تغيير علامة سيارة لاسيتي الي كروز ؟

[_MMS_]

السلام عليكم علي احلي اعضاء في المنتدي
عايز اسمع راي الناس الجميلة الي هنا في
واحد صاحبي خالص قرر بعد ما شاف الكروز التوب لاين بتاعتي
انو ما يدفع جنية لمنصور بعد ما شاف الدايو الاسيتي
انا مش هتكلم عن الفرق الششششششششششاسع
انا هسال
هو هيجبها ال cdx و ديه اعلي فئة
السؤال بقي ....
هيشيل كل علامات الدايو ورا و قدام و هيحط علامة شيفروليه و هيكتب كروز زي بتاعتي بظبط
ينفع الكلام ده ... و كمان لسه العربية مطلعتلهاش رخصة . فمن الاخر ينفع يقلبها شيفروليييه ؟
شاكر ردودكوا ومساعدتكوا

[_MMS_]

متابع باهتمام ................................
للرفع

[raouf]

لا طبعا لان الرخصة بتطلع على حسب الافراج الجمركى اللى هوا دايو

لما يغير الحاجات دى كلها الناس هاتعتقد نها شيفورليه لكن المرور والرخصة ليهم بالافراج الجمركى فقط

[hmada9009_99]

ثم عاوز يغير العلامه بتاعت الدايو دي علامه الدايو اشيك مليون مره من علامه شيفورليه عموما الف مبروك على العربيه ثم هو جابها على كام لأني كنت بفكر اجيبها؟

[KoDaK_Gti]

دى الدايو اشيك بكتيييييييير
كفايا فرق الاوبشن والزينون وسخانات فى الكراسى واوبشن follow me وجنوط 17
انا كنت شوفتها فى معرض فى الدقى كانت اعلى فئة ب 145 دايو لاسيتى

[_MMS_]

يا جماعة شاكر جدا ردودكوا
اولا ... هو من ساعة ما شاف عربية صيني اسمها مابل انجلون شبة المرسديس اس كلاس ..وحطه كل علامات مرسيدس و كاتب 200 Komproesr و هوصدق انها مرسيدس
ده بقي بيحب الكروز جدااااا وفضلها عن الاسكودا و الباسات و انا عارف انوا يقدر بشتريها
فاعايز يجيب الاسيتي عشان فيها حاجات كتييييييييييرة افضل مش في الكروز و يحط علامة شيفروليه
كل واحد و زوقه
لكن شكلها مش هتنفع من ردوكوا و انا لسا يا جماعة متابع لو فيه اي حل
ملحوظة .. صاحب العربية الصيني ديه ساله قاله انو بيلف بيها من ساعة الثورة و محدش كلمه خالص حتة البيشوف الرخصة .
متابع .....

[_MMS_]

ثم عاوز يغير العلامه بتاعت الدايو دي علامه الدايو اشيك مليون مره من علامه شيفورليه عموما الف مبروك على العربيه ثم هو جابها على كام لأني كنت بفكر اجيبها؟

جايبها من واحد حبيبنا من بورسعيد فيها كله بصمة زرار سخانات زنون عالي واطي فتحة سقف كراسي كهربا
كله با 140 الف بعد فصال رهيب

[hmada9009_99]

جايبها من واحد حبيبنا من بورسعيد فيها كله بصمة زرار سخانات زنون عالي واطي فتحة سقف كراسي كهربا
كله با 140 الف بعد فصال رهيب

شكرا على اهتمامك

[_MMS_]

متابع يا رجالة ... لو الحكاية قفلت يا ريت حد ياكد

[shaddadfalcon1]

طالما همه الشكل يبقي شيفروليه يرخصها دايو عادي ويبقي يغير العلامتين وخلاص مع اني مش شايف ان ليهم لازمه بس طالما عايز كده بس الخوف ان العلامات الجديده متبقاش بنفس جودة الاصليه وملتزقش كويس

[_MMS_]

طالما همه الشكل يبقي شيفروليه يرخصها دايو عادي ويبقي يغير العلامتين وخلاص مع اني مش شايف ان ليهم لازمه بس طالما عايز كده بس الخوف ان العلامات الجديده متبقاش بنفس جودة الاصليه وملتزقش كويس

كلام جميل
انا بسال في اي مشكلة فانونية / مرورية علي الحكاية دية
هو كدا جاب شبكة اصلية وعلامات و الحروف كل اصلي
لكن مستنين انا نتاكد لو الكلام مش هيقي فيه ماشكل

[hmada9009_99]

كلام جميل
انا بسال في اي مشكلة فانونية / مرورية علي الحكاية دية
هو كدا جاب شبكة اصلية وعلامات و الحروف كل اصلي
لكن مستنين انا نتاكد لو الكلام مش هيقي فيه ماشكل

ازاي الكلام ده ازا كان الدايو الاسيتي اللي شبه كروز بتنزل بمتور ecotec وده موتور الأوبل فكترا الجديده موديل 2008 و 2009 و2010 وماتور شيفورليه كروز بتاعت منصور بتنزل بماتور اوبترا الفرق شاسع وال vin code بيختلف تمام

[_MMS_]

ازاي الكلام ده ازا كان الدايو الاسيتي اللي شبه كروز بتنزل بمتور ecotec وده موتور الأوبل فكترا الجديده موديل 2008 و 2009 و2010 وماتور شيفورليه كروز بتاعت منصور بتنزل بماتور اوبترا الفرق شاسع وال vin code بيختلف تمام

يعني لو العربية هتتمسك في كمين هيبقي في مشكلة ؟
انا عايز اجابة واضحة ...
انا عارف اني هي هتترخص دايو ... لكن هم هيعاقبو علي علامات السيارات ؟
انا بشوف تاكسيات كتيير اوي زي ال 504 شيلة العلامة وحطة علامة الاودي
و منتشرة

[SheNo0o]

اعتقد اخي العزيز مش هيبقا في اي مشكله هي مجرد تغيير علامات العربيه مترخصه دايو وبصمه المكنه صحيحه وكل حاجه صحيحه متفرقش

بس من وجهه نظري يسيب العربيه ستوك احسن ويتمتع بالتميز انه راكب دايو لاسيتي مش كتير راكبينها ولا منتشرة

انما لو خلاها كروز اعتقد مش هيحس بالتميز ده وهيبقا فقد الميزة دي

وكل انسان وله وجهه نظره ربنا معاه

[shaddadfalcon1]

انا مش قادر افهم ايه مشكلته مع الاسم

الاسم في الرخصه ده اصلا ولا هييبص عليه وممكن ميبصش فيه غير لما يجي يجدد ترخص العربيه

ولا هو عايز عشان لما يبيعها تبقي شيفروليه فيعرف يبعها احسن مثلا؟؟