انذار للسبارك

[omnia2]

السلام عليكم ورحمة الله وبركاته:
الحمد لله انا اشتريت سيفورليه سبارك امبارح جديده وحاسه والله انها كوبسه وناعمه على الطريق اوى
بس كان ليه استفسار انا كنت عايزه اركب ليها انذار والمعرض اللى اشتريت منه قالى ما اقدرش اركبها لك لان الوكيل (منصور شيفورليه) مانع ده الا اذا عملتيها عنده والا ضمان الكهرباء يقع خالص
ياترى الكلام ده صح
وسمعت ان السبارك او الشيفورليه بصفه عامه ما ينفعش يركب لهم انذار علشان حاجه فى الدايره الكهربيه بتاعتهم فهل ياترى حد عنده اى معلومات عن الموضوع ده او ركب انذار لاى عربيه شيفورليه
وشكرا مقدما

[mina_ramsis]

الف مبروك على العربية
لا طبعا ممكن تركيبى انذار عادى بس مش عارف التوكيل هيمانع و لا لأ
على فكرة الاوبترا نازله بانذار و الافيو الناس مركبلها انذار يعنى مفيش مشكله فى الكهرباء و لا حاجة

[samehafez]

المشكلة في موضوع الانذار ان في التوكيل ميعرفوش حاجة عن الكهربا بتاعة العربية ( عارف نظرة الضياع اللي بتبقي في عين العامل و هو مش فاهم اي حاجة من اللي قدامه ......و كمان لما تيجي تسال المهندس قبل ما يرد يروح بسرعة يلبس عباية الفتي ) ....

انا مركب انذار بس المشكلة ان اي حاجة هتحصل في الكهربا هيقول الانذار هو السبب و لو كلمت شيفرولية عشان الانذار هيقولك ركبة برة ....
لو انت محتاجة ركبة

[eng_mkhalaf]

فعلا - وأنا من رائى توكل على الله لو محتاجة فعلا

[Eng.Mohamed Amen]

عندى سؤال يا استاذة امنيه لو حضرتك ركبتى الانزار ياريت تعرفينا ركبتيه فين وبكام وتمن التركيب ونوعه ايه ::وشكرا

[omnia2]

والله انا لسه مش ركبته لان حصلت ظروف كده عندى اخرتنى شويه
بس سألت فى منصور نفسه وقالولى انه ممكن اركه بره بس لو حصل حاجه فى كهربة العربيه همه مش مسؤلين والضمان بتاع كهربة العربيه حيقع
وقالولى انهم بيركبوا الانذار فى شوكة كلاريون وليها فروع فى النزهه والمهندسين وهمه بيبقوا مسؤولين عنه فى الحاله دى وفعلا اتصلت وسألت فى كلاريون وقالوا انه الاسعار بيتبدى من 160 والى فوق على حسب النوع
انا ان شاء الله ناويه اروح اركبه قريب واى اخباروتفاصيل حقولها لحضرتك لو تحب

[Eng.Mohamed Amen]

مليار شكر ليكى يا أستاذه على الرد وعموما مبروك مقدما وأتمنى من حضرتك لما تركبيه

ياريت تقولى نوعه وبكام وتمن التركيب ومنين كده يعنى .. هو ضمان الدائره الكهربيه

قد إيه أصل فى معارف قالولى إستنه الضمان لما يخلص علشان ماتديش فرصه للتوكيل

إنهم يمسكوك من إيدك اللى بتوجعك (تركيب الإنزار) .وشكرا