تجربة سريعة لأوبترا

[MaZaGAngeE]

جربت أوبترا أوتوماتيك بتاعة زميلي في مشوار من بني سويف الى المنيا و العودة و كنت انا سايق و احنا راجعين .
ملاحظات سريعة :
القعدة معقولة , يعني لا هيه مريحة قوي و لا ناشفة زي لانوس مثلا .
العدادات شكلها حلو بس تحس ان فيه بيانات كتيرة ناقصة . مش عارف يمكن متهيألي
التكييف تحفة كنت بردان جدا و التكييف على 2
العربية بطة في طلعتها لكن غرز كويسة و ممكن تلعب حلو على الطريق بس لما تاخد سرعتها الأول
الشبابيك ورا عادية مش كهربا ... مش فاهم يعني ده هيفرق في تكلفة العربية كام يعني 100 جنيه ايه الشركات البخيلة دي .
العربية واسعة زي النوبيرا و تاخد 3 ورا متوسطي الأجسام مستريحين و الشنطة حلوة برضه .
ثبات العربية كويس
التابلوه تصميمه حلو بس برضه حاسس انه فاضي


باختصار العربية حلوة و عائلية و عجبتني و لما اشتري عربية تحت 100 ألف هتكون أحد الاختيارات المنافسة بقوة

[Ahmed_Ezz]

ديه اكيد اول موديل للاوبترا لانها اربعة ازاز كهرباء من اول 2007 تقريبا و يمكن قبل كده و اكيد ده اللى خلاك تقول بطة فى الطلعه :) لانها سارووووخ فى الطلعة جرب اوبترا تانية بس تكون متصينة كويس و مش تعبانة لانى جربت واحده اوائل 2007 و بردو كانت ازاز قدام بس كهرباء و كاسيت سنجل كمان و كانت ساروووووخ و كانت عاملة 180 الف :) بجد لازم تشوف واحده من الجداد الشكل الداخلى حتى فيه اختلاف و ربنا يوفق ان شاء الله

[Usama Nagi]

هي فعلا طلعة الأوبترا هادية شوية بس مش لدرجة البطة
هي الوقتي 4 زجاج كهرباء + مرايات كهرباء

باقي الملاحظات مضبوطة
ما تنساش ان العربية من تصميم 2005 فهي مافيهاش الحاجات الموجودة في الموديلات الحديثة
التابلوه و العدادات تصميمهم جميل و متناسق ناقصها كمبيوتر رحلات

[MaZaGAngeE]

جربت اوبترا 2011 بتاعة نسيبي , الله يباركله طلعة قوية , تجميع سريع , ثبات و عفشة حلوين جدا مع المطبات و الملفات .
التابلوه متغيرش كتير بس الجديد احلى كتير