هو احنا ليه في مصر كده

[khaloooda]

من كام يوم قابلت واحد صاحبي كان سافر السعودية من فترة
قعدنا مع بعض
وجت سيرة العربيات هناك
حاجة توجع القلب
المهم الراجل جايب هناك هامر لززم الفسح وجايب اوبترا اوتوماتيك لزوم المشاوير وطلبات المدام وكده
المهم
اخوكو جايب اوبترا اوتوماتيك 2010 - او كانت اوبترا قبل الحادثة
المهم
بنتكلم عن الاوبترا عرفت ان الراجل جايبها بـ 48 الف ريال
فول اوبشنز
فيها abs & air bag
لما بقوله انا جايبها ب 95 الف من غير اير باج ولا ايه بي اس
قالي اه ما هو اصل السعودية ودول الخليج عموما بتشترط مواصفات معينة في العربيات اللي تدخل اراضيها عشان ايييييييييييه
عشان عوامل الامان والسلامة
طبعا انا الكلمتين دول بالنسبة لي خيال علمي
يعني ايه عوامل امان وسلامة
كلمتين ملهمش وجود في مصر

والدليل علي كده الظاهرة اللي اجتاحت الجمهورية كلها من كام سنة واسمها التوك توك
حد بيفهم يا جدعان يقولي
احنا في فحص تجديد الرخصة بدخل حاجة اسمها امن ومتانة وبيكشف علي علبة البئة وكده
اييييييييييه اللي في التوك توك ممكن يكون ليه صلة بالامن او المتانة واو السلامة
انا مش فاهم
اللي قرر ترخيصه في مصر ده كان بيفكر ازاي

المهم نرجع لصاحبي
انا سؤالي يا جماعة
هو احنا مش بني ادمين زي الناس دي
هم مش بيعتبروا وجود الاير باج والايه بي اس كماليات
دي اساسيات زي التكييف بالظبط
لان سلامة وامن المواطن السعودي وسلامة غيره من الحوادث ترتبط بالحاجات البسيييييطة دي اللي التوكيلات عندنا لسة مصممة علي اعتبارها كمااااااااليااااااااات

حسبي الله ونعم الوكيل

[hanyeng]

لا ياسيدي انت مش واخد بالك هما بيعمالو كده ليه
هو بيقول 45 الف ريال اضرب في واحد ونصف فرق العمله للتحوليل بالجنيه هتلاقي العربيه دي 70 الف
يعني دي بالموصفات الخليجي شوف بالجمرك هتوصل بكام ضيف عليها الجرمك وضيف عليها فرق ايه بي اس والايرباج الجمرج بدخل الحجات ديه معاه لان نسبة الجمرج تصل الي 100 % بعد اضافة ضربية المبيعات وخد عندك حجات كتير ضربية المبيعات مش قل من 10 % من اجمالي المبلغ بعد اضافة الجمرك
المهم انا بعتقد الجمرك التكلفه الحقيقيه 100 %
مش بالظبظ بس هي كده
يعني عربيه ثمنها 77 تلاقي تمنها في كوريا ما يعادل 30 الف مصري بنفس الامكنيات
هو بيخفض الكملايات علشان يعرف يبيع
العربيه الافيو في امريكا تمنها 20 الف دولار بدون جمارك
شوف الفرقها وبين المصري
جرمرك هوالي مبهدلنا يعني العربيات المحترمه متدخلش مصرليه علشان الجمرك
العربيات الي في مصر اعفن فئه في جميع المصانع حتي لو مرسيدس او بي ام
بتبقي فيه اتفقات بين الوكيل والمصنع وانت لو رحت تجيب عربيه من بره هتلاقي انك تدفع اكتر من انك تشتريها بمصر
هما في مصر بيدوك شكل العربيه بخمات زباله بماكمنيات زباله

[SonaSteel]

حسبي الله ونعم الوكيل

[saadelden]

علي فكره الاوبترا دلوقتي في السعوديه فل اوبشنز ب 2Air bag و ABS و شويه كماليات زياده ب 45700 ريال
و جمركها حوالي 40 الف جنيه

طبعا لو حسبت فرق الكماليات و فرق الخامات هتلاقيها وصلت ل 100 الف جنيه

بصراحه التوكيلات في مصر بتدور علي اقل مواصفات عشان يكسب اكتر و يحط مواصفات الامان في الفئه الاعلى عشان تدفع اكتر
لكن ف السعوديه لازم Air bag للسواق علي الاقل و قضبان فلازيه في الابواب و ازاز متعدد الطبقات الي لو اتكسر يفضل في مكانه علي شكل شبكه
غير الازاز الملون و المعالج ضد اشعه البنفسجيه UV الي بتإذي الجلد و العين

مفيش طبعا الكلام دا الا في اعلى فئه في مصر !!

[raedegypt]

التوكيلات مش السبب ممكن قوى تعديل الموصفات المصريه وخلصنا بس انا شايف مصر غير الخليج ففى بلدنا لاشوارع وزحمه محدش بيجرى طبيعه طرق مصر اصلآ ليست مطابقه الموصفات العالميه للامن والسلامه والموضوع طويل مش عايز اطول الكلام فيه اذن لماذا نرفع اسعار السيارات بسبب زيادة موصفات امن وسلامه فى طرق لا امن ولا سلامه فيها ناهيك عن مصر سرعات المركبات اصبحت تقارب ال 40 كم - ساعه كمتوسط اغلب الاوقات من الزحام ومشاكل المرور واعطال السيارات بالطرق والتعديات و................الخ

[sh3sh3]

حٍسبي الله ونعم الوكيل ياريتك مفكرتني انا والدي شغال في السعودية وكنت بزن علية ازن اجيب عربية مستعملة من هناك بتمن الاوبترا اللي معايا دي وانزل بيها تربتك 6 شهور واستمتع بفلوسي واني راكب حاجة نضييفة واوبشنز محدش يحلم بيها يعني في دمافي مثلا كنت عايز اجيب infinity تمنها ااقل او مساوي لتمن الاوبترا ام 100 الف دي
بس تقول اية ؟؟؟؟ حسبي الله ونعم الوكييييييييييييل في الجمارك

[sniperwolf]

صلة بالامن او المتانة واو السلامة

ياباشا لا حضرتك بتقولها غلط المفروض هنا فى مصر اسمها امل قمل و نتانة

[ahmedesmat1987]

طول ما فى جمارك عاليه عمرنا ما هنركب حاجه نضيفه

[raedegypt]

لو رخصوا السيارات تتحول الطرق فى مصر خلال سنه جراج كبير وانسى حد يعرف يسوق سيارته

[ahmedaglan]

فعلا موضوع فرض الجمارك محجم الناس في موضوع الشراء ولو الجمارك قلت او اتلغت مصر مش هيبقي فيها مجال لحد يسوق ولا حتى لو ركبت موصلات وهتبقي ازمة اكتر مهى موجودة حاليا

[khaloooda]

مش سبب انهم يعاملونا بالشكل ده
انا مش بحكي في رخص او غلا الاسعار
انا بتكلم علي المواصفات
اللي هي هناك اساسيات
وهنا لسه كماليات

حسبي الله ونعم الوكيل

[mido51eg]

ياجماعة محدش يحول العملة للجنيه المصري، بمعنى ان 48000 الف ريال هي هي 48000 الف جنيه هي هي 48000 الف درهم .... 48000 الف دولار
المقصود 48000 الف وحدة نقد وبس بدون تحويل واذا علمت ان دول الخليج معندهاش جمارك على العربيات يبقى تعرف ان التوكيلات والحكومة بيهرسونا هرس.