قايم العربية

[khaloooda]

انا عملت حادثة بعربيتي اوبترا 2010
القايم اليمين بتاع العربية اتعوج
او بلغة الصنايعي بقي مفتول
السمكر بيقنعني ان اسلم حل عشان ترجع العربية لحالتها الطبيعية قص القايم وتغيير كل الجزء المعووج والمصاب واستبداله بقايم اخر
انا مش عاوز اقطع في عضم العربية قدر الامكان
مش هيبقي موت وخراب ديار
اصرف علي التصليح اد كده وحاجات من التوكيل وشقي وتعب في الحرفيين مشفتوش من يوم ما اتولدت
وفي الاخر العربية تضيع بالمنظر ده
قام السقف يتقص
وقايم الباب يتغير نصه
والعتب يتوصل

مش عارف ان حاسس ان السمكري اللي معايا هو اللي بيستسهل
عاوز يقص ويلحم وخلاص

طاب يا عم ما تجرب تطرق الحاجة
جرب زراجين
يقولي مش هترجع زي ما كانت وهتضطر تعمل فيها شغل معجون ودوكو كتير عشان تداريها

لو عاوز اعملها لك كده اوكيه

مش عارف انا احترت وشكلي هيتنصب عليا للمرة المليون

[medo500]

طيب ممكن حضرتك تصورلنا القايم والحاجات الي بيقولك السمكري انها محتاجة تتغير والاخوه هنا في المنتدي اكيد هايعرفوا اذا كان فيه امل من القايم والحاجات دي انها تستعدل ولا لازم تتغير

[hanyeng]

القايم ده هيعدم العربيه

[HeMa_LanCeR]

صوره للقايم

وهو القايم مفتول بس ولا فيه عصره؟
عموما لو مفتول بس كده ممكن يتظبط ولازم يتظبط علي الباب

[hugan]

الصوره مش باينه
لكن روح لسمكري تاني وتالت
قص القايم وتغييره في عرف السوق المصري يخلي العربيه ماتساويش
اكيد في صنايعيه نضاف ويقدرو يعالجو العربيه