سرقوا الطاسات !!!!!

[okasha]

السلام عليكم
حسبى الله ونعم والوكيل. الجماعه اياهم سرقوا طاسات الاوبترا.
انا ان شاء الله هاسال عليهم فى التوكيل وربنا يستر والاقيهم بسعر معقول
بس انا عايز حد يقوللى ازاى ممكن يتحافظ عليهم لانى فكرت ان حتى لو ربطتهم بحزام فاللى جاى يسرق هيكون جاهز ب قصافة او ماشابه
واعتقد ان لو حد عنده حل او طريقة كويسة هيكون موضوع فيه افادة لجميع مالكى السيارات اللى طاساتها كبس زى حالاتى كده
ولا اراكم الله مكروه فى "عزيزة" او عزيز لديكم

وشكرا للجميع

ان شاء الله
وليس انشاء
الادارة 1

[mohamed ibiza]

يا باشا ولا تزعل نفسك الله يحرقهم و خلاص انا ياما اتسرق من عندي طاسات السيات ابيزا عادي جدا بقيت اقول ان مكانوش اتسرقوا كانوا هيقعوا:)فدااااااااااااااك

[shady_elkady]

انا مرة راكب عربيتى بسخنها الصبح (افيوا) يعنى الطاسات مربوطة باربع صواميل فى الجنت و و العربية كانت كلها تراب ببص فى المرايا اليمين لقيت و احد بيفك الطاسة و انا فى زهول تام و مش مصدق راكب العربية و الطاسات بتتسرق لسة بفتح الباب لقيتة فى اقل من لحظة اختفا
انت اكيد فى مصر ------------------

[Karim_Monir]

انا مرة راكب عربيتى بسخنها الصبح (افيوا) يعنى الطاسات مربوطة باربع صواميل فى الجنت و و العربية كانت كلها تراب ببص فى المرايا اليمين لقيت و احد بيفك الطاسة و انا فى زهول تام و مش مصدق راكب العربية و الطاسات بتتسرق لسة بفتح الباب لقيتة فى اقل من لحظة اختفا
انت اكيد فى مصر ------------------

لاء جامدة دي
ده انا لو منك اجري وراه واربطة في العربية 3 ايام عبرة لمن يعتبر

[Islam_galal]

ربنا يعوض عليك

[zeyad1810]

ربنا يعوض عليك
بدل وجع القلب دة وتركبهم وممكن يتسرقو تانى فانت ممكن تسيبها كدة او تركب جنوط سبور وتريح دماغك

[boty50]

عزيزي

سبقتك واتسرقت الطاسات برضة من ومن اوبترا برضة
بالأسكندرية العام الماضي بعد نزولي بها من الكويت بيويمن
فقط ، وكانت سرقتهم بعد سرقة العلامة بتاعة الشيفورلية
الذهبية الخلفية

شوف انا بقالي سنة وانا بدور علي حل ليها ومش لاقي حتي
في المواقع الأجنبية ، الموجود انك تأمن العجلة نفسها من السرقة
عن طريق صواميل لها مفاتيح خاصة جدا

او انك تغير الي جنوط!!! مع فرق التكلفة طبعا

ولو فية حد في المنتدي عندة أفكار تانية ياريت ياريت يقولنا
ولو سمحت ابقي قوللي علي سعر الطاسات الجديدة ونوعها
(يعني أصلي تقليد)

[mina_ramsis]

ب 110 للطاسة على ما اعتقد

[hero]

انا في رأيي بما انك بقي في مصر....
يبقي خلي العربية من غير طاسات....وامرك لله...

انا واحد زميلي اتسرق منة علامة الكورولا 3 مرات ....حلف مليون يمين ما هايشتريها تاني...وفعلا ...من ساعتها العربية من غير علامة...(الواحدة بـ 75 جنية!!!)

[eng_mkhalaf]

يبقى فرصة علشان تجنط وتشترى دماغك

[Hossam_Hassan]

لا تجنط ولا تركب طاسات، امشى من غير طاسات و ريح بالك، فى الغلاء و السرقة اللى احنا عايشين فيها، مظهر العربية مش هيفرق لما يبقى 8 من عشرة، و شوية شوية هتتعود على منظرها كده.

[okasha]

شكرا

شكرا للادارة على التعديل - عندك حق
وشكرا لكل من ساهم بالردود واعتقد انى هاخد بالراى اللى قال خليها كده "لحد لما احوش ثمن جنوط سبور":)"
وبعدين انا زعلان من صاحب الافيو لانه لو كان مسك الحرامى ده ماكانش جه عندى وسرقنى :( "بس حلوه الحكاية دى- حكايتى اهون شويه"

[أبو عمار]

أنا إتسرقت منى من شهر كده طاسة واحدة و رحت جبت غيرها(إستعمال) من شارع صلاح الدين ب 45 جنيه و الغريب إن الراجل اللى باعها لى قالى إربطهم بأفيـــز عشان ما تطيرش قولتله أنا رابطهم بـ 2 أفيز و طبعا هو سيد العارفين إن الطاسات بتطير و تجيله.

[boty50]

والله أنا جتلي فكرة عجيبة

وهي انة ممكن جدا نحفر عليها اول حرفين من
أسم صاحب العربية علي الطاسات بدون تلوين
بشكل كدة جميل (حفر وليس طباعة)

لو أتسرقت مش حايقدر الحرامي يمسحهم والا حايبوظ
الشكل خالص وكمان مش حايقدر يبيعهم وهما كدة

فكرة جديدة ونشوف الآراء عليها

[mina_ramsis]

ممكن بس ايه اللى هيمنعه انه يبعهم غير اذا كان الحفر بوظ شكلهم و فى الحالة ديه بس ما الحرامى يسرهم احنا اللى بوظناهم