت مظبط اللي قدام 30 و اللي ورا 28 فوجئت بالراجل بيقولي انت ازاي ماشي عليها كده ليه يا عم قالي الفرد مظبوطه علي 35 !!!!!!!!!!!!!!!!!!!!

              مع الشكر

              السلام عليكم كل عام و انتم بخير :)


              إعوجاج الجنط او وجود رفة فى الجنط يؤدى الى الاتى :

              1. هزة فى الطارة مع السرعات
              2. العجل يتاكل بسرعة ( سرعة التنين)
              3. بلى العجل يودع بدرى بدرى


              يتم ظبط الجنوط عند ورشة فوق نفق الملك الصالح الورشة اللى واخدة ناصية :)




              شوف يا باشا خلى ظهرك الجيزة و يكون نفق الملك الصالح فى وشك بدل ما تنزل النفق اطلع من فوق النفق و ادخل الشارع الصغير يمين النفق الراجل هاتلاقية واخد اول ناصية بعد ما تدخل الشارع دة على اليمين. فية واحد تانى الناحية التانية بس مش واخد ناصية و انا هناك كان فية واحد معاة بى ام 520 جديدة قالى انة ظبط قبل كدة عند الورشة الى مش واخدة ناصيىة دية بس ما ارتحش عندهم المهم و انت رايح اعمل حسابك تاخد معاك علبة زيت باكم صغيرة و صنفرة عشان بينضف بيهم الطنابير ورا و قدام و بينقع فيهم المسامير بتاعة العجل غير كدة هايقلك هات 20 جنية نجيب بيهم الكلام دة و طبعا ولا هاتعرف هو جاب بكام اصلا المهم الموضوع اتكلف 300 جنية للاربع فرد شاملة ال 20 جنية و هو بيحدد السعر حسب الكشف على الجنوط و كدة و اللة الموفق :)

              تفنيط سعر استعدال الجنوط

              الفردة 60 جنية اربع فرد 240 جنية
              ترصيص 5 جنية للفردة اربع فرد 20 جنية
              20 جنية فك و تركيب

              كلة 280 جنية

              نتيجة الاستعدال مرضية جدا و الراجل نصح بعمل موضوع الاستعدال دة مع كل تغيير طقم كاوتش و ربنة يوفقك للخير
              [CENTER][CENTER][FONT=Lucida Sans Unicode][SIZE=2]Ahmad Abd El-Azeem[/SIZE][/FONT][SIZE=2]
              [/SIZE][/CENTER]
              [FONT=Lucida Sans Unicode][SIZE=2] Enterprise Technical Sales Manager TE Data[/SIZE] [/FONT][/CENTER]

              Comment

              Working...
              X