مشكلة في فتيس الاوبترا .. ارجو المساعدة

[salah008]

السلام عليكم و رحمة الله و بركاته
الاخوة الافاضل خبراء المنتدي
الحمد لله اشتريت اوبترا 2009 اوتوماتيك من 3 شهور و العربية كويسة جدا و الحمدلله
اول ما جبتها غيرت جميع السيور و الفلاتر و البلي و الشدادات اصلية طبعا
العربية عاملة 90000 كم وللاسف اكتشفت ان صاحبها الاول ما غيرش زيت الفتيس و لا مرة و ده خلاني اقلق خاصة اني لاحظت و جود رجرجة عند الانتقال من الغيار الثالث الي الرابع علي الرعة من 60 ل 80 مش دايما بس بيظهر في المطالع او لما اقرص علي العربية المهم غيرت زيت الفتيس بزيت موبيل atf 320 ونضفت المصفاة و عملت حوالي 2000 كم و رجعت غيرت الزيت تاني و الرجرجة لسه موجودة
ياتري ده عيب في الفتيس و لا ممكن يكون حاجة تانية الميكانيكي قالي ممكن يكون حاجة اسمها صليبة كوبلن وواحد صاحبي قالي رصص الكاوتش حد من االسادة خبراء المنتي ممكن يفيدني
و جزاكم الله خيرا
اسف للاطالة

[abou-yahia]

بص موضع الفتيس ده حساس جدا ومتخليش حد يفتيلك فيه
اللي انت عملته ده صح انك غيرت الزيت والنوع اللي انت حطيته ده كويس جدا
المهم
الزيت الل يكان نازل كان حالته ايه
حطيت كام لتر
انا انصحك انك تروح التوكيل ليه عشان يحط العربيه علي الاسكنر ولو فيه اي خطاء من الفتيس حيتعرف
بعد كده ممكن نتكلم ونروح لبتاع كبالن نشوف اخبارهم ايه
ومفيش مانع انك ترصص وتضبط زوايا مع اعتفادي انهم مش حيفرقوا في الموضوع ده كتير
وشكرا

[salah008]

شكرا لسيادتك علي الاستجابة
الزيت كان نازل بحالة سيئة بس مش محروق
و حطيت 3 لتر
و لما غيرته تاني قست اللي نزل و كان 3 لتر بالضبط
ان شاء الله افحص الفتيس بس هو لازم في التوكيل و لا ممكن في اي مركز خدمة معتمد من منصور
جزاكم الله خيرا

[abou-yahia]

لا المراكز المعتمده برضك كويسه
بس انا عايز التوكيل علي اساس ان ليهم سابق معرفه وخبره في المشاكل بتاعه الفتيس ومحدش يفتيلك
وشكرا

[ahmed643]

التوكيل بيحط لتر ونص زيت فقط
لانه عنده طبه مقاس بيحط بناءا عليها

[abou-yahia]

من واقع خبرتي في تغيير زيت الفتيس في التوكيل فرع الطيران و فرع الرحاب
التوكيل بيحط حوالي 2.50 لتر زيت وفيه بعض الفروع بيحطوا 3 لتر
وشكرا

[mshehata500]

وعليكم السلام ورحمة الله وبركاته طيب ممكن اعرف حليت المشكله ازاي والعيب طلع ايه عشان

السلام عليكم و رحمة الله و بركاته
الاخوة الافاضل خبراء المنتدي
الحمد لله اشتريت اوبترا 2009 اوتوماتيك من 3 شهور و العربية كويسة جدا و الحمدلله
اول ما جبتها غيرت جميع السيور و الفلاتر و البلي و الشدادات اصلية طبعا
العربية عاملة 90000 كم وللاسف اكتشفت ان صاحبها الاول ما غيرش زيت الفتيس و لا مرة و ده خلاني اقلق خاصة اني لاحظت و جود رجرجة عند الانتقال من الغيار الثالث الي الرابع علي الرعة من 60 ل 80 مش دايما بس بيظهر في المطالع او لما اقرص علي العربية المهم غيرت زيت الفتيس بزيت موبيل atf 320 ونضفت المصفاة و عملت حوالي 2000 كم و رجعت غيرت الزيت تاني و الرجرجة لسه موجودة
ياتري ده عيب في الفتيس و لا ممكن يكون حاجة تانية الميكانيكي قالي ممكن يكون حاجة اسمها صليبة كوبلن وواحد صاحبي قالي رصص الكاوتش حد من االسادة خبراء المنتي ممكن يفيدني
و جزاكم الله خيرا
اسف للاطالة

وعليكم السلام ورحمة الله وبركاته طيب ممكن اعرف حليت المشكله ازاي والعيب طلع ايه عشان نفس المشكله دية عندي بالضبط زي ما بتقول كده والعيب طلع ايه برجاء سرعة الرد

[hondaman]

الموضوع التالي منقول،
انت بتحط زيت غلط اول حاجة و الكمية غلط


ارجووووو الانتبااااااه
لكل ملاك الاوبترا الاوتوماتيك
هتكلم باختصاار عن زيت فتيس الاوبترا اللعين .. ايوا هو فعلا زيت لعين لانه من اكتر الزيوت ندره في مصر و اكتر الزيوت اللي عليها اشاعات و بدائل من ملاك العربيه
انا هتكلم بأختصار عن نوعيه الزيت الخاص بالاوبترا و انواعه و طريقه تغيره لاننا كادمنز في الجروب اكتر سؤال بنتساله هو السؤال عن زيت الفتيس للعربيه و لاحظنا عدم معرفه حوالي ٨٠ ٪ من الاعضاء بالزيت ولا طريقه تغيره بشكل مبالغ و يومي .... لدرجه اننا زهقنا من الاجابه علي السؤال لتكراره ..
كل فتيس اتوماتيك بيكون ليه زيت بمواصفه معاينه بنرمز ليها بارقام و حروف و الاختلاف في مواصفات الزيوت بيكون راجع لاختلاف الفتايس في تكنولوجيا عملها و تصميم الفتيس الداخلي ع تحمل درجات الحراره و اختلاف نسبه الضغط من فتيس لاخر .
فاهنلاقي مثلا ان فتيس الاوبترا من موديل ٢٠٠٦ حتي ٢٠١٤ هو فتيس التويوتا ياريس او التويوتا كرولا موديل ٢٠٠٥ بالتحديد وهو ياباني من شركه ( ايسيين ) و هي واحده من اكبر شركات صناعه الفتيس الاتوماتيك في العالم و بتصنع فتيس سيارات و ماركات عالميه زي الفولفو و التويوتا و هوندا و غيرها من الماركات العالميه الفتيس بيحتاج مواصفه زيت تتحفظ لكل مالك اوبترا( JWS 3309 )لاحظوا ان ديه مواصفه مش اسم زيت يعني المواصفه ديه موجوده في انواع و اسامي زيوت كتير بس هي فعلا قليله في مصر و للاسف الشديد جهلا و عدم وعيااا كتير من الناس فاهمه ان زيت موبيل( atf320 ) و هو الزيت المكافئ لزيوت الفتيس الديكسرون 3 في زيوت الموبيل بيعتقدو ان هو الزيت الصحيح الموصي بيه للفتيس بالاوبترا و ده غير صحيح لان الزيت ده بالتحديد بيسبب ارتفاع شديد في حراره فتيس الاوبترا و الدليل انه بيتحرق لدرجه السواد بعد بضعه الاف من الكيلوا متر رغم انه المفروض لو زيت موصي بيه بيقعد في الفتيس ٤٠ الف/كم و النتيجه بالتبعيه هي انهيار الفتيس قبل عمره الافتراضي ب ١٥ سنه تقريبا مع العلم للجميع ان الفتيس الاتوماتيك عمره الافتراضي ٢٥ سنه و بعدد كيلوات يمشيها 650 الف كيلو/ متر و بحسبه صغيره تسمحولي نعملها بشكل نظرى
استخدامك لعبوه موبيل( atf320 ) بسعر ٩٥ جنيه هتمشي بيها ١٠ الاف كم يعني انت عايز عشان تمشي بالنوع ده ٤٠ الف كيلوا تغير ٤ عبوات يعني
٤ × ٩٥ = ٣٨٠
طيب الاوبترا بتحتاج كميه زيت 5.7 لتر تقريبا هنقول ٦ لتر يبقي
٦ × ٣٨٠ = ٢٢٨٠
ديه تكلفه زيت غير موصوف هتحطه لعربيتك لمسافه ٤٠ الف كيلوا ضيف عليهم تكلفه غيار الزيت اربع مرات ..... و غالبا هتكون قصفت عمر الفتيس فيهم ..... في حين ان تغير زيت فتيس بزيت موصوف سعر اللتر من ١٥٠ ل ١٨٠
بالحساب هنقول :
٦ ×١٨٠ = ١٠٨٠ جنيه
ديه تكلفه تغير زيت موصوف لمسافه ٤٠ الف كيلوا ضيف عليهم تكلفه غيار زيت واحد عن الفتره
الخلاصه انك تحط زيت الفتيس و لو بالغالي هو افضل و اوفر ليكي ماديا مقابل اداء و عمر للفتيس.
النقطه المهمه التانيه
تغيير زيت الفتيس ليه اصول و خطواط لازم انت تكون عارفها عشان تتجنب جهل بعض الناس اللي دخلت مهنه تغير الزيوت و شغلهم غلط و بيكلفوك كتيرر اوي بسبب الجهل ده فلازم تعرف ان :
١ _تغير زيت الفتيس لازم يكون و العربيه بارده جدااااا يعني حضرتك مش ينفع تشترى زيت الفتييس علي طريقك و تفوت ع اخصائي تغير الزيت تقوله لو سمحت غيرلي الزيت بسرعه انا مستعجل لان العربيه لازم تبرد جداا و يستحسن انك تركن العربيه جنب مكان تغير الزيت بوقت كافي عشان لما يشتغل فيها تكون بارده تماما و عشان تمدد بعض اجزاء الفتيس بفعل الحراره بيمنع نزول كل الرايش المعدني الدقيق جدااااا بين الاجزاء الموجود ف الخلوصات مع الزيت الجديد و اسباب تانيه مش موضوعنا بالتفصيل و ديه اول نقطه مهمه جدااا
٢ _ لازم تعرف ان تغير زيت الاتوماتيك مش زي تغير زيت الماتور بفتح طبه الفتيس و تنزيل الزيت وديه طريقه الجهل العجيب اللي بدمر فتايس كل ملاك الاتوماتيك و انا بحزن لما الاقي اخ في الجروب فرحان بتغير الزيت و اساله ازاي الراجل غيرلك الزيت فافهم انه نزل الزيت ف الكارتيره بس و حطله زيت جديد علي باقي الكميه الموجوده في علبه البلوف فبيكون ضحيه جهل من انسان رمي فلوسه ف الارض و اذى الفتيس جدااا يااااا حاضرات تغير زيت الفتيس بيكون عند بتاع فتيس مش عند بتوع تغير زيوت المحركات ف الشارع و البنزينات لان الطريقه الصحيحه بتكون بفك الفتيس او الكارتيره و بيزل الزيت الموجود فيها اللي بيكون تلت الكميه او نصها تقريبا و بيطلع صفايه الفتيس تتغير او تتنضف و بيغسل الكارتير كويس و بينزل باقي كميه الزيت اللي بتكون راكنه بعلبه البلووف وديه باقي الكميه اللي فتح الطبه من تحت مش بتنزلهم و بعدها بيعمل فلاش للفتيس بحط لتر او لترين زياده بتكون عامل حسابك فيهم مش شرط انه يكون من النوع الغالي يكون زيت نضيف عشان نضمن نزول كل باقي الزيت المحروق و الرايش و ده بيكون بفك خرطوم الطرد اللي رايح للردياتير للتبريد بعد كده بنحط كميه زيت 5.7 لتر للفتييس عشان تكون فاهم اي حد يغيرلك زيت فتيس اقل من الكميه ديه اعرف و اتأكد ان غيار الزيت الجديد اتخلط بالزيت المحروق ف علبه البلوف و كده شكرا انت رميت فلوسك بالارض .
النقطه التالته المهمه
بعض الناس اللي بتفهم كويس زي التوكيلات بياخدوا عينه من الزيت و بيحليلوها ( لون و رائحه و شوائب و رايش ) لو النتيجه سلبيه نتيجه انك كنت بتستخدم زيت مش موصوف او انك مشيت ع الزيت اكتر من ١٠٠ الف كيلوا سعتها بيقولك هغير الزيت ع مسئوليتك او بيمتنع لانه بيكون متاكد ان الفتيس هينهار بعد التغيرر و بعض الناس بيصفوا الزيت القديم من الرايش و بيرجعه تاني و بعض الناس بتنزل لتر و تحط مكانه لتر و بعد فتره تنزل لتر و تحط مكانه لتر و هكذا علي كذا غيار لحد ما خواص الزيت تتغير تدريجيا بدل التبديل المفاجئ و الانهيار بعدها مباشرتا

اخر نقطه هي انواع الزيت المناسبه للاوبترا
الموبيل ديكسرون vi
فولفالين لايف ماكس
ايسين afw_vi
مانول o.e.m
ليكوي مولي تك 1200
يرولوب 6
تويوتا t-vi
Motul vi
الاسعار من ١٥٠ ل ٢٠٠ اللتر
باستثناء الموبيل العلبه الزرقا وهو افضلهم ب١٢٠ جنيه اللتر
تحياتي.


اما بخصوص الرجة من ٦٠ ل ٨٠
دي هتكشف علي الكبالن الداخلية و الاكس