سائل تبريد الأفيو

[drmagieed]

سيارتي الأفيو 2007 كان التبريد فيها بالمياه العادية من الحنفية .... والأن أنا بأغسل دورة التبريد كل 3-4 أيام تهيدا لإضافة سائل تبريد ... والسائل الموصي به للسيارة 50/50 وهو سائل جاهز لا يخفف بالماء في عبوات 4 لتر ... فما هي سعة نظام التبريد ... يعني هأحتاج كام لتر لملء الرادياتير بسائل التبريد (الإجابة غير موجودة بالكتالوج) ... أرجو المساعدة

[abou-yahia]

عربيتي اوبترا
انا مش شايف داعي لغسيل الدوره علي هذه الفتره القصيره
الكميه تقريبا بنسبه 95% اقل من 4 لتر
وشكرا

[drmagieed]

أنا معاك إن غسيل دورة التبريد كدة كتير ... بس بتاع الرادياتيرات بيقول إن في صدا وإن ده هيبوظ سائل التبريد ... وأنا كنت شوفت علي سي دي حملتها من المنتدي لعربيات الداية والشيفرولية إن سعة نظام التبريد في الأفيو يتراوح ما بين 6.2-6.7 لتر ... فهل هذا الكلام صحيح خصوصا إن سائل التبريد لا يخلط بالماء فهو مخفف 50-50 كما أن سعر ال 4 لتر (أمريكي من التوكيل) 86 جنيه ... ومش عايز أجيب جركن تاني وما أستخدموش ... علي فكرة السائل دة بيقعد 5 سنوات أو 24000 كم أيهما أقرب.
وهل يمكن أضيف مزيل صدأ مع غسيل دور التبريد أم لا.

[drmagieed]

هو ما حدش بيرد ليه ... ما فيش حد غير سائل التبريد بتاع عربيته الأفيو يقولي إستبدله بكام لتر

[ahmed]

بص يا باشا انا مرة جيبت جركن مياه حمراء من موبيل ده كان 4 لتر وكنت بغير كوعه مياه فالمياة كلها وقعت طبعا
لما جيت حطيت المياه الموبيل اخدت حوالى 2 لتر يعنى ان شاء الله جركن واحد كفاية

[Dr/ P.K.Sh]

* * * * * * * * * * * * * *

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية

م 4أ

[drmagieed]

* * * * * * * * * * * *

thank you

[memo823000]

انا افيو هاتش باك 2009
بغير المياه كل سنة قبل دخلت الصيف يعنى على اول شهر 5 غسلة محترمة عند واحد فاهم لا يضرب الحساسات والكمبيوتر
وكنت بجيب جركن 4 لتر من توكيل منصور وبكمل بحوالى لتر الا ربع من مياه حمرا توتال والدنيا بتبقا الحمد لله كويسه

[drmagieed]

المياه إللي إشترتها إسمها dex-cool 50-50 وهي دي إللي مكتوبة في كتالوج العربية وبتتحط زي ماهية ولا تخفف بالماءولونها برتقالي ... فهل توتال الحراء نفس التركيبة الكيماوية ونفس التركيز ... علشان الخلط الخاطئ هيبوظ تركيز المياه وهي غالية الجركن 4 لتر ب 86 جنيه.

[memo823000]

اصل انت بتزود على ال 4 لتر حوالى نصف لتر فمعتقتش ان ليها تاثير
وانا الموضوع ده عملته مرتين مره فى مايو 2010 ومايو 2011 والحمد لله محصلش حاجه فمتقلقش
انا كملت من مياه توتال مخصوص عشان مشهروح اشترى جركن 4 لتر عشان اخد شويه وتانى حاجه عشان انا بصيت على كل المياه فى موبيل وشيل وكدا لقيت كله ضنع فى مصر الا مياه توتال الحمراء صنع فى فرنسا ومعبا فى مصر زى الزيت بتعهم ال 10000 فجبته وتوكلت على الله والحمد لله كله تمام

[drmagieed]

شاكر لك إهتمامك يا أخي العزيز

[drmagieed]

اصل انت بتزود على ال 4 لتر حوالى نصف لتر فمعتقتش ان ليها تاثير
وانا الموضوع ده عملته مرتين مره فى مايو 2010 ومايو 2011 والحمد لله محصلش حاجه فمتقلقش
انا كملت من مياه توتال مخصوص عشان مشهروح اشترى جركن 4 لتر عشان اخد شويه وتانى حاجه عشان انا بصيت على كل المياه فى موبيل وشيل وكدا لقيت كله ضنع فى مصر الا مياه توتال الحمراء صنع فى فرنسا ومعبا فى مصر زى الزيت بتعهم ال 10000 فجبته وتوكلت على الله والحمد لله كله تمام

سألت إنهارده في التوكيل قالو لي بنزود علي ال 4 لتر حاجة بسيطة وفي الغالب مياه عادية ومافيش مشكلة

[drmagieed]

بص يا باشا انا مرة جيبت جركن مياه حمراء من موبيل ده كان 4 لتر وكنت بغير كوعه مياه فالمياة كلها وقعت طبعا
لما جيت حطيت المياه الموبيل اخدت حوالى 2 لتر يعنى ان شاء الله جركن واحد كفاية

تسلم يا باشا ... فعلا رحت إنهاردة غسلت دورة التبريد في صيانة منصور فرع المنصورة ... وحطين مياه برتقالية إسمها acedeleco dex-cool 50-50 وهي مياه أمريكي الصنع وهي الموصي بها في كتالوج الأفيو والعربية أخذت تقريبا 2.5 لتر ... بس مأقولش لك في فرق كبير في صوت ونعومة وأداء الماتور بهذه المياه مقارنة بالمياه العادية من الحنفية ... شكرا لكل من حاول تقديم أي معلومات لي في هذا الموضوع