ابعاد مسامير جنوط الاوبترا كام ؟

[Karim_Monir]

السلام عليكم يا شعب شيفرولية
اخباركم ايه
ليا سؤال
صديق معاه اوبترا وكان عايز يغير الجنوط وصاني اشوفلة طقم جنوط ايطالي اصلي استيراد زي بتوعي
وانا معرفش ابعاد الاخرام كام
واحد قاله ال الجنوط ال 14 ابعادها 4*108
والجنوط ال 15 ابعادها 4*110
وده مش مظبوط لان المفروض الابعاد واحدة لان المسامير ثابتة
ممكن حدي يفيدني في المقاسات عشان في طقم عند المستود ومستخسر يضيع
تحياتي

[Hosam_Optrawy]

كريم باشا منور

الابعاد على ما أذكر

4 * 114.3

[Karim_Monir]

ده انت اللي منور يا حسام
لو اعرف اني هاشوفك في الموضوع كنت عملتة في هيدر المنتدى :-)
ليك وحشة يا راجل يا طيب

4*114
لكن ايه بوينت 3 دي ؟

[Hosam_Optrawy]

ده انت اللي منور يا حسام
لو اعرف اني هاشوفك في الموضوع كنت عملتة في هيدر المنتدى :-)
ليك وحشة يا راجل يا طيب

4*114
لكن ايه بوينت 3 دي ؟

ربنا يخليك ياكريم وانت كمان ليك وحشه ياكبير

المواقع بتكتب المقاسات بالظبط عشان كدا كاتبين بدقه بوينت 3

لكن المعروف فى السوق 4 * 100 و 4 * 114

[kh_elshiemy]

ياريت ياأستاذ كريم تقولنا المكان والأسعار لأني عاوز اعمل نفس الموضوع دا

[Karim_Monir]

الله ينور يا حسام على الافادة
استاذ الشيمي هو مش مكان هو مستورد بيجيب انصاص
وانا خدت منه طقم oz ايطالي اصلي 8 خرم وعاجب ناس كتير
هو بيجيب شغل من اروبا وبيعاملني تجاري وبستلم من الجنط عالترصيص
لو حابب ممكن اشوفلك عنده ايه وابعاده ايه وانزلك صورته في الموضوع هنا ولو عجبك اجيبهولك منه
عشان هو المخزن بتاعة في طريق زراعي مش محل ده مخزن انصاص وجملة بس بيعملهالي مجاملة ومصالح

[Samah AbdAllah]

كريم بعد اذنك
ممكن اسلم على حسام وامشى مش هحول مسار الموضوع ولا حاجة :-)
هسلم بسرعة واقوله ياريت يرجع ينور المنتدى ويفيدنا بمشاركاته زى زمان حقيقى مفتقدين موضوعاتك واخبارك المميزة يا حسام

[Hosam_Optrawy]

ربنا يخليكى يابسكوته

انا غبت فتره طويله وقصرت فى حق المنتدى كتير بس غصب عنى

ان شاء الله مفيش غياب تانى وربنا يديم المعروف

[windofchange]

كريم باشا سؤال للعلم بالشيء هو بيجيب انصاص ايه يعني فولكس,سيات وكده

[ahmedaglan]

كريم باشا انا امبارح وصيت علي طقم oz جديد بس المفروض انو يجى من مصنعهم في الصين
ودة هيبقي غالي اوى لكن لو عرفت اجيب oz ايطالي علي ابوة هيبقي احسن طبعا
فخدمة من حضرتك انك تصورلنا الي عندو وتنزلو هنا واكيد في ناس كتير هتبقي عايزة ونبقي شاكرين جدا ليك ياكريم باشا وديما تعبينك معانا

[Karim_Monir]

بخصوص الoz حاليا عنده طقم واحد نفس الشكل بتاعي
بكرة ان شاء الله اصورة
بس الطقم بيجي من برة متجرح شويه
فبخدة عني الورشه نظبطة ونرشه نفس لونه او اللون اللي يعجبك
ممكن اعرف الطقم اللي انت طلبته بكام
لان ان شاء الله هاخد الطقم ده بسعر كويس
وبالرش عندي كمان مش هاتتجاوز تكلفته الفين جنيه ان شاء الله
علما بان طقم الجنوط ال 15 لصيني بدون بزاند ما يقدب من الف ونص
وبلاعة ولا مطب شديد تلاقية نصين

[Karim_Monir]

بيجيب جولف ورينو بس اكتر شغلة جملة
بيبيع العربية علي بعضها
لان المخازن بتاعتة في طريق زراعي

[ahmedaglan]

الطقم ال oz الي انا وصيت علية تمنة 4800 بس دة 17 بوصة

[Karim_Monir]

لا دول 15 ستاندرد

[abou-yahia]

لا دول 15 ستاندرد

استاذ كريم
ممكن صور لو متاحه
وشكرا