سحب العربية

[doc_semsem]

ياجماعة انا زهقت بجد مش عارف اعمل ايه؟؟؟
سحب العربية وحش جدا كل يوم بيقل بالذات مع التكيييف
وساعات بيكون كويس جدا مع انى لسة مغير بوجيهات واسطوانة
اعمل ايه تانىى؟؟؟؟
وياريت لو فى ميكانيكى كويس ويكون عنده جهاز اسكنر؟؟؟

[sammor_28]

في ميكانيكي في بنزينه وطنيه اللي جنب جمعيه الوفاء والأمل-الحي العاشر-مدينه نصر
وهو اسمه احمد سعيد وهو كويس انا كنت بتعامل معاه لما كان معايا الافيو وكان تمام ومرتاح لشغله ومعاملته وهو عنده كمبيوتر للكشف

[mmtronic]

حط فى اعتبارك يا باشا البنزين
احيانا كتير بواجة الى انت بتشتكى منة
لكن لما ركزت شوية لقيت ان مش بيظهر الكلام دة دايما - و العامل المتغير هنا هوة البنزين
و ابتديت الاحظ انا فى محطات كويسة دايما بنزينها كويس و بلاقى العربية ادائها كويس لما بمون منها و فى محطات زبالة

[doc_semsem]

طيب انا باامون من بنزينة واحده بس

[mmtronic]

طيب انا باامون من بنزينة واحده بس

بسيطة - غيرها و شوف نتيجة الاداء
خليك فى موبيل \ امارات مصر\ شل
جرب و شوف

[mando_07]

جرب تحط منظف دورة البنزين بتاع stp يمكن يبقى عندك شوائب كتير كتمالك العربية

[doc_semsem]

طيب اجيبه من اين؟

[alemam2005]

موضوع سحب العربيه ده ذي ما كلنا عارفين بيأثر عليه اكتر من عامل ذي:-
1- شمعه الاحتراق اخر مره غيرتهم امتي المفروض كل 40000 الف او علي حسب استخدامك
2- فلتر الهواء اخر مره مغيره امتي و كمان بتنضفه كل غيار زيت و لا لأ
3- نوع البنزين اللي حضرتك بتستخدمه و كمان البنزينه اللي بتمون منها بتغش البنزين و لا لأ
4- فلتر البنزين
5- الرشاشات مكتومه و لا حالتها كويسه

وفي عامل مهم مقارنه سحب السياره اللي انت ركبها بعربيه اخري يعني مينفعشي تقارن الافيو مثلا بنيسان صني او جين 2 هذا علي سبيل المثال العربيات دي 1600 وكمان معدل استهلاكها في البنزين عالي مقارنه بأستهلاك الافيو

[mando_07]

طيب اجيبه من اين؟

من أي محطة بنزين